Lucas 15:28 - Biblia Tetun Dili

²⁸ Rona nunee, oan mane boot hirus teb-tebes, i lakohi tama ba uma laran. Depois nia aman sai baa hamaus nia atu tama ba laran.

Lucas 15:28 Iomraidhean Croise

Jonas 4:9

Maromak hataan ba Jonas dehan, “O hanoin o bele hirus tanba ai talik nee mate tiha ona, ka? O iha direitu saida? O nee, see?” Jonas hataan dehan, “Ho hau nia hirus nunee, husik hau mate deit. Tanba ida nee mak hau merese.”

Mateus 20:11

Bainhira sira simu hotu sira nia osan, ema nebee mak tama serbisu hosi dadeer nee mai murmura ba toos nain

Marcos 1:40

Iha tempu nee, iha ema moras lepra ida mai hasoru Jesus. Nia hakneak iha Jesus nia oin, hodi husu tulun ba Jesus dehan, “Senhor, tulun hau lai! Hau hatene Ita Boot bele halakon hau nia moras nee. Naran katak Senhor hakarak.”

Lucas 13:34

Aii, imi ema Jerusalém sira! Imi oho Maromak nia profeta sira, i tuda ho fatuk too mate ema nebee Maromak haruka ba imi. Dala barak Hau hakarak halibur imi hanesan manu inan halibur nia oan sira para luut, maibee imi lakohi.

Lucas 15:2

Haree nunee, ema Farizeu ho mestri relijiaun sira murmura dehan, “Ema ida nee halo belun fali ho ema sira nebee moris iha sala, i tuur haan hamutuk fali ho sira.”

Lucas 15:27

Atan nee hataan, ‘Senhor nia alin mai fali ona. Nee mak ita nia apaa haruka oho karau oan bokur ida hodi halo festa, tanba nia fila fali ona ho diak.’

Lucas 15:29

Maibee nia hataan ba nia aman, ‘Apaa, hanoin took! Durante tinan barak nia laran hau serbisu hanesan fali atan ba apaa, i apaa haruka hau halo saida deit, hau sempre halo tuir. Maski nunee, apaa nunka foo bibi oan ida mai hau para halo festa ho hau nia kolega sira.

Lucas 24:47

I ema sei foo sai hodi Kristu nia naran katak, see mak husik nia sala, Maromak foo perdaun ba nia. Sira sei foo sai nunee iha nasaun hotu-hotu, hahuu hosi Jerusalém.

Lucas 5:30

Maibee iha mestri relijiaun sira ho ema boot balu tan hosi grupu Farizeu baa iha Jesus nia eskolanti sira hodi kritika dehan, “Nusaa mak imi haan-hemu hamutuk ho kobrador impostu ho ema sala nain sira nee?”

Lucas 7:39

Bainhira uma nain Farizeu nee haree feto nee nia hahalok, nia hanoin dehan, “Se Jesus nee Nai Maromak nia profeta, entaun Nia sei hatene feto nebee kona Nia nee moris iha sala.”

Apostolu sira nia Istoria 13:45

Bainhira nai ulun Judeu sira haree ema barak mai rona Paulo ho Barnabé, sira laran moras. Nunee sira hatete aat Paulo i kontra kedas nia koalia.

Apostolu sira nia Istoria 13:50

Depois nai ulun Judeu balu mai tau lia ba senhora balu nebee riku i hamtauk ba Nai Maromak, ho mos ba ema boot sira iha sidade nee. I sira tau lia ba povu para halo terus Paulo ho Barnabé, too duni sai sira hosi nebaa.

Apostolu sira nia Istoria 14:19

Liu tiha nee, ema Judeu balu too mai hosi sidade Antiokia ho sidade Ikóniu. Sira tau lia ba povu hodi kontra sira nain rua, too sira mos tuda Paulo ho fatuk. I sira rasta nia sai hosi sidade. Sira hanoin dehan nia mate tiha ona.

Apostolu sira nia Istoria 14:2

Maibee ema Judeu sira nebee lakohi fiar ba Jesus tau lia ba ema balu nebee laos Judeu para odi ema sarani sira.

Roma 10:19

Hau husu tan: Keta halo be ema Israel la komprende liafuan nebee mak sira rona nee? Sira komprende! Primeiru, Moisés hatoo Maromak nia liafuan ba ema Israel dehan, “Hau sei foo bensaun ba ema nebee laos Judeu, halo imi laran moras ba sira. Hau sei hatudu laran diak ba povu nebee beik, halo imi hirus.”

2 Korintu 5:20

Ami nee Kristu mak haruka. Nunee bainhira ami foo sai Maromak nia hakarak, nee hanesan Maromak rasik mak koalia liu hosi ami. Hodi Kristu nia naran, ami husu ho laran atu imi foo imi nia aan ba dame ho Maromak.

1 Tesalonika 2:16

Sira buka taka dalan, atu ami la bele foo sai tan Maromak nia Novidade Diak ba ema nebee laos Judeu. Ema Judeu sira nee lakohi atu Maromak salva ema seluk. Nunee sira nia sala amenta ba bebeik. Tuir mai, Nai Maromak hirus, i kastigu sira.