Lucas 14:27 - Biblia Tetun Dili

²⁷ Ema nebee hakarak tuir Hau, nia tenki prontu atu simu terus, hanesan ema nebee prontu lori nia krus hodi tuir Hau too mate. Se lae, nia la serve sai Hau nia eskolanti.

Lucas 14:27 Iomraidhean Croise

Mateus 10:38

See mak hakarak sai Hau nia ema, nia tenki lori nia krus hodi tuir Hau, i tenki prontu atu simu terus too mate. Se lae, nia la serve sai Hau nia ema.

Mateus 13:21

Maibee liafuan nee la metin i aguenta lalais deit. Bainhira susar kona nia, ka ema seluk halo terus nia tanba nia simu liafuan nee, nia husik tiha kedas.

Marcos 10:21

Jesus hadomi ema nee, i dehan, “Nee loos! Maibee sei falta buat ida tan. Agora o fila ona, i baa faan tiha o nia riku soin hotu. Nia osan nee, o fahe ba ema kiak ho ema mukit sira. Foin o mai tuir Hau. Depois Nai Maromak sei foo fali ba o, riku seluk iha lalehan.”

Marcos 15:21

Bainhira sira sai hosi Jerusalém, iha dalan klaran sira hasoru ema ida hosi sidade Sirene. Nia naran Simão, Alexandre ho Rufo sira nia aman. Nia atu tama ba Jerusalém, soldadu sira kaer nia i obriga nia hasaan Jesus Nia krus.

Lucas 14:28

Hanoin took ema nebee atu halo uma andar. Nia tenki tuur sura didiak, atu halo uma nee, tenki gasta osan hira. I nia tenki haree didiak nia osan too hodi halo remata uma nee ka lae?

João 19:17

Jesus lori Nia krus sai hosi sidade. Sira lao ba iha fatin ida nebee sira bolu dehan, “Fatin Ulun Ruin nian”. (Iha sira nia lian Aramaiku, fatin nee nia naran, Golgota.)

Apostolu sira nia Istoria 14:22

Iha fatin hirak nee sira koalia ho sarani sira hodi hametin sira nia laran. Sira foo hanoin dehan, “Ita nebee fiar ba Nai Jesus sei hetan terus oi-oin, maibee ita tenki tuir nafatin Jesus, para ita bele moris hamutuk ho Nai Maromak iha nia reinu.”

2 Timóteo 1:12

Tanba nee mak hau terus iha kadeia. Maibee hau la moe, tanba hau konhese Kristu i fiar ba Nia. I hau hatene loloos katak Nia sei kuidadu Nia Novidade Diak nebee Nia tau ona iha hau nia kabaas, too Nia fila fali mai hosi lalehan.

2 Timóteo 3:12

Loos duni, ema hotu nebee fiar ba Kristu Jesus i hakarak moris loos tuir Maromak nia hakarak, sei hetan terus.