Lucas 14:23 - Biblia Tetun Dili

²³ Entaun patraun dehan, ‘Se nunee, o sai hosi sidade nee ba iha dalan boot sira no dalan kiik sira. O hetan see-see deit iha dalan, obriga sira mai, hodi halo nakonu hau nia fatin nee.’

Lucas 14:23 Iomraidhean Croise

Mateus 21:43

“Nee duni Hau hatete ba imi, Maromak sei hasai Nia reinu hosi imi. Nia sei hili fali povu seluk nebee sei halo tuir Nia hakarak.

Mateus 5:41

Se militar ruma obriga imi atu hulan nia sasaan lao kilometru ida, kontinua lao ho nia too kilometru rua.

Lucas 14:22

Atan nee mos halo tuir. Bainhira nia fila, nia foo hatene dehan, ‘Patraun, sira mai hotu ona, maibee fatin mamuk sei iha.’

Lucas 14:24

Hau hatete ba imi, hosi ema sira nebee Hau konvida uluk, ida mos la bele haan iha Hau nia festa.”

Lucas 24:29

Maibee sira nain rua husu bebeik, “Senhor, deskansa lai ho ami kalan nee, tanba loro matan atu besik monu ona.” Entaun Jesus tama hamutuk ho sira ba uma laran.

Apostolu sira nia Istoria 16:15

Depois ami sarani Lídia ho ema hotu nebee hela ho nia. I nia konvida ami dehan, “Senhor sira, se imi hanoin hau fiar tebes ba Nai Jesus, entaun imi baa hela lai iha hau nia uma.” Nia hamaus bebeik, too ikus mai ami mos simu.

Apostolu sira nia Istoria 18:6

Maibee ema Judeu balu kontra bebeik ho hatete aat nia. Entaun Paulo baku rai uut hosi nia hena, hanesan sinal katak, nia la interese tan ho sira ona. Nia dehan, “Imi mak sei lori todan no responsabiliza ba imi nia raan rasik. Hau la iha tan responsabilidade ona ba imi ema Judeu. Agora hau atu baa foo sai Novidade Diak ba ema sira nebee laos Judeu.”

Apostolu sira nia Istoria 28:28

Ikus liu Paulo mos dehan, “Maun-alin sira, imi tenki hatene katak, agora Nai Maromak haruka ona Nia Liafuan kona ba salvasaun ba ema sira nebee laos Judeu, i sira mos sei simu Nia.”

Apostolu sira nia Istoria 9:15

Maibee Nai Jesus koalia tan, “O baa deit! Tanba Hau hili ona nia hodi serbii Hau, i lori Hau nia Novidade Diak baa foo ba sira nebee laos ema Judeu, foo ba liurai sira, ho mos ba ema Judeu sira.

Roma 10:18

Entaun hau hakarak husu, ema Israel nunka rona kona ba Kristu ka? Sira rona tiha ona! Hanesan hakerek iha Livru Sagradu dehan, “Sira nia liafuan foo sai tiha ona iha mundu tomak, hosi rai ulun too rai ikun.”

2 Korintu 5:11

Ami hamtauk ba ita nia Nai. Tanba nee, ami hakaas aan dada ema seluk atu fiar ba Maromak. Nia hatene loloos ami nia laran, hau hein katak imi mos hatene.

2 Korintu 5:20

Ami nee Kristu mak haruka. Nunee bainhira ami foo sai Maromak nia hakarak, nee hanesan Maromak rasik mak koalia liu hosi ami. Hodi Kristu nia naran, ami husu ho laran atu imi foo imi nia aan ba dame ho Maromak.

2 Korintu 6:1

Tanba ami serbisu hamutuk ho Maromak, nunee ami husu atu imi la bele fila kotuk ba Maromak nia grasa nebee imi simu ona.

Kolose 1:23

Naran katak imi hamriik metin hodi fiar nafatin. Keta nakdoko, maibee laran metin nafatin katak Maromak halo tuir duni buat nebee Nia promete ona iha Nia Novidade Diak. Novidade Diak nee, ema foo sai ona iha fatin-fatin deit iha mundu nee. I hau, Paulo, mos simu knaar para foo sai Novidade nee.

Kolose 1:28

Ami sempre foo hatene ba ema iha fatin-fatin kona ba Kristu. Ho matenek hotu nebee Maromak foo, ami hanorin sira i foo hanoin ba sira. Ami halo nunee, para ema hotu-hotu nebee fiar ba Kristu bele sai forti liu tan i moris loos, atu aban-bainrua sira bele hamriik iha Maromak nia futar oin.

2 Timóteo 4:2

foo sai Nai Maromak nia liafuan; iha tempu diak ka la diak, o tenki prontu. Koriji ema nebee halo sala, i bandu sira para la bele halo sala tan. Hametin ema nia laran. Halo buat sira nee hotu ho pasiensia, liu hosi hanorin Nai Maromak nia liafuan.