Lucas 14:15 - Biblia Tetun Dili

¹⁵ Rona nunee, iha ema ida nebee tuur hamutuk ho Jesus iha meza, dehan ba Nia, “Ema nebee tuur haan hamutuk iha Maromak nia reinu iha Maromak nia festa boot, hetan bensaun.”

Lucas 14:15 Iomraidhean Croise

Mateus 25:10

Bainhira sira baa sosa mina, noivu mos too mai. I feto raan nain lima nebee prontu hela atu simu noivu nee, tama hamutuk ho noivu ba iha festa kazamentu laran. Depois ema taka tiha odamatan.

Mateus 8:11

Rona mai. Ema barak sei mai hosi fatin-fatin, hosi lorosae i loromonu, sira sei mai tuur haan hamutuk ho Ita nia bei-ala Abraão, Isac no Jacó iha Maromak nia reinu iha lalehan.

Lucas 12:37

Bainhira patraun haree nia atan sira hein hela nia, sira sorti boot. Hau hatete loloos ba imi, patraun rasik sei haruka sira tuur iha meza, depois nia hatais fali ropa atan nian hodi serve nia atan sira nee.

Lucas 13:29

Ema sei mai hosi lorosae no loro-monu, tasi feto no tasi mane, i sira sei tuur hamutuk ho Maromak nia reinu hotu-hotu hodi haan iha Maromak nia festa boot.

Lucas 22:16

Hau hakarak halo nunee hodi hatudu ba imi katak Hau sei la haan tan hahaan Paskua nian too ema haree momoos Nai Maromak ukun nudar Liurai.”

Lucas 22:30

atu nunee bainhira Hau kaer ukun, imi bele tuur iha meza hodi haan-hemu hamutuk ho Hau. I imi mak sei ukun suku sanulu resin rua iha Israel.”

Apokalipse 19:9

Depois anju nee dehan mai hau, “Hakerek nunee: See mak hetan konvite atu mai asisti Bibi Oan nia festa kazamentu nee, sira hetan bensaun.” Anju nee hatutan tan dehan, “Nai Maromak nia liafuan nee loos duni!”