Lucas 13:33 - Biblia Tetun Dili

³³ Bele halo nusaa mos, Hau tenki halao nafatin Hau nia serbisu ohin loron, aban no bainrua. Too iha Jerusalém mak foin ema bele oho Hau. Tanba ema sempre oho Maromak nia profeta sira iha Jerusalém.

Lucas 13:33 Iomraidhean Croise

Mateus 20:18

“Rona mai, agora ita baa Jerusalém. Too iha nebaa, ema sei entrega Hau, Ema Oan, ba iha nai lulik nia ulun sira ho mestri relijiaun sira. Ema sira nee sei tesi Hau nia lia katak Hau tenki hetan kastigu mate.

Mateus 21:11

Ema barak nebee mak lao hamutuk ho Jesus nee hataan dehan, “Nia nee Jesus, Maromak nia profeta hosi Nazaré iha provinsia Galileia.”

Lucas 9:53

Maibee ema iha nebaa lakohi simu Jesus, tanba sira hatene katak Nia atu baa iha Jerusalém.

João 11:54

Nunee Jesus la lao tan iha ema Judeu nia boot sira nia oin. Nia ho Nia eskolante sira sees aan ba tiha iha sidade ida, naran Efraim, besik rai fuik maran. Sira hela lalais deit iha nebaa.

João 11:9

Jesus hataan, “Keta tauk! Loro-loron, loro-matan foo naroman hosi dadeer too lokraik. Nee iha oras 12. Bainhira ema lao iha naroman la sidi, tanba naroman leno mundu nee.

João 12:35

Jesus hataan, “La kleur tan, Hau nia naroman la foo tan naroman ba imi. Nunee bainhira Hau sei iha nee, imi tenki moris loos, para nakukun la bele taka naroman nebee iha imi nia laran. Tanba ema nebee lao iha nakukun, nia la hatene atu baa nebee.

João 4:34

Maibee Jesus hatete, “Nai Maromak haruka Hau mai hodi halo tuir Nia hakarak, no halao Nia serbisu too remata. Ida nee mak hanesan hahaan ba Hau.

João 9:4

Nai Maromak mak haruka Hau mai. Nunee ita tenki hakaas aan hodi halao Nia serbisu bainhira rai sei loron. Tanba bainhira kalan mai ona, ema la bele serbisu tan ona.

Apostolu sira nia Istoria 10:38

Imi mos hatene ona katak Nai Maromak foo Nia Espiritu Santu ho mos poder ba Jesus, ema Nazaré. Depois Jesus tama-sai aldeia-aldeia hodi halo diak ba ema, i kura ema hotu nebee Satanás halo terus, tanba Nai Maromak hamutuk ho Nia.

Apostolu sira nia Istoria 13:27

Nai ulun Judeu ho povu Jerusalém kastigu mate Jesus. Nunee sira halo tuir buat nebee profeta sira hakerek hori uluk ona. Sabdu-Sabdu sira baa iha ema Judeu sira nia uma kreda hodi rona profeta sira nia liafuan. Maski nunee, sira la hatene katak Jesus nee mak Ema ida nebee Nai Maromak promete atu haruka mai nee.