Lucas 13:16 - Biblia Tetun Dili

¹⁶ Senhora nee Abraão nia jerasaun hanesan mos ita. Satanás kesi metin nia durante tinan sanulu resin walu ona. Ohin Hau hasai nia hosi Satanás nia liman laran iha loron Sabadu, halo nusaa mak bele sala?!”

Lucas 13:16 Iomraidhean Croise

Mateus 4:10

Maibee Jesus hataan fali dehan, “Satanás, sai hosi nee! Tanba iha Livru Sagradu hakerek nunee, ‘O tenki adora Nai, o nia Maromak, i serbii mak Nia deit.’

Marcos 2:27

I Jesus dehan tan nunee, “Imi la bele haluha katak Nai Maromak halo loron Sabadu para sai bensaun, hodi tulun ita ema. Maibee Nia la halo ita ema hodi tuir deit loron Sabadu nia lei.

Lucas 16:24

Entaun nia bolu, ‘Aboo Abraão, hadomi hau baa! Haruka Lázaro habokon nia liman fuan ba bee, para halo turu mai hau nia nanaal. Tanba ahi lakan nee halo hau terus teb-tebes.’

Lucas 19:9

Jesus hatete ba nia, “Ohin loron nee kedas, Nai Maromak salva o nia uma kain tomak, tanba o mos Abraão nia jerasaun.

Lucas 3:8

Imi tenki muda imi nia hahalok hodi hatudu katak imi husik duni imi nia sala. I lalika hanoin dehan, imi loos ona, tanba deit imi Abraão nia jerasaun. Lae! Hau hatete ba imi: fatuk sira nee mos, Maromak bele halo sai Abraão nia jerasaun.

João 8:44

Imi nia hahalok hanesan diabu, tanba imi gosta halo tuir diabu nia hakarak. Hosi hahuu kedas nia oho door ema. Nia kontra buat nebee loos, tan nia la simu buat loos hotu-hotu. Se nia bosok teen, nee ba nia baibain. Tan nia nee, bobar lia door, no bosok-teen hotu nia huun.

Apostolu sira nia Istoria 13:26

Maun-alin sira. Imi nebee Abraão nia jerasaun, ho mos imi hosi nasaun seluk nebee hamtauk ba Nai Maromak. Nai Maromak foo ona Novidade Diak ba ita, atu ita bele hetan salvasaun.

2 Timóteo 2:26

Nunee sira nia hanoin bele sai loos fali, i sira bele halai sai hosi Satanás nia liman, nebee kaer tiha ona sira hodi obriga sira halo tuir nia hakarak.