Lucas 13:15 - Biblia Tetun Dili

¹⁵ Nai Jesus hataan, “Hei! Imi koalia oin ida, hahalok oin seluk! Iha loron Sabadu imi mos kore imi nia karau ho kuda hodi dada baa foo hemu. Nee mos halo serbisu.

Lucas 13:15 Iomraidhean Croise

Mateus 15:14

Husik baa! Sira nee hanesan ema matan delek nebee hatudu dalan ba ema matan delek seluk, too ikus sira hotu monu ba rai kuak.”

Mateus 15:7

Imi ema laran makerek, Imi koalia oin ida, hahalok oin seluk! Buat nebee hori uluk kedas profeta Isaias hakerek, kona loos imi. Nia foo tutan Maromak nia Liafuan nunee:

Mateus 23:13

Depois Jesus hatete ba nai ulun relijiaun Judeu sira dehan, “Imi mestri relijiaun sira ho ema Farizeu sira, imi sei hetan susar. Imi koalia oin ida, hahalok oin seluk. Imi rasik lakohi tama Maromak nia reinu. Se iha ema seluk hakarak tama mos, imi taka odamatan ba sira, atu sira la bele tama.

Mateus 23:28

Imi mos nunee. Bainhira ema haree imi hosi liur, imi ema diak. Afinal imi laran makerek no kontra Maromak nia ukun fuan.

Mateus 7:5

Imi ema laran makerek, nebee koalia oin ida, hahalok oin seluk! Hasai tiha uluk ai kabelak iha o nia matan rasik, mak foin o haree moos hodi hasai ai-luruk hosi o nia maluk nia matan.

Lucas 12:1

Iha tempu nebaa, ema rihun ba rihun sena malu hodi mai rona Jesus nia hanorin. Jesus hanorin uluk ba Nia eskolanti sira dehan, “Kuidadu ho ema Farizeu sira. Tanba sira nee koalia oin ida, hahalok oin seluk. Sira nia hahalok nee hanesan fermentu, ema tau ituan deit ba trigu, depois trigu sae.

Lucas 14:5

Depois Jesus husu tan ba sira, “Se imi nia oan ka imi nia karau monu tama ba bee posu laran iha loron Sabadu, konserterza imi baa dada sai. Loos ka lae? Nee mos serbisu ida.”

Lucas 6:42

Oinsaa mak o brani dehan, ‘Kolega, mai hau hasai tiha ai rahun kikoan nee hosi o nia matan.’ Afinal iha ai kabelak ida taka hela o nia matan. Imi koalia oin ida, hahalok oin seluk! Hasai tiha uluk ai kabelak iha o nia matan, mak foin o haree hetan para bele hasai ai rahun kikoan hosi o nia maluk nia matan.”

Lucas 7:13

Bainhira Nai Jesus haree feto faluk nee, Nia hanoin teb-tebes hodi hatete ba nia, “Keta tanis.”

Lucas 7:19

baa hasoru Nai Jesus hodi husu, “Ita Boot mak Ema ida nebee Maromak promete atu haruka mai ka ami tenki hein ema seluk?”