Lucas 13:11 - Biblia Tetun Dili

¹¹ Iha nebaa iha senhora ida nebee bonko durante tinan sanulu resin walu ona, tanba espiritu aat mak halo nia nunee. Nia kotuk kleuk loos, atu hamriik loos ituan mos la bele.

Lucas 13:11 Iomraidhean Croise

Mateus 4:23

Jesus lao iha provinsia Galileia tomak hodi hanorin iha ema Judeu sira nia uma kreda. Nia foo sai Novidade Diak kona ba oinsaa Maromak ukun nudar Liurai. I Nia mos kura ema nebee iha moras oi-oin.

Marcos 9:21

Haree nunee, Jesus husu ba labarik nia aman, “O nia oan nia moras nee kleur ona ka?” Nia aman hataan, “Komesa nia sei kiik.

Lucas 13:12

Jesus haree senhora nee, i bolu nia mai hodi hatete ba nia, “Senhora, ita nia moras diak tiha ona.”

Lucas 13:16

Senhora nee Abraão nia jerasaun hanesan mos ita. Satanás kesi metin nia durante tinan sanulu resin walu ona. Ohin Hau hasai nia hosi Satanás nia liman laran iha loron Sabadu, halo nusaa mak bele sala?!”

Lucas 21:28

Bainhira sinal sira nee hahuu akontese, hamriik metin no fotin oin ho laran haksolok baa, tanba imi nia Salvador besik mai ona.”

Lucas 8:2

Iha mos feto balu nebee tuir. Sira nee uluk iha moras oi-oin, balu espiritu aat tama iha sira nia laran, maibee Jesus kura tiha hotu. Ida mak Maria Madalena, uluk Jesus duni sai espiritu aat hitu hosi nia.

Lucas 8:27

Iha fatin nee, iha mane ida, espiritu aat tama iha nia laran kleur ona. Nia hosi sidade, maibee la hela iha uma, hela deit iha rate, i nia isin molik deit. Espiritu aat sira ataka nia dala barak ona. Ema kesi nia liman-ain bebeik ho korenti, maibee nia sempre rasta kotu hotu. I espiritu aat sira obriga nia halai ba iha rai fuik. Bainhira Jesus tuun hosi bero, ema nee mai hasoru Nia. Nia hakilar i hakneak hakruuk too rai iha Jesus nia ain. Depois Jesus haruka espiritu aat sai hosi nia. Ema nee hakilar dehan, “Jesus, Nai Maromak Aas Liu nia Oan. O hakarak halo saida mai hau? Hau husu ba O, keta kastigu hau!”

Lucas 8:43

Iha ema lubun boot nee, iha feto ida, nia fulan mai la para durante tinan sanulu resin rua. Nia faan tiha nia sasaan hotu hodi baa konsulta iha doutor sira, maibee la iha ema ida mak bele kura nia moras.

Apostolu sira nia Istoria 3:2

Sira foin atu tama ba iha portaun naran ‘portaun kapaas’, sira haree mane ida ain aat, lao la diak, komesa nia moris. Loro-loron ema hulan nia baa tau iha nebaa, atu nia bele husu ezmola ba ema nebee mak tama ba iha Uma Kreda nee.

Apostolu sira nia Istoria 4:22

Afinal, ema nee ain aat durante tinan haat-nulu resin ona, foin nia hetan kura.