Lucas 12:5 - Biblia Tetun Dili

⁵ Agora Hau foo hatene ba imi, see mak imi tenki tauk. Imi tenki tauk mak Nai Maromak. Tanba Nia bele oho imi nia isin, depois Nia mos iha kbiit hodi soe imi ba infernu. Nunee imi tenki tauk mak Nia.

Lucas 12:5 Iomraidhean Croise

Mateus 10:28

La bele tauk ema nebee mak hakarak oho imi, tanba sira so bele oho deit imi nia isin lolon, imi nia klamar sira la bele oho. Diak liu imi tauk ba Maromak, tanba Nia mak iha kbiit hodi oho imi nia isin lolon i soe imi nia klamar ba infernu.

Mateus 25:41

Depois Hau hatete ba ema sira nebee iha Hau nia sorin karuk dehan, ‘Sai tiha hosi nee, imi sira nee hetan ona malisan. Baa tama iha ahi laran nebee mak nunka mate. Ahi nee prepara tiha ona ba diabu ho nia anju sira.

Mateus 25:46

I ema sira nee sei tama ba iha fatin terus rohan laek. Maibee ema nebee moris loos sei hetan moris rohan-laek.”

Mateus 5:22

Maibee Hau hatete ba imi, ‘See mak hirus nia maun-alin ida, nia sei hetan kastigu. See mak tolok nia maun-alin ida, nia sei baa hataan iha tribunal. I see mak hirus ema seluk dehan, ‘O beik-teen’, ema nee lao dadauk ona ba iha ahi infernu nebee lakan.

Marcos 13:23

Nee duni, imi tenki kuidadu didiak! Tanba tempu terus nee seidauk too mai, maibee Hau foo hatene kedas ba imi ona.”

1 Tesalonika 4:6

La bele book maluk kristaun nia kaben. Nai Maromak sei foo kastigu ba ema nebee halo sala sira nee. Buat sira nee ami foo atensaun fila-fila ba imi hori uluk kedas.

Ebreu 10:31

Maromak nee moris rohan laek. Atu monu ba Maromak nia kastigu nunee, todan teb-tebes.

2 Pedro 2:4

Hanoin took! Uluk bainhira anju balu halo sala, Maromak kastigu sira i soe sira ba infernu. Iha nebaa sira sai dadur iha rai kuak klean nakukun hodi hein too Maromak julga sira.

Apokalipse 14:7

Anju nee hatete ho lian makaas dehan, “Hotu-hotu tenki respeita Nai Maromak i foti aas Nia naran, tanba tempu too ona atu Nai Maromak tesi ema hotu-hotu nia lia. Adora Nia tanba Nia mak halo lalehan ho rai, tasi ho bee matan.”

Apokalipse 15:4

Nai, ema hotu-hotu tauk Ita Boot i foti aas Ita Boot nia naran, tanba so Ita Boot deit mak santu. Ema hosi nasaun hotu-hotu sei mai adora Ita Boot, tanba ema hotu-hotu haree ona katak Ita Boot halo saida deit sempre diak no loos.”

Apokalipse 20:14

Hotu tiha mate sira nia fatin soe tiha ba iha ahi lakan boot nebee nunka mate nia laran, i Mate mos soe hotu iha nebaa. Ahi lakan boot nee mak ema bolu dehan, “mate ba dala rua”.