Lucas 12:42 - Biblia Tetun Dili

⁴² Jesus hataan, “Komparasaun nee kona ba ema see-see deit mak hanesan atan diak ida, nia hatene toma konta nia patraun nia sasaan, i foo laran ba nia patraun. Patraun sei foo fiar ba ema nee para fahe hahaan ba nia atan sira seluk tuir oras.

Lucas 12:42 Iomraidhean Croise

Mateus 13:52

Jesus dehan, “Tanba nee, mestri relijiaun ida-idak nebee simu hanorin kona ba reinu lalehan nian, hanesan uma nain nebee hasai rikusoin foun no rikusoin tuan hosi sira nia kofre.”

Mateus 20:8

Rai besik kalan ona, nia hatete ba mandor dehan, ‘Baa bolu ema sira nebee mak serbisu iha toos uvas hodi selu sira ida-idak. Maibee selu uluk ema sira nebee mak tama ikus. Sira nebee mak tama uluk, selu ikus.’

Lucas 12:43

Bainhira patraun fila ba uma, haree atan nee badinas halao nia serbisu, atan nee sorti boot.

Lucas 7:13

Bainhira Nai Jesus haree feto faluk nee, Nia hanoin teb-tebes hodi hatete ba nia, “Keta tanis.”

Lucas 7:19

baa hasoru Nai Jesus hodi husu, “Ita Boot mak Ema ida nebee Maromak promete atu haruka mai ka ami tenki hein ema seluk?”

Apostolu sira nia Istoria 20:28

Nee duni imi tenki kuidadu didiak ho imi nia moris, ho haree didiak Maromak nia povu. Espiritu Santu haruka imi tau matan ba sira hanesan bibi atan ida hein nia bibi. La bele haluha katak, Nai Jesus mate ona hodi sosa kotu ema sira nee ho Nia raan.

1 Timóteo 3:15

Nunee se hau demora karik, hau nia surat nee bele foo hanoin ba o katak ita tenki moris hanesan familia iha Maromak nia uma. Maromak nee mak Maromak nebee Moris. I Nia povu hanesan aliserse ho uma riin nebee hamriik metin hodi suporta Maromak nia hanorin nebee loos.

1 Timóteo 5:17

Hatudu respeitu didiak ba presbiteru sira nebee halo serbisu ho diak. I selu sira nia kolen ho diak, liu-liu sira nebee badinas foo sai Maromak nia liafuan no hanorin sarani sira hodi foo hanoin ba sira para moris tuir.

2 Timóteo 4:2

foo sai Nai Maromak nia liafuan; iha tempu diak ka la diak, o tenki prontu. Koriji ema nebee halo sala, i bandu sira para la bele halo sala tan. Hametin ema nia laran. Halo buat sira nee hotu ho pasiensia, liu hosi hanorin Nai Maromak nia liafuan.

Tito 1:7

Tanba nudar presbiteru nebee toma konta Maromak nia serbisu maka nia tenki moris loos para ema la hatudu liman ba nia. La bele foti aan. La bele hirus-door, lanu-teen, baku-door, i la onestu ho osan.

Ebreu 13:17

Imi tenki rona no halo tuir imi nia lideransa. Tanba sira tau matan ba imi loron-kalan, i aban-bainrua sira sei hataan ba Nai Maromak kona ba sira nia serbisu nee. Se imi rona duni sira, maka sira sei halao sira nia serbisu ho laran haksolok. Se lae, sira nia laran tristi, i nee la diak ba imi.

Ebreu 13:7

La bele haluha imi nia lider sira nebee foo sai ona Nai Maromak nia liafuan ba imi. Hanoin didiak no haree ba sira nia moris. Halo tuir sira nia ezemplu diak nebee sira halo iha sira nia moris loro-loron, i halo tuir sira nia fiar.

Ebreu 3:5

Moisés halo tuir Maromak nia hakarak hodi serbii Maromak nia povu nudar atan ida iha Maromak nia uma laran. I nia koalia kona ba buat nebee mak Nai Maromak atu foo sai aban-bainrua.

1 Pedro 4:10

Nai Maromak foo kbiit ba imi ida-idak la hanesan. Uza didiak kbiit nebee Nia foo ba imi nee hodi serbii ema seluk.