Lucas 12:32 - Biblia Tetun Dili

³² Jesus hatutan tan ba nia eskolanti sira dehan, “Lalika tauk! Imi hanesan bibi malae grupu kiik oan deit, maibee imi nia Aman iha lalehan mak Liurai Boot, i Nia haksolok hili imi hodi moris iha Nia ukun laran.

Lucas 12:32 Iomraidhean Croise

Mateus 14:27

Maibee Jesus hataan kedas, “Hakmatek baa! Hau mak nee. La bele tauk!”

Mateus 20:16

Jesus taka Nia liafuan dehan, “Nunee mos ema nebee ikus, aban-bainrua sei sai fali uluk. I ema nebee uluk, sei sai fali ikus.”

Mateus 25:34

Nudar Liurai, Hau sei hatete ba ema sira nebee iha Hau nia sorin loos nee dehan, ‘Imi sira nebee mak Hau nia Aman foo bensaun, mai tama ona ba imi nia fatin iha reinu lalehan. Fatin nee prepara nanis tiha ona ba imi bainhira Maromak halo mundu nee.

Mateus 7:15

“Kuidadu ho ema nebee bosok dehan, sira Maromak nia profeta. Sira finji maus hanesan bibi malae, maibee tuir loloos sira nee hanesan asu fuik.

Lucas 10:21

Iha tempu nee, Jesus nia laran haksolok liu hosi Espiritu Santu, i Jesus hahii Nai Maromak dehan, “Hau nia Aman, Hau agradese ba Ita Boot. Ita Boot mak lalehan ho rai nia Nain. Ita Boot taka buat sira nee ba ema matenek sira, maibee Ita Boot hatudu fali ba ema kiik sira. Hau nia Aman, ida nee halo Ita Boot nia laran haksolok duni.”

João 18:36

Jesus hataan, “Hau laos liurai ida iha mundu nee. Se Hau liurai iha mundu nee, Hau nia ema sira defende Hau para ema Judeu la kaer Hau. Loos, Hau Liurai duni. Maibee laos ema iha mundu nee mak foti Hau.”

Apostolu sira nia Istoria 20:28

Nee duni imi tenki kuidadu didiak ho imi nia moris, ho haree didiak Maromak nia povu. Espiritu Santu haruka imi tau matan ba sira hanesan bibi atan ida hein nia bibi. La bele haluha katak, Nai Jesus mate ona hodi sosa kotu ema sira nee ho Nia raan.

Apostolu sira nia Istoria 20:29

Hau atu baa ona. Depois mestri falsu sei mai hanesan asu siak iha imi nia klaran hodi buka atu halo imi sees aan hosi Nai Jesus nia Dalan.

Roma 6:23

Tanba konsekuensia ba ema nebee moris iha sala mak mate. Maibee moris rohan laek, Maromak foo gratis deit ba ema nebee fiar iha Kristu Jesus, ita nia Nai.

1 Korintu 1:21

Maromak nia matenek makaas teb-tebes. Nia desidi katak, ita ema la bele konhese Nia liu hosi ita nia matenek rasik. Maibee Nia hakarak uza Novidade Diak kona ba Kristu nia mate atu salva see-see deit mak fiar, maski ema iha mundu nee dehan Novidade Diak nee buat beik ida.

Filipi 2:13

Tanba Nai Maromak rasik serbisu iha imi nia laran. Nia halo imi prontu hodi tuir Nia hakarak, i foo mos kbiit ba imi atu bele halo tuir.

2 Tesalonika 1:11

Nee mak ami halo orasaun ba imi loron-kalan, atu Nai Maromak, nebee bolu imi sai Nia ema, bele konsidera imi serve duni atu tuir Nia. Imi nia fiar ba Jesus halo imi hakarak halo buat nebee diak. Ami husu ba Nai Maromak foo kbiit ba imi atu bele halo duni buat diak sira nee hotu.

2 Tesalonika 1:5

Nee hotu hatudu prova katak, Nai Maromak sei tesi lia ho loos. Nunee, Maromak nudar Liurai Boot sei konsidera imi serve duni atu sai membru iha reinu Maromak nian. Tanba imi serbii Liurai nee mak imi terus nunee.

Ebreu 12:28

Nee duni, mai ita agradese ba Nai Maromak, tanba Nia simu ita sai Nia reinu, i Ninia ukun la nakdoko. Mai ita adora Nia ho respeitu ho hamtauk tuir Nia hakarak.

Tiago 2:5

Maun-alin doben sira, rona mai. Nai Maromak hili ona ema kiak tuir mundu nia haree, atu sai riku iha fiar. Maromak nudar Liurai hili ona sira hodi sai Maromak nia reinu nebee Nia promete ona atu foo ba Nia povu nebee hadomi Nia.

2 Pedro 1:11

i aban-bainrua Nai Maromak sei simu imi ho laran tomak hodi tama iha Jesus Kristu nia reinu. Jesus Kristu mak ita nia Nai no ita nia Salvador, i Nia ukun la hotu la remata.

Apokalipse 1:6

Nia foti ona ita sai Nia reinu. Nia mos hili ita sai hanesan nai-lulik para serbii Nia Aman Maromak. Nunee mai ita foti aas Jesus Kristu nia naran, tanba Nia mak iha kbiit hodi ukun tinan ba tinan. Amen!

Apokalipse 22:5

Iha sidade nee, la iha tan kalan. Maromak nia povu la presiza ona loro matan ka ahi-oan, tanba Nai Maromak rasik mak foo naroman ba sira. I Nia povu sei ukun iha nebaa too tinan ba tinan.