Lucas 12:21 - Biblia Tetun Dili

²¹ Nunee mos ho ema nebee halibur rikusoin ba nia aan rasik, maibee sai kiak iha Maromak nia futar oin.”

Lucas 12:21 Iomraidhean Croise

Lucas 12:33

Entaun, baa faan tiha sasaan nebee imi iha i fahe osan nee ba ema kiak sira. Nunee imi rai fali rikusoin iha lalehan, para bele dura. Iha nebaa, imi nia rikusoin sei la hotu, naok-teen la besik, i barata mos la haan.

Lucas 16:11

Se imi kaer rikusoin mundu nian la loos, oinsaa Maromak bele foo fiar ba imi kaer rikusoin lalehan nian?

Lucas 6:24

Maibee imi nebee riku, sei terus, tanba imi goza tiha hotu ona.

Roma 2:5

Maibee o ulun toos i lakohi husik o nia sala. Nunee iha loron ikus bainhira Maromak hatudu Nia hirus hodi kastigu ema nebee halo sala, o sei simu kastigu todan liu tan. Iha tempu nebaa ema hotu-hotu sei haree katak, Maromak sei tesi lia ho loloos.

2 Korintu 6:10

Ami laran tristi, maibee haksolok nafatin. Ami kiak, maibee halo ema barak sai riku. Ami buat ida la iha, maibee ami iha buat hotu-hotu.

1 Timóteo 6:9

Maibee ema nebee loron-kalan hanoin deit atu sai riku, monu ba tentasaun i monu ba lasu. Sira hakarak buat oi-oin nebee sala ho buat barak nebee bele estraga sira. Nee sei halo susar sira.

Tiago 2:5

Maun-alin doben sira, rona mai. Nai Maromak hili ona ema kiak tuir mundu nia haree, atu sai riku iha fiar. Maromak nudar Liurai hili ona sira hodi sai Maromak nia reinu nebee Nia promete ona atu foo ba Nia povu nebee hadomi Nia.

Apokalipse 2:9

Hau hatene imi moris iha terus ho kiak nia laran. Maski nunee iha Maromak nia oin imi riku. Hau hatene ema balu hatete aat imi. Sira deklara sira nia aan dehan sira Maromak nia ema, afinal lae. Sira la hakruuk ba Maromak maibee sira sai satanas nia ema.