Lucas 12:2 - Biblia Tetun Dili

² Buat hotu-hotu nebee agora taka hela, loron ida sei nakloke. I buat hotu nebee agora subar hela, aban-bainrua ema sei hatene.

Lucas 12:2 Iomraidhean Croise

Marcos 4:22

Nunee, buat nebee mak agora subar hela, aban-bainrua sei bele haree. Buat nebee mak agora ita la hatene, aban-bainrua sei bele hatene.

Lucas 8:17

Nunee mos, buat hotu-hotu nebee agora sei subar hela, iha loron ida sei hatudu momoos. I buat hotu-hotu nebee agora segredu hela, iha loron ida ema sei hatene.

Roma 2:16

Nunee mos sei akontese iha loron ikus. Iha loron nee, tuir Novidade Diak nebee hau foo sai, Maromak sei foti Jesus Kristu para tesi ema hotu-hotu nia lia. Nia sei tesi buat hotu nebee segredu hela iha ema nia laran no hanoin.

1 Korintu 4:5

Nee duni la bele julga ema seluk, tanba tempu atu tesi lia seidauk too. Hein too Nai Jesus fila fali mai hosi lalehan. Nia sei tesi ema hotu-hotu nia lia. Saida deit mak ema halo iha nakukun laran, Nia sei foo sai iha ema hotu nia oin. Too ema nia hanoin nebee segredu mos, Nia sei hatudu sai. Depois Maromak mak sei gaba ema ida-idak tuir sira nia serbisu nebee sira halo ba Nia.

2 Korintu 5:10

Tanba aban-bainrua ita hotu sei hamriik iha Kristu nia futar oin para Nia tesi ita nia lia. I ita ida-idak sei simu tuir saida mak ita halo ona iha mundu nee, tuir saida mak ita halo diak ka aat.