Lucas 12:14 - Biblia Tetun Dili

¹⁴ Jesus hataan, “Belun, see mak foti Hau sai juiz hodi fahe imi nia rikusoin?”

Lucas 12:14 Iomraidhean Croise

Lucas 12:13

Ema ida hosi ema barak nee husu ba Jesus, “Mestri, hatete ba hau nia maun atu fahe ami nia aman nia rikusoin ho hau.”

Lucas 22:58

La kleur, ema ida tan haree Pedro, i dehan, “O nee Nia ema duni!” Maibee Pedro hataan, “Lae, maun! Laos hau.”

Lucas 5:20

Jesus haree sira nia fiar, i hatete ba ema ain aat nee dehan, “Kolega, Hau hamoos tiha ona o nia sala.”

João 6:15

Jesus hatene katak, ema barak nee hakarak obriga Nia para sai liurai. Entaun Nia lao sai tiha, sae ba foho kiik ida, para Nia bele mesak iha nebaa.

João 8:11

Feto nee hataan, “La iha, Nai.” I Jesus hatete ba nia dehan, “Hau mos la kastigu o. Fila ona ba uma. Maibee keta haluha, la bele halo sala tan!”]

Roma 2:1

Tanba nee, belun, se mak o hodi julga ema seluk, afinal o rasik la livre hosi sala. Tanba bainhira o julga ema seluk, nee hanesan o julga o nia aan rasik. Tanba o nebee julga ema seluk, o mos halo sala hanesan sira.

Roma 2:3

Nunee, se o hatudu liman ba ema seluk, maibee o rasik halo aat hanesan ema nee, keta hanoin dehan o bele halai sees hosi Maromak nia kastigu!

Roma 9:20

Maibee o nee see mak brani koalia kontra Maromak hanesan nee? O nee ema deit! Hanoin took, bainhira ema halo sanan rai, sanan nee la bele husu fali ba ema nee, “Nusaa mak o halo hau hanesan nee?”