Lucas 11:42 - Biblia Tetun Dili

⁴² Imi ema Farizeu sira, imi sei susar. Bainhira imi kuu modo tahan iha toos, imi badinas foo parte ida hosi sanulu ba Maromak. Too modo tahan kiikoan-kiikoan hanesan ortelaun ho ruku mos imi foo. Maibee kona ba justisa ho hadomi Nai Maromak, imi la interese. Tuir loloos justisa ho domin nee mak importante. Maibee, keta haluha foo mos parte ida hosi sanulu ba Maromak.

Lucas 11:42 Iomraidhean Croise

Mateus 23:13

Depois Jesus hatete ba nai ulun relijiaun Judeu sira dehan, “Imi mestri relijiaun sira ho ema Farizeu sira, imi sei hetan susar. Imi koalia oin ida, hahalok oin seluk. Imi rasik lakohi tama Maromak nia reinu. Se iha ema seluk hakarak tama mos, imi taka odamatan ba sira, atu sira la bele tama.

Mateus 23:23

Imi mestri relijiaun ho ema Farizeu sira, imi sei hetan susar. Imi koalia oin ida, hahalok oin seluk. Bainhira imi kuu modo tahan, imi badinas foo parte ida hosi sanulu hanesan dizimu ba Maromak. Too modo tahan kikoan-kikoan hanesan ortelaun ho ruku mos imi foo dizimu. Maibee imi la interese kona ba buat nebee mak importante liu iha Maromak nia lei, hanesan justisa, domin ho foo laran ba Maromak. Tuir loos buat sira nee mak tenki halo uluk. Maibee keta haluha foo mos dizimu ba Maromak.

Mateus 23:27

Imi mestri relijiaun ho ema Farizeu sira, imi sei hetan susar. Imi koalia oin ida, hahalok oin seluk. Imi hanesan rate nebee ema pinta mutin. Hosi liur haree ba furak, maibee iha laran iha mate ruin ho foer oi-oin nebee halo ema hakribit.

Lucas 18:12

Hau jejun semana ida dala rua. I buat hotu-hotu nebee hau hetan, hau sempre foo parte ida hosi sanulu ba Ita Boot.’

João 5:42

Maibee Hau hatene momoos imi nia laran. Nee mak Hau hatene katak imi nia laran la iha domin ba Nai Maromak.

1 João 4:20

Se ema ruma dehan, “Hau hadomi Nai Maromak,” maibee odi nia maluk, ema nee bosok-teen. Tanba se nia la hadomi nia maluk nebee nia haree, susar liu nia hadomi Nai Maromak nebee nia la haree.