Lucas 11:41 - Biblia Tetun Dili

⁴¹ Dukee imi hamoos deit bikan nia liur, diak liu foo buat nebee imi iha ba ema kiak sira. Se imi halo nunee mak imi sai moos iha Nai Maromak nia futar oin.

Lucas 11:41 Iomraidhean Croise

Mateus 26:11

Tanba ema kiak sira sempre iha imi nia leet, maibee Hau sei la hela nafatin ho imi.

Mateus 5:42

Se ema husu imi nia sasaan ruma, foo deit baa. Se ema hakarak empresta buat ruma hosi imi, foo empresta baa.”

Lucas 12:33

Entaun, baa faan tiha sasaan nebee imi iha i fahe osan nee ba ema kiak sira. Nunee imi rai fali rikusoin iha lalehan, para bele dura. Iha nebaa, imi nia rikusoin sei la hotu, naok-teen la besik, i barata mos la haan.

Lucas 16:9

Nunee, Hau hatete ba imi, maski ema mundu manobra uza sira nia osan, diak liu imi uza rikusoin mundu nian hodi ajuda ema. Ho nunee, imi bele hetan belun barak, i bainhira riku nee hotu ona, Maromak sei prepara fatin ba imi iha lalehan.

Lucas 18:22

Rona nunee, Jesus hataan, “Maibee o sei falta buat ida nebee o tenki halo. Agora baa faan tiha o nia rikusoin hotu, i osan nee fahe ba ema kiak. Nunee mak o sei hetan fali rikusoin iha lalehan. Depois mai tuir Hau.”

Lucas 19:8

Bainhira iha uma ona, Zaqueu hamriik hodi dehan ba Nai Jesus, “Nai, agora kedas rikusoin hotu nebee hau iha, sorin balu hau foo ba ema kiak sira. I se hau han-matak ema ruma, hau selu fali sira dala haat.”

Apostolu sira nia Istoria 10:15

Maibee lian nee hataan fali dehan, “Buat nebee Nai Maromak dehan bele haan ona, o la bele bandu tan.”

Apostolu sira nia Istoria 11:29

Rona nunee, ema sarani sira iha Antiokia koalia hamutuk atu haruka ajuda ba sarani sira iha provinsia Judeia. Sira ida-idak foo tuir buat nebee sira iha.

Apostolu sira nia Istoria 24:17

Hau hela kleur ona iha rai liur, foin hau fila ba Jerusalém, lori oferta nebee ema foo hodi ajuda ema Judeu nebee susar. Depois hau baa iha Uma Kreda Boot para foo sakrifisiu ba Nai Maromak.

2 Korintu 8:12

Tanba se imi foo ho laran tuir buat nebee imi iha, Maromak simu. Buat nebee mak imi la iha, lalikan foo.

Efezu 4:28

Ema nebee naok-teen, la bele naok tan ona. Maibee nia tenki serbisu makaas ho nia liman rasik hodi sustenta nia aan ho mos hodi foo tulun ba ema sira nebee presiza.

Tito 1:15

Ba ema nebee laran moos, buat hotu-hotu diak. Maibee ba ema nebee aat i la fiar ba Nai Jesus, la iha buat ida mak diak, tanba sira nia hanoin aat ona i sira la hatene ona saida mak diak, saida mak aat.

Ebreu 13:16

La bele haluha halo diak ba ema seluk, i se sira presiza buat ruma, ajuda sira. Tanba hahalok nee mos hanesan sakrifisiu nebee ita foo ba Nai Maromak hodi halo haksolok Nia laran.

Ebreu 6:10

Nai Maromak nee sempre halo buat nebee loos. Nia sei la haluha imi nia kolen ho imi nia domin ba Nia, tanba hori uluk too agora, imi tulun Maromak nia povu, nee hatudu katak imi mos hadomi Maromak.

Tiago 1:27

Tuir Maromak nebee loos i la iha sala mak hanesan nee: ajuda feto faluk ho oan kiak sira nebee terus, i kuidadu aan atu la bele husik mundu nia hakarak dada ita ba hahalok aat.