Lucas 11:29 - Biblia Tetun Dili

²⁹ Ema barak liu tan mai hobur Jesus. Nia dehan ba sira, “Imi nee jerasaun ida nee laran aat. Imi husu bebeik mai Hau atu halo milagre hanesan sinal ba imi hodi hatudu katak Maromak mak haruka Hau mai. Afinal uluk Nai Maromak foo tiha ona sinal ba imi liu hosi Nia profeta Jonas. Nee too ona!

Lucas 11:29 Iomraidhean Croise

Jonas 1:1

Uluk liu, iha ema Israel ida, naran Jonas. Nia aman naran Amitai. Iha loron ida, NAI Maromak haruka Jonas ba hatoo Nia lia menon dehan,

Mateus 3:7

Iha mos ema barak mai hosi grupu relijiaun Farizeu ho Saduseu atu João foo sarani sira. Maibee bainhira João haree sira, nia siak sira dehan, “He! Imi hanesan samea nebee fila lia tuun-sae! Maromak sei kastigu imi tanba imi nia hahalok aat. Karik ema bosok imi dehan imi bele sarani para sees aan hosi kastigu nee.

Marcos 8:38

Hanoin didiak! Iha mundu agora nee, ema halo buat aat oi-oin. Sira la interese tuir Nai Maromak. Nunee, see mak moe tuir Hau, no moe kaer metin Hau nia hanorin, Hau mos sei moe foo sai nia iha Nai Maromak nia oin. Tanba Hau nee, Ema Loos Duni, sei mai fali ho Nai Maromak nia anju sira hosi lalehan. Ami sei tuun mai ho Aman Maromak nia forsa nabilan. Foin ema hatene see mak Hau nee, see.

Lucas 11:16

Iha ema seluk hakarak koko Jesus. Sira husu para Nia halo tan milagre hodi hatudu katak Nia kbiit nee mai duni hosi Maromak.

Lucas 11:50

Nunee, profeta sira hotu-hotu nebee imi nia bei-ala sira oho, komesa hosi Nai Maromak halo mundu too ohin loron, imi nebee moris agora nee mak tenki lori todan.

Lucas 12:1

Iha tempu nebaa, ema rihun ba rihun sena malu hodi mai rona Jesus nia hanorin. Jesus hanorin uluk ba Nia eskolanti sira dehan, “Kuidadu ho ema Farizeu sira. Tanba sira nee koalia oin ida, hahalok oin seluk. Sira nia hahalok nee hanesan fermentu, ema tau ituan deit ba trigu, depois trigu sae.

Lucas 9:41

Jesus siak sira hotu dehan, “Imi jerasaun nebee la fiar ba Maromak no sempre halo buat aat. Hau tenki hela ho imi too bainhira tan? Hau tenki pasiensia ho imi too iha nebee!?” Depois Nia hatete ba ema nee, “Lori labarik nee mai.”

João 2:18

I ema Judeu nia boot sira haruka Jesus dehan, “Se O iha autoridade hodi duni sai ema sira nee, entaun hatudu took milagre ida mai ami hanesan evidensia ida.”

João 6:30

I sira husu tan, “Senhor atu hatudu milagre saida, para ami bele haree no fiar ba Ita Boot? Depois Senhor atu halo saida tan mai ami?

João 8:44

Imi nia hahalok hanesan diabu, tanba imi gosta halo tuir diabu nia hakarak. Hosi hahuu kedas nia oho door ema. Nia kontra buat nebee loos, tan nia la simu buat loos hotu-hotu. Se nia bosok teen, nee ba nia baibain. Tan nia nee, bobar lia door, no bosok-teen hotu nia huun.

1 Korintu 1:22

Ema Judeu sira hakarak haree lai milagre mak foin sira fiar. Ema Gregu sira hakarak rona lai buat nebee mak tama iha sira nia kakutak mak foin sira fiar.