Lucas 11:2 - Biblia Tetun Dili

² Entaun Jesus hatete ba sira, “Bainhira imi halo orasaun, halo hanesan tuir mai nee: ‘Ami nia Aman, tulun ema atu foti aas Ita Boot nia naran santu. Mai ukun ema hotu-hotu baa.

Lucas 11:2 Iomraidhean Croise

Mateus 10:32

“See mak foo sai iha ema nia oin katak nia fiar mai Hau, aban-bainrua Hau mos sei foo sai iha Hau nia Aman iha lalehan nia oin katak, nia Hau nia ema.

Mateus 3:2

Nia foo sai dehan, “Husik ona imi nia sala, tanba Maromak nia tempu hodi ukun besik ona.”

Mateus 5:16

Imi nia moris mos tenki nunee, imi tenki sai naroman ba ema seluk atu nunee sira bele haree buat diak nebee imi halo. Nunee sira sei hahii imi nia Aman iha lalehan.”

Lucas 11:1

Iha loron ida, Jesus halo hela orasaun iha fatin ida. Hotu tiha, Nia eskolanti ida husu ba Nia, “Nai, hanorin ami halo orasaun, hanesan João Sarani Nain hanorin ona nia eskolanti sira.”

Roma 1:7

Hau haruka surat nee ba imi. Maromak hadomi imi, i hili ona imi sai Nia povu santu. Hau harohan para ita nia Aman Maromak ho mos ita nia Nai Jesus Kristu hatudu Sira nia grasa ba imi, no foo paz ho hakmatek ba imi.

Roma 8:15

Espiritu nebee ita simu nee, laos halo ita sai fali hanesan atan nebee moris iha tauk nia laran. Maibee Espiritu nee halo ita hatene katak ita nee Maromak nia oan. Nee mak ita brani bolu Maromak “Apaa”.

1 Korintu 1:3

Ami harohan para ita nia Aman Maromak ho mos ita nia Nai Jesus Kristu hatudu Sira nia grasa ba imi, i foo paz ho hakmatek ba imi.

2 Korintu 1:2

Grasa no paz hosi ita nia Aman Maromak no hosi Nai Jesus Kristu hamutuk ho imi.

Galasia 1:4

Kristu foo-Aan ba mate hodi hamoos ita nia sala i hasai ita hosi buat aat iha mundu nee. Nia halo nunee tuir ita nia Aman Maromak nia hakarak.

Efezu 1:2

Hau harohan ba ita nia Aman Maromak ho Nai Jesus Kristu, para hatudu Sira nia grasa ba imi, i foo paz ho hakmatek ba imi.

Filipi 1:2

Ami harohan ba ita nia Aman Maromak ho Nai Kristu Jesus, para hatudu Sira nia grasa ba imi, i foo paz ho hakmatek ba imi.

Filipi 4:20

Mai ita foti aas ita nia Aman Maromak nia naran, too tinan ba tinan! Amen.

Kolose 1:2

haruka surat nee ba maluk sarani sira iha sidade Kolose. Imi Maromak nia povu santu, i tuir Kristu ho laran tomak. Ami harohan ba ita nia Aman Maromak para hatudu Nia grasa ba imi, i foo paz ho hakmatek ba imi.

1 Tesalonika 1:1

Surat nee hosi hau, Paulo, ho hau nia kolega Silas ho Timóteo. Ami hatoo kumprimentus ba sarani sira iha sidade Tesalónika. Imi laran ida ho Aman Maromak ho Nai Jesus Kristu. Grasa no paz hosi Aman Maromak hamutuk ho imi hotu.

1 Tesalonika 1:3

Ami sempre hatoo ba ita nia Aman Maromak katak, imi serbisu makaas tanba imi fiar ba Nai Jesus, i badinas ajuda ema seluk tanba hadomi sira. I bainhira ema halo terus imi, imi aguenta nafatin ho pasiensia tanba imi laran metin ba Nai Jesus.

2 Tesalonika 2:16

Nai Maromak hadomi teb-tebes ita. Tan Nia grasa, Nia sempre foo ksolok ho esperansa boot mai ita iha susar laran. Nunee, ami husu ba Jesus Kristu ita nia Nai, ho ita nia Aman Maromak, para hametin imi nia laran hodi tulun imi atu sempre halo buat nebee diak i koalia mos diak.

Apokalipse 11:15

Tuir mai anju numeru hitu huu nia korneta. I hau rona anju iha lalehan haklalak dehan, “Ita nia Nai Maromak ho mos ita nia Kristu nebee Nia haruka mai agora ukun ona mundu. Nia sei ukun too tinan ba tinan nafatin.”

Apokalipse 15:4

Nai, ema hotu-hotu tauk Ita Boot i foti aas Ita Boot nia naran, tanba so Ita Boot deit mak santu. Ema hosi nasaun hotu-hotu sei mai adora Ita Boot, tanba ema hotu-hotu haree ona katak Ita Boot halo saida deit sempre diak no loos.”

Apokalipse 19:6

Tuir mai hau rona buat ruma hanesan ema barak teb-tebes nia lian, hanesan fali laloran boot, ka hanesan rai tarutu makaas. Lian nee dehan, “Aleluia! Hahii ba Nai Maromak, tanba Nai Maromak Kbiit Nain mak ukun.

Apokalipse 20:4

Depois hau haree kadeira ukun barak ho ema tuur hela iha kadeira ida-idak. Nai Maromak foo ona kbiit ba ema sira nee hodi foo justisa. Uluk sira sei moris iha mundu, ema tesi tiha sira nia kakorok tanba sira foo sasin kona ba Jesus Kristu i foo sai Nai Maromak nia liafuan. Sira nee nunka adora animal siak ho nia estatua, i lakohi simu animal nee nia marka iha sira nia reen toos ka iha sira nia liman. Maski ema oho tiha ona sira, maibee Nai Maromak halo moris fali sira, i sira ukun hamutuk ho Kristu too tinan rihun ida.