Lucas 11:13 - Biblia Tetun Dili

¹³ Maski imi ema aat, maibee imi hatene foo buat diak ba imi nia oan sira. Saa tan imi nia Aman iha lalehan! Se imi husu para Nia foo Nia Espiritu Santu ba imi, Nia sei foo duni.”

Lucas 11:13 Iomraidhean Croise

Jenesis 8:21

Bainhira NAI Maromak horon sakrifisiu nee nia morin, Nia laran haksolok. Nia hanoin dehan, “Hau la foo tan malisan ba mundu. Maski ema hanoin deit buat aat dezde sira kiik, maibee Hau sei la halo rahun tan buat hotu nebee moris, hanesan Hau halo tiha ona.

Mateus 5:16

Imi nia moris mos tenki nunee, imi tenki sai naroman ba ema seluk atu nunee sira bele haree buat diak nebee imi halo. Nunee sira sei hahii imi nia Aman iha lalehan.”

Mateus 5:45

Se imi halo nunee, imi hatudu katak imi sai ona Aman Maromak iha lalehan nia oan duni. Tanba Nia halo loro matan sae hodi foo naroman ba ema diak ho mos ema aat. I Nia foo udan ba ema nebee moris loos ho mos ba ema nebee moris iha sala laran.

Mateus 6:14

Se imi perdua ema nebee halo sala hasoru imi, maka imi nia Aman iha lalehan mos sei perdua imi nia sala.

Mateus 6:30

Maromak mak halo furak duut nebee ohin loron matak iha ai-laran no aban ema soe ba ahi laran. Saa tan imi! Nia sei foo ropa ba imi hatais. Entaun nusaa mak imi nia fiar fraku hanesan nee?!

Mateus 6:32

Ema nebee la fiar ba Maromak, sira buka buat sira nee tuun-sae. Maibee imi nia Aman iha lalehan hatene hotu imi nia presiza nee.

Mateus 7:11

Maski imi ema aat, maibee imi hatene foo buat diak ba imi nia oan sira. Saa tan imi nia Aman iha lalehan! Bainhira imi husu, Nia sei foo buat diak teb-tebes ba imi.”

Lucas 11:12

Se nia husu mantolun, imi foo fali sakunar ka? Nunka!

Lucas 11:2

Entaun Jesus hatete ba sira, “Bainhira imi halo orasaun, halo hanesan tuir mai nee: ‘Ami nia Aman, tulun ema atu foti aas Ita Boot nia naran santu. Mai ukun ema hotu-hotu baa.

Lucas 18:7

Too ikus, nia tulun duni feto faluk nee. Saa tan Nai Maromak! Ema nebee Maromak hili ona, sira loron-kalan harohan husu tulun ba Nia. Nia sei tesi sira nia lia ho loloos, i sei la demora.

João 4:10

Jesus hatete, “Se mana hatene saida mak Nai Maromak hakarak foo ba ema hotu, no mos hatene see mak Hau nebee husu bee nee, maka mana sei husu fila fali bee mai Hau. Nunee Hau sei foo bee nebee lori moris ba ema.”

Apostolu sira nia Istoria 2:38

Pedro hataan, “Imi ida-idak tenki husik ona imi nia sala, i tuir Nai Maromak nia hakarak. Imi mos tenki sarani hodi Nai Jesus Kristu nia naran. Nee hanesan sinal katak imi tuir ona Jesus Kristu i Nai Maromak hamoos ona imi nia sala. Depois imi sei simu Nai Maromak nia Espiritu Santu.

Roma 5:17

Tanba ema ida nia sala, nunee mate ukun ema hotu-hotu. Maibee agora Ema ida seluk, Jesus Kristu, halo mudansa boot liu tan. Nia hatudu Nia laran diak teb-tebes mai ita too Nia simu ita hodi deklara katak ita moris loos ona. Nunee Nia lori ita ba moris rohan-laek hodi foti ita kaer ukun hamutuk ho Nia.

Roma 7:18

Hau hatene katak, nudar ema kriatura la iha buat diak ida iha hau nia laran. Tanba hau hakarak duni halo buat nebee diak maibee la konsege.

Roma 8:32

Maromak laran luak teb-tebes, too Nia foo Nia Oan rasik para mate iha ita hotu nia fatin. Hosi nee ita bele hatene katak, Nia sei foo tan mai ita buat hotu-hotu nebee diak.

Tito 3:3

Tanba uluk, bainhira ita seidauk konhese Nai Jesus, ita beik-teen hela no moris iha sala nia laran. Ita lakohi rona Nai Maromak, lao sala dalan i hakarak halo aat saida deit. Ita nia moris nakonu ho hanoin aat, laran moras ema, i odi malu.