Lucas 10:27 - Biblia Tetun Dili

²⁷ Nia hataan, “Maromak nia liafuan dehan: ‘O tenki hadomi Maromak, o nia Nai, ho o nia aan tomak, ho laran tomak, ho forsa tomak, ho neon tomak, no o tenki hadomi ema seluk hanesan o hadomi o nia aan rasik.’ ”

Lucas 10:27 Iomraidhean Croise

Mateus 19:19

respeita o nia inan-aman, i hadomi ema seluk hanesan o hadomi o nia aan rasik.”

Lucas 10:26

Jesus hataan, “Iha Maromak nia Lei hakerek saida? O lee i komprende saida mak hakerek iha nebaa?”

Roma 13:9

Maromak nia ukun fuan dehan, “La bele halo iha relasaun seksual ho ema nebee laos o nia feen ka laen, la bele oho ema, la bele naok, la bele kaan ema nia sasaan.” Ukun fuan hirak nee ho ukun fuan sira seluk nia huun mak nee: “O tenki hadomi ema seluk hanesan o hadomi o nia aan rasik.”

Galasia 5:13

Maun-alin sira, Maromak bolu ona imi para sai ema nebee livre. Maibee keta hanoin katak, imi livre hodi halo saida deit tuir imi nia hakarak. Nee lae! Imi tenki hadomi malu, i serbii malu.

Ebreu 8:10

Agora Hau, Nai Maromak, foo sai katak, aliansa nebee Hau sei halo ho povu Israel mak nee: Hau sei tau Hau nia lei iha sira nia neon, i sei hakerek Hau nia ukun fuan iha sira nia fuan-laran. Hau sei sai sira nia Nai Maromak, i sira sei sai Hau nia povu.

Tiago 2:8

Imi halo buat loos bainhira imi halo tuir Maromak nia Lei nebee hakerek iha Livru Sagradu nebee dehan, “O tenki hadomi ema seluk, hanesan o hadomi o nia aan rasik.”

1 João 3:18

Oan doben sira, ita la bele hadomi ita nia maluk sira ho ibun deit, maibee ita tenki hatudu ita nia domin loloos liu hosi ita nia hahalok no moris loos.