Lucas 10:25 - Biblia Tetun Dili

²⁵ Iha loron ida, mestri relijiaun Judeu ida hamriik hodi koko Jesus. Nia husu, “Mestri, hau tenki halo saida para hau bele hetan moris rohan-laek?”

Lucas 10:25 Iomraidhean Croise

Marcos 10:17

Bainhira Jesus atu sai ona, ema riku ida halai mai hasoru Jesus. Nia hakneak iha Jesus nia oin, hodi husu, “Mestri mak hau respeita, Ita Boot mak diak. Hau atu husu buat ida nunee: Hau tenki halo saida, para hau bele hatene loloos katak hau bele tama lalehan i moris hamutuk ho Nai Maromak?”

Marcos 10:3

Jesus hataan, “Hanoin lai! Lei kona ba feto ho mane, nebee Moisés foo ba ita, dehan saida?”

Marcos 12:28

Iha loron nee, mestri relijiaun ida rona Jesus diskuti hela ho ema hosi grupu relijiaun Saduseu sira. Mestri relijiaun nee rona Jesus hataan ona sira nia pergunta ho diak. Nunee nia husu ba Jesus, “Nai, hau atu husu liafuan ida. Tuir ita nia relijiaun, iha orden barak teb-tebes. Hosi orden sira nee hotu nebee avoo Moisés rai hela mai ita, ida nebee mak boot liu?”

Lucas 10:24

Hau hatete ba imi, uluk liurai ho profeta barak hakarak teb-tebes atu haree buat nebee agora imi haree, maibee sira la haree. Sira hakarak rona buat nebee agora imi rona, maibee sira la rona.”

Lucas 10:26

Jesus hataan, “Iha Maromak nia Lei hakerek saida? O lee i komprende saida mak hakerek iha nebaa?”

Lucas 18:18

Loron ida, iha ema Judeu nia boot ida husu ba Jesus, “Mestri nebee diak, hau tenki halo saida para hau bele hetan moris rohan-laek?”

Lucas 7:30

Maibee ema hosi grupu relijiaun Farizeu sira ho mestri relijiaun Judeu sira lakohi tuir Nai Maromak nia hakarak. Nee mak sira lakohi atu João foo sarani sira.

João 8:6

Sira koko lasu Nia, para sira bele foo sala hodi hamonu Nia. Jesus la hataan kedas, maibee Nia hakruuk hodi hakerek ho Nia liman fuan iha rai.

Galasia 3:18

Se Maromak foo bensaun ba ita tanba ita tuir lei relijiaun, entaun ita la simu ona bensaun tuir Maromak nia promesa. Maibee laos hanesan nee! Maromak foo bensaun ba Abraão tanba Nia promete tiha ona atu foo ba nia.