Lucas 10:2 - Biblia Tetun Dili

² Nia dehan, “Batar barak teb-tebes iha toos boot laran maran tiha ona, maibee ema atu silu batar nee, ituan deit. Tanba nee, husu ba toos Nain para haruka tan ema hodi silu batar nee.

Lucas 10:2 Iomraidhean Croise

Mateus 20:1

“Reinu Lalehan bele kompara hanesan nee: Iha toos nain ida, dadeer-saan nakukun nia baa iha merkadu hodi buka ema atu serbisu iha nia toos uvas.

Marcos 13:34

La kleur tan, Hau husik hela imi ona, maibee Hau sei fila fali mai. Hanesan ema ida baa rai dook. I nia haruka nia ema uma laran tau matan ba nia uma nee. I nia fahe serbisu ba ema ida-idak. I nia foo orden ba ema seguransa atu hein uma nee didiak too nia fila.

Marcos 16:15

Nee duni, imi tenki baa iha mundu tomak, i foo sai Hau nia Novidade Diak nee ba ema hotu-hotu.

Marcos 16:20

Nee liu tiha, Nia eskolanti sira halo tuir Nia orden. Sira baa iha mundu tomak, hodi foo hatene kona ba Jesus nia Novidade Diak. I Nai Maromak foo kbiit ba sira, para sira bele halo milagre, tuir Jesus hatete ona. Nunee ema barak fiar ba Jesus, tanba sira hatene katak Novidade Diak nee, loos duni.

Lucas 9:1

Iha loron ida, Jesus halibur Nia apostolu nain sanulu resin rua hodi foo kbiit ba sira para bele duni sai espiritu aat hosi ema no kura moras oin-oin.

Apostolu sira nia Istoria 11:19

Uluk, bainhira ema oho tiha Estevão, ema komesa halo terus mos sarani sira too sira halai namkari. Agora sira balu too ona iha provinsia Fenísia, balu too iha ilha Xipre, no sira balu tan halai baa dook too iha sidade Antiokia iha provinsia Síria. Maski sira foo sai nafatin Nai Jesus nia Novidade Diak iha fatin-fatin, maibee sira so foo sai deit ba ema Judeu.

Apostolu sira nia Istoria 13:2

Iha loron ida, sira adora hela Nai Maromak no halo jejun, Espiritu Santu hatete ba sira dehan, “Hili Barnabé ho Saulo hodi halo serbisu nebee Hau prepara ona ba sira.”

Apostolu sira nia Istoria 13:4

Espiritu Santu haruka Barnabé ho Saulo baa. Nunee sira baa iha sidade ida besik tasi ibun, naran Seléusia. João Marcos mos akompanha hodi ajuda sira. Too iha nebaa, sira sae roo hodi baa rai kiik ida naran Xipre. I sira tuun iha sidade ida naran Salamina. Sira baa tama iha uma kreda Judeu nian balu hodi foo sai Nai Maromak nia Liafuan.

Apostolu sira nia Istoria 20:28

Nee duni imi tenki kuidadu didiak ho imi nia moris, ho haree didiak Maromak nia povu. Espiritu Santu haruka imi tau matan ba sira hanesan bibi atan ida hein nia bibi. La bele haluha katak, Nai Jesus mate ona hodi sosa kotu ema sira nee ho Nia raan.

Apostolu sira nia Istoria 22:21

Maibee Nai Jesus hatete, ‘Baa ona! Tan Hau atu haruka o ba iha fatin dook, hodi foo sasin ba ema nebee laos Judeu.’ ”

Apostolu sira nia Istoria 8:4

Maski sarani sira halai namkari tanba ema halo terus sira, maibee sira foo sai nafatin Nai Jesus nia Novidade Diak ba ema iha fatin-fatin.

1 Korintu 12:28

Hosi ita sarani sira, Maromak foti ema atu halo serbisu oi-oin. Primeiru apostolu, segundu profeta, terseiru mestri. Iha ema balu simu kbiit hodi halo milagre oi-oin, balu tan simu kbiit hodi kura ema nia moras, balu hodi ajuda ema, balu iha kbiit hodi lidera ema seluk, i balu bele koalia lian oi-oin nebee sira nunka aprende.

1 Korintu 15:10

Maibee Maromak hatudu Nia grasa mai hau, nee mak hau nia moris sai hanesan agora. I Nia grasa mai hau la saugati, tanba durante nee hau serbisu makaas liu fali hau nia maluk apostolu sira seluk. Maibee laos hau mak serbisu, Maromak nia grasa iha hau mak halo serbisu nee.

2 Korintu 6:1

Tanba ami serbisu hamutuk ho Maromak, nunee ami husu atu imi la bele fila kotuk ba Maromak nia grasa nebee imi simu ona.

Filipi 2:21

Sira seluk so hanoin deit sira nia aan. Buat nebee Jesus Kristu hakarak, sira la interese.

Filipi 2:25

Uluk imi hili Epafroditu para mai tau matan ba hau. Durante nee nia sai hanesan hau nia alin ida hodi halao Maromak nia serbisu hamutuk ho hau, i nia luta hamutuk ho hau hanesan soldadu diak ida. Maibee agora, hau hanoin hau tenki haruka nia fila fali ba imi.

Filipi 2:30

Tanba nia halao Kristu nia serbisu too nia besik atu mate. Nia foo aan ba mate, para bele ajuda hau hodi imi nia fatin.

Kolose 1:29

Ho objetivu nee mak hau serbisu mate aan ho forsa tomak nebee Kristu foo mai hau. I Nia forsa nee makaas teb-tebes.

Kolose 4:12

Kumprimentus mos hosi Epafras. Nia rai ida ho imi i serbii Kristu Jesus. Nia sempre halo orasaun makaas ba imi, hodi husu Nai Maromak foo forsa ba imi para hamriik metin, i halo imi komprende didiak Nia hakarak.

1 Tesalonika 2:9

Maun-alin sira, imi hatene, bainhira ami foo sai Maromak nia Novidade Diak ba imi, ami serbisu makaas loron-kalan hodi sustenta ami nia aan rasik. Tan ami lakohi foo todan ba imi.

1 Tesalonika 5:12

Maun-alin sira, ami husu boot atu imi respeita lideransa kristaun sira, nebee serbisu makaas iha imi nia leet. Sira mos foo hanoin bebeik ba imi para la bele monu ba sala.

2 Tesalonika 3:1

Maun-alin sira, halo orasaun mai ami, para Nai Maromak nia liafuan bele namkari lalais too iha fatin-fatin, i ema iha nebee-nebee bele respeita Novidade Diak nee, hanesan mos uluk imi simu.

1 Timóteo 4:10

Ita serbisu makaas i hakaas aan liu tan, tanba ita laran metin ba Nai Maromak nebee moris. Nia mak salvador ba ema hotu-hotu, liu-liu ba ita nebee fiar ba Jesus.

2 Timóteo 4:5

Timóteo, o la bele nunee. O tenki domina aan iha buat hotu-hotu. Aguenta ho pasiensia iha terus laran. Baa foo sai Novidade Diak ba ema. Halao serbisu hotu-hotu nebee Nai Maromak tau ona iha o nia kabaas.

Filemon 1:1

Surat nee hosi hau, Paulo, hamutuk ho ita nia irmaun Timóteo. Hau dadur hela iha komarka laran tanba hau tuir Kristu Jesus. Ami hakerek surat nee ba ami nia belun diak Filemon nebee serbii Nai Maromak hanesan ami.

Ebreu 3:6

Maibee Jesus Kristu halo tuir Maromak nia hakarak hodi toma konta Maromak nia uma laran nudar Maromak nia Oan rasik. Ita nee mak halo parte iha Maromak nia familia iha Nia uma laran, naran katak ita kaer metin ita nia fiar i laran metin nafatin ba promesa nebee Maromak foo ona mai ita.

Apokalipse 2:1

Tuir mai, Ema nee hatete mai hau, “Hakerek hanesan nee ba sarani sira iha sidade Efezu: ‘Hau mak kaer fitun hitu iha Hau nia liman kwana, i Hau lao haleu ahi-oan riin osan mean hitu nee. Hau nia lia menon mak nee: