Lucas 10:15 - Biblia Tetun Dili

¹⁵ Nunee mos imi ema Kafarnaum sira, keta hanoin katak, Nai Maromak sei foti imi sae ba lalehan. Lae! Nia sei soe imi ba infernu.”

Lucas 10:15 Iomraidhean Croise

Mateus 10:28

La bele tauk ema nebee mak hakarak oho imi, tanba sira so bele oho deit imi nia isin lolon, imi nia klamar sira la bele oho. Diak liu imi tauk ba Maromak, tanba Nia mak iha kbiit hodi oho imi nia isin lolon i soe imi nia klamar ba infernu.

Mateus 11:23

Nunee mos imi ema Kafarnaum sira, keta hanoin katak, Maromak sei foti sae imi ba lalehan. Lae! Nia sei soe imi ba infernu. Se karik uluk ema nebee laos judeu sira hela iha sidade Sodoma haree milagre nebee Hau halo iha imi nia rai nee, entaun sira husik sira nia sala, i Maromak la sunu motuk sidade nee.

Mateus 4:13

Too iha nebaa, Nia baa uluk iha Nia aldeia Nazaré, depois baa hela iha sidade Kafarnaum. Sidade nee iha tasi Galileia nia sorin, iha rai Zebulón ho Naftali.

Lucas 13:28

Depois imi sei tanis hakilar i ruun nehan. Tanba imi sei haree Abraão, Isac, Jacó ho profeta sira hotu tama iha Maromak nia reinu, maibee imi rasik, Maromak soe sai ba liur.

Lucas 16:23

I nia terus teb-tebes iha ahi infernu. Iha nebaa, nia foti matan, haree Abraão hosi dook, i Lázaro tuur hela iha nia sorin.

2 Pedro 2:4

Hanoin took! Uluk bainhira anju balu halo sala, Maromak kastigu sira i soe sira ba infernu. Iha nebaa sira sai dadur iha rai kuak klean nakukun hodi hein too Maromak julga sira.