Lucas 1:75 - Biblia Tetun Dili

⁷⁵ i bele moris loos no laran moos iha Nia oin durante ita nia moris tomak.”

Lucas 1:75 Iomraidhean Croise

Mateus 1:21

Maria sei tuur ahi oan mane ida. O tenki foo naran Jesus, tanba Nia mak sei salva Nia povu hosi sira nia sala."

Lucas 1:74

Nia sei hasai ita hosi ita nia inimigu sira nia liman, atu ita la tauk tan hodi serbii Nia,

Efezu 1:4

Molok Nai Maromak halo mundu, Nia hili tiha ona ita sai Kristu nia ema no Nia hadomi ita. Nia hakarak atu ita moris santu no laran moos iha Nia futar oin, i la iha sala.

Efezu 2:10

Ita ema Nai Maromak nia liman fatin. I Kristu Jesus foo moris foun mai ita para ita bele halao buat diak iha ita nia moris loro-loron. Buat diak sira nee, Maromak prepara tiha ona ba ita hori uluk kedas.

Efezu 4:24

Nia halo ona imi sai ema nebee moris foun, tuir Maromak halo ona ita, para imi moris loos ho laran moos.

1 Tesalonika 4:1

Maun-alin sira, ami husu ba imi atu moris halo haksolok Nai Maromak, tuir ami hanorin ona ba imi. Loos, imi moris tuir ona nunee, maibee tanba ita Nai Jesus nia ema, ami husu atu imi hakaas aan liu tan.

1 Tesalonika 4:7

Tan Nai Maromak bolu ona ita, laos atu moris tuir hahalok foer sira nee, maibee atu moris ho laran moos.

2 Tesalonika 2:13

Maun-alin sira nebee Nai Jesus hadomi. Ami sempre agradese ba Nai Maromak, tanba hori uluk kedas Nia hili nanis ona imi atu simu salvasaun. Nia salva imi liu hosi Nia Espiritu nebee halo imi moris ho laran moos, i liu hosi imi nia fiar ba lia loos.

2 Timóteo 1:9

Nai Maromak mak salva ona ita, i bolu ona ita sai Nia ema para ita moris ho laran moos. Nia halo hanesan nee, laos tanba ita hatudu hahalok diak ruma. Maibee, Nia salva i bolu ita tuir Nia planu rasik, tanba Nia hakarak hatudu Nia grasa mai ita. Molok Nai Maromak halo mundu nee, Nia desidi ona atu haruka Kristu Jesus mai, para hatudu Nia grasa mai ita.