Lucas 1:70 - Biblia Tetun Dili

⁷⁰ Nunee Maromak halo tuir buat nebee Nia promete tiha ona hori uluk liu hosi Nia profeta sira.

Lucas 1:70 Iomraidhean Croise

Jenesis 12:3

Hau sei foo bensaun ba ema nebee foo bensaun ba o. Maibee Hau sei foo malisan ba ema nebee foo malisan ba o. Rona didiak mai! Nasaun hotu-hotu iha mundu sei hetan bensaun liu hosi o.”

Jenesis 3:15

Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”

Jenesis 49:10

O nee sei kaer ukun. O nia jerasaun sira mos sei kaer ukun tutuir malu, too iha ida mak iha direitu liu hodi tuur kaer ukun nee. I nasaun sira hotu sei hakruuk i rona ba Nia.

Marcos 12:36

Tanba hori uluk Nai Maromak nia Espiritu Santu uza liurai David hodi hakerek nunee: ‘Nai Maromak hatete ona ba hau nia Liurai dehan, “Mai tuur iha Hau nia sorin loos, fatin ema boot nian. Hau sei halo o nia inimigu sira, hakruuk ba o.’ ”

Lucas 24:44

Hotu tiha Jesus dehan ba sira, “Uluk Hau sei hamutuk ho imi, Hau hatete katak, buat hotu nebee hakerek ona kona ba Hau iha Livru Sagradu, komesa hosi lei Moisés nian too profeta sira seluk nia liafuan ho mos livru Salmus, buat sira nee hotu tenki kumpri duni.”

Apostolu sira nia Istoria 28:25

Sira haksesuk malu i atu fahe malu ona. Entaun Paulo hatete, “Imi nia ulun toos duni, hanesan ita nia bei-ala sira, tuir Nai Maromak nia Espiritu Santu foo hatene ba profeta Isaias,

Roma 1:2

Novidade Diak nee hori uluk kedas Maromak promete tiha ona liu hosi Nia profeta sira, i sira hakerek iha Livru Sagradu.

Ebreu 3:7

Tanba nee mak imi tenki halo tuir buat nebee Espiritu Santu dehan, “Iha loron ida nee, se imi rona Nai Maromak nia liafuan,

1 Pedro 1:12

Espiritu Santu foo hatene ba sira katak, buat nebee sira foo sai nee, laos atu serbii sira nia aan, maibee atu serbii imi. Novidade Diak nebee profeta sira foo sai nee, ikus mai imi mos rona hosi ema seluk. Sira nee simu kbiit hosi Maromak Nia Espiritu hosi lalehan para haklaken Nia Novidade Diak nee ba imi. Afinal anju sira mos hakarak teb-tebes atu hatene buat sira nee.

2 Pedro 1:21

Tanba profeta sira nia lia menon nunka mai hosi ema mundu nee nia hakarak. Maibee sira hatoo liafuan hosi Maromak tuir saida mak Espiritu Santu hatudu ba sira.

2 Pedro 3:2

Hau hakarak atu imi hanoin nafatin Maromak nia liafuan sira nebee profeta sira uluk hatoo ona ba imi. Imi tenki hanoin mos hanorin nebee ita nia Salvador Nai Jesus foo ba imi liu hosi Nia apostolu sira.

Apokalipse 19:10

Tuir mai hau hakneak i hakruuk too rai iha anju nee nia oin atu adora nia, maibee nia bandu dehan, “La bele! Adora mak Maromak deit! Tanba hau nee Maromak nia atan hanesan mos o ho o nia maluk sira seluk nebee foo sai nafatin Jesus nia hanorin. Tanba ita hotu hetan kbiit hosi Maromak nia Espiritu para ita foo sasin kona ba Jesus.”