Lucas 1:53 - Biblia Tetun Dili

⁵³ Nia foo hahaan didiak ba ema nebee hamlaha, too sira bosu, maibee Nia haruka ema riku sai ho liman mamuk.

Lucas 1:53 Iomraidhean Croise

Mateus 5:6

Ema sira nebee hamlaha no hamrook ba lia loos, sira hetan bensaun, tanba Maromak sei foo laran hakmatek.

Lucas 1:54

Nia tulun Nia atan ema Israel sira, i sempre hatudu Nia domin ba sira.

Lucas 6:21

Imi nebee agora hamlaha, imi hetan bensaun, tanba Maromak sei halo imi bosu. Imi nebee agora tanis, imi hetan bensaun, tanba imi sei hamnasa.

Lucas 6:24

Maibee imi nebee riku, sei terus, tanba imi goza tiha hotu ona.

João 6:35

Jesus foo hatene ba sira dehan, “Hau mak Paun nee. Tan Hau mak lori moris nebee loloos. Nunee ema nebee sai Hau nia ema, sei la hamlaha tan. I ema nebee fiar mai Hau, sei la hamrook tan.

1 Korintu 1:26

Maun-alin sira, hanoin took imi nia kondisaun bainhira Maromak bolu imi. Imi uluk nee oinsaa? Imi ituan deit mak matenek tuir mundu nian, ituan deit mak iha influensia, ituan deit mak liurai nia jerasaun.

1 Korintu 4:8

Imi hanoin katak imi iha ona buat hotu-hotu, imi riku ona, imi ukun ona hanesan liurai. Maibee ami lae. Se imi sai liurai duni, entaun ami mos kontenti, tanba ami bele ukun hamutuk ho imi.