Lucas 1:35 - Biblia Tetun Dili

³⁵ Anju hataan, “Nai Maromak nia Espiritu Santu sei tuun ba iha o, i Maromak Aas Liu nia kbiit sei hamahon o. Nunee, labarik nebee atu moris mai nee ema sei bolu Nia santu i ‘Nai Maromak nia Oan’.

Lucas 1:35 Iomraidhean Croise

Mateus 1:18

Istoria kona ba Jesus Kristu nia moris hanesan nee: Nia inan Maria troka prenda ona ho José. Maibee bainhira sira nain rua seidauk moris hamutuk nudar feen ho laen, Maria isin rua ona liu hosi Espiritu Santu.

Mateus 1:20

Maibee bainhira José hanoin hela planu nee, Nai Maromak nia anju ida mai hatudu aan ba nia liu hosi mehi hodi dehan, "José, liurai David nia jerasaun, la bele tauk atu kaben ho Maria, tanba labarik nebee mak iha Maria nia kabun-laran nee mai hosi Espiritu Santu.

Mateus 14:33

Sira hotu nebee iha bero laran komesa adora Jesus dehan, “Loos duni. Ita Boot mak Maromak nia Oan!”

Mateus 27:54

Bainhira komandante Roma ho soldadu sira nebee hein Jesus nee haree rai nakdoko ho buat seluk nebee akontese, sira tauk teb-tebes hodi dehan, “Loos duni! Ema nee Maromak nia Oan.”

Mateus 4:3

Depois diabu tenta nain mai koko Jesus. Diabu dehan, “Se O Maromak nia Oan duni, haruka fatuk sira nee sai paun.”

Marcos 1:1

Ida nee mak novidade diak kona ba Jesus Kristu, Nai Maromak nia Oan. Nia istoria komesa nunee:

Marcos 1:24

“Jesus, ema Nazaré! O mai atu harahun ami, ka? Hau konhese O! O Ema La Iha Sala. O mak Maromak promete ona hori uluk kedas atu haruka mai.”

Lucas 1:27

hodi hasoru feto raan ida naran Maria. Feto raan nee troka prenda ona ho mane ida naran José, hosi liurai David nia jerasaun.

Lucas 1:34

Maria husu ba anju, “Hau seidauk iha lain. Oinsaa mak hau bele isin rua?”

Lucas 1:36

Laos nee deit. O nia maluk Isabel mos hetan ona oan mane ida, maski nia ferik liu ona. Ema dehan nia la bele hetan oan, tanba nia kiuk, maibee agora nia isin rua fulan neen ona.

João 1:34

Hau haree buat sira nee ho hau nia matan rasik. Nunee, hau foo hatene ba imi dehan, ‘Ema ida mai nee, Nia mak Nai Maromak nia Oan!’ ”

João 1:49

Natanael rekonhese dehan, “Mestri, Ita Boot Nai Maromak nia Oan! Ita Boot mos ema Israel nia Liurai!”

João 20:31

Maibee, buat sira nebee hau hakerek ona iha livru nee, hau hakerek para imi bele fiar dehan, Jesus mak Kristu nebee Nai Maromak promete ona atu haruka mai. Jesus mos Nai Maromak nia Oan. I bainhira imi fiar ba Nia, imi hetan moris rohan laek, tanba imi sai ona Nia ema.

Apostolu sira nia Istoria 8:36

Bainhira sira lao dadauk, ema Etiópia nee haree bee ituan, i nia hatete ba Filipe, “Senhor, haree tok iha nebaa iha bee. Se bele, mai ita tuun para senhor sarani hau agora.”

Roma 1:4

Maibee Maromak hatudu momoos katak, Jesus nee mos Maromak nia Oan. Ita hatene nunee tanba Espiritu nebee mak iha Jesus nee santu teb-tebes, hanesan Maromak, i Espíritu nee mak halo Jesus moris fali hosi mate.

Galasia 2:20

Bele dehan, hanesan hau mate tiha ona iha krus hamutuk ho Kristu. Agora laos hau mak moris tan, maibee Kristu mak moris iha hau. I hau moris iha mundu nee, hau fiar deit ba Nai Maromak nia Oan. Nia hadomi teb-tebes hau, too foo nia Aan ba mate iha hau nia fatin.

Efezu 2:3

Uluk ita hotu moris nunee. Ita halo buat aat saida deit mak ita kaan atu halo, i tuir deit ita nia isin nia hakarak ho hanoin nebee aat. Tanba nee Maromak atu kastigu ona ita, hanesan mos Nia atu kastigu ema aat sira seluk.

Ebreu 4:15

Ita nia nai-lulik boot nee komprende liu ita, Nia hatene katak ita ema nee fraku. Nia hatene tulun ita tanba uluk Nia rasik hasoru tentasaun hotu-hotu hanesan mos ita. Maski nunee, Nia nunka monu ba sala.