Lucas 1:32 - Biblia Tetun Dili

³² Nia sei sai boot teb-tebes. I Maromak Aas Liu sei bolu Nia dehan, ‘Hau nia Oan.’ Nai Maromak sei foti Nia hodi kaer ukun, hanesan Nia bei-ala liurai David.

Lucas 1:32 Iomraidhean Croise

Mateus 1:1

Livru nee koalia kona ba Jesus Kristu. Jesus mai hosi liurai David nia jerasaun, i David nee mai hosi Abraão nia jerasaun.

Mateus 12:42

I liurai feto hosi rai Seba, mos sei moris fali, i hamriik hodi foo kastigu ba imi nebee moris agora, tanba uluk nia mai hosi rai dook atu rona rasik liafuan matenek nian hosi liurai Salomão. Afinal agora iha imi nia leet iha Ida ke boot liu fali liurai Salomão.”

Mateus 28:18

Entaun Jesus baa besik sira hodi dehan, “Maromak foo tiha ona kbiit tomak mai Hau hodi ukun buat hotu-hotu iha lalehan ho rai.

Mateus 3:11

Hau foo sarani imi ho bee deit para hatudu katak imi husik ona imi nia sala. Maibee la kleur tan, Ema ida boot liu hau sei mai. Atu kore deit Nia sandalias talin mos, hau la serve. Nia nee sei sarani imi ho Espiritu Santu no ho ahi.

Marcos 14:61

Maibee Jesus la hataan liafuan ida. Ulun relijiaun Judeu nia xefi boot husu dala ida tan ba Nia, “O hatete lai! O mak Kristu duni, Nai Maromak Nia Oan, nebee nia promete ona hori uluk nee, ka lae? “

Marcos 5:7

Jesus haree ema nee, Nia hatete, “Espiritu aat! Sai hosi ema nee!” I ema nee hakilar makaas, “O atu halo saida mai hau?! Hau hatene O nee Jesus, Nai Maromak mak boot teb-tebes nia Oan. Hau husu ba O keta halo terus hau.”

Lucas 1:15

Nai Maromak sei konsidera nia nudar ema boot. Durante nia moris tomak, imi nia oan nee la bele hemu tua no tua manas. Nia sei nakonu ho Maromak nia Espiritu Santu dezde iha nia inan nia kabu-laran.

Lucas 1:35

Anju hataan, “Nai Maromak nia Espiritu Santu sei tuun ba iha o, i Maromak Aas Liu nia kbiit sei hamahon o. Nunee, labarik nebee atu moris mai nee ema sei bolu Nia santu i ‘Nai Maromak nia Oan’.

Lucas 1:76

Depois Zacarias hatete ba nia oan, “Hau nia oan, ema sei bolu o Maromak Aas Liu nia profeta. O sei baa uluk Nai hodi prepara dalan ba Nia.

Lucas 3:16

Maibee João hatete ba sira hotu, “Hau sarani imi ho bee deit. Maibee la kleur tan, Ema ida boot liu hau sei mai. Atu kore deit Nia sandalias talin mos, hau la serve. Ema nee la sarani imi ho bee, maibee Nia sei sarani imi ho Espiritu Santu no ho ahi.

Lucas 6:35

Maibee tuir loloos hanesan nee: hadomi o nia inimigu sira, i halo diak ba sira. Foo empresta ba sira, i lalika hein atu sira selu fila fali. Ho nunee, o sei hetan premiu boot, i o sei sai Maromak Aas Liu nia oan. Tanba Maromak mos halo diak ba ema aat ho ema nebee la hatene foo obrigadu.

João 12:34

I ema sira iha nebaa nee husu, “Ami rona hosi Maromak nia lei dehan, Kristu moris nafatin. Entaun Kristu ho Ema Oan nee, hanesan, ka? Se nunee, tanba saa mak Ita Boot dehan, ‘La kleur sira sei hedi Ema Oan iha ai krus leten?’ Se nunee, Ema Oan nee, see?”

João 6:69

I ami fiar ba Ita Boot. Tanba ami hatene ona dehan, Ita Boot mak Ema Santu hosi Nai Maromak.”

Apostolu sira nia Istoria 16:17

Bainhira ami lao dadauk, labarik feto nee hakilar tutuir ami dehan, “Ema sira nee serbii Nai Maromak Forsa Teb-tebes. Sira mai hatudu dalan ba imi, para imi bele hetan salvasaun, i hetan perdaun ba imi nia sala.”

Apostolu sira nia Istoria 2:30

Maibee liurai David nee, Nai Maromak nia profeta. I nia hatene katak Nai Maromak promete i jura ona dehan ema ida hosi David nia jerasaun sei kaer ukun.

Apostolu sira nia Istoria 2:36

Nunee imi ema Israel hotu-hotu tenki hatene katak, Jesus ida nebee imi prega mate tiha iha krus nee, mak Ema ida nebee Nai Maromak hili ona. Nai Maromak mos foti ona Nia sai ita nia Nai.”

Apostolu sira nia Istoria 7:48

Maibee Nai Maromak la hela iha uma nebee ema mak halo. Hanesan uluk Nai Maromak nia profeta ida hakerek ona dehan,

Roma 1:4

Maibee Maromak hatudu momoos katak, Jesus nee mos Maromak nia Oan. Ita hatene nunee tanba Espiritu nebee mak iha Jesus nee santu teb-tebes, hanesan Maromak, i Espíritu nee mak halo Jesus moris fali hosi mate.

Apokalipse 3:7

Tuir mai Ema nee hatete mai hau, “Hakerek hanesan nee ba sarani sira iha sidade Filadélfia: ‘Hau mak Santu no Loos. Hau mak kaer xavi liurai David nian. Bainhira Hau loke odamatan, la iha ema ida mak bele taka fali. I bainhira hau taka odamatan, la iha ema ida mak bele loke. Hau nia lia menon mak nee: