Lucas 1:20 - Biblia Tetun Dili

²⁰ Maibee o la fiar hau nia liafuan. Nee duni, komesa agora o sei monok tiha too labarik nee moris. Tanba too tempu nebee Nai Maromak desidi, buat sira nee sei sai duni.”

Lucas 1:20 Iomraidhean Croise

Marcos 16:14

Nee liu tiha, Jesus hasoru malu ho Nia eskolanti nain sanulu resin ida, bainhira sira haan hela. Nia hasee sira, dehan, “Imi nee ulun fatuk toos duni! Ema hatete ona ba imi katak, sira haree Hau ho sira nia matan rasik, maibee imi la fiar! Imi dehan, sira bosok. Agora, Hau rasik mak mai nee. Hau mate tiha ona, maibee Hau moris fali ona. Imi haree rasik baa.

Marcos 9:19

Rona nunee, Jesus koalia makaas ba Nia eskolanti sira, “Imi nee demais ona! Hau hanorin bebeik ba imi, maibee imi la komprende nafatin deit. Imi seidauk fiar deit Hau. Hau tenki pasiensia ba imi too bainhira?! Lori labarik nee mai iha nee!”

Lucas 1:19

Anju hataan, “Hau Gabriel. Hau sempre serbii iha Nai Maromak nia futar oin. I Nia rasik mak haruka hau mai hatoo novidade diak nee ba o.

Lucas 1:21

Ema barak nebee halo hela orasaun iha liur, hein Zacarias atu sai mai. Sira admira tanba nia kleur teb-tebes iha Uma Kreda laran.

Lucas 1:22

Bainhira nia sai mai, nia la koalia liafuan ida ba sira. Nia halo sinal deit ho liman, tanba nia monok. Entaun sira komprende katak Maromak hatudu sinal ruma ba nia iha Uma Kreda laran.

Lucas 1:45

Nai Maromak foo bensaun ba o, tanba o fiar katak buat nebee Nia promete ona ba o, sei sai duni.”

Lucas 1:64

Iha momentu nee kedas, Zacarias bele koalia fali, i nia komesa hahii Nai Maromak.

Roma 3:3

Maski nunee, ema Judeu balu la moris tuir Maromak nia liafuan. Bainhira sira la moris tuir, Maromak halo saida? Nia halo tuir nafatin Nia liafuan ka lae?

2 Timóteo 2:13

Maski ita la foo laran ba Kristu, maibee Nia foo laran nafatin mai ita. Tanba Nia mak hanesan nee duni.”

Tito 1:2

Nunee, sira bele laran metin ba moris rohan laek nebee Nai Maromak promete nanis ona, molok Nia halo mundu nee, i Nia nunka bosok.

Ebreu 6:18

Nia promesa ho Nia juramentu nee sei la muda, tanba Maromak nunka bosok. Nunee Nia halo juramentu nee para ita nebee buka mahon ona iha Nia bele laran metin ba Nia promesa nee.

Apokalipse 3:19

Ema nebee Hau hadomi, sira nee mak Hau koriji i Hau kastigu. Entaun imi tenki hakaas aan hodi husik ona imi nia sala.