Lucas 1:17 - Biblia Tetun Dili

¹⁷ Nia mai ho espiritu no kbiit hanesan Maromak nia profeta Elias. João sei mai uluk hodi prepara povu atu simu ita nia Nai. Depois mak foin ita nia Nai mai. João sei halo aman sira nia laran hadomi fila fali sira nia oan. I ema sira nebee fila kotuk ba Maromak, nia sei halo sira tuir fali Maromak nia hakarak.”

Lucas 1:17 Iomraidhean Croise

Mateus 11:14

Se imi hakarak fiar ida nee ka lae, João nee mak profeta Elias nebee durante nee ema hein hela atu mai.

Mateus 3:3

Uluk liu Maromak nia profeta Isaias hakerek ona kona ba João dehan, “Iha ema ida foo sai ho lian makaas iha rai fuik maran dehan, ‘Imi tenki hadia dalan para simu ita nia Nai. Halo loos tiha dalan para Nia hodi lao.’ ”

Mateus 3:4

João nia hena halo hosi kuda kamelu nia fulun, i nia sintu halo hosi animal nia kulit. Nia hahaan mak gafanhotu ho bani been.

Lucas 1:16

Nia sei lori ema Israel barak fila fali ba sira nia Nai Maromak.

Lucas 1:76

Depois Zacarias hatete ba nia oan, “Hau nia oan, ema sei bolu o Maromak Aas Liu nia profeta. O sei baa uluk Nai hodi prepara dalan ba Nia.

João 1:13

Nee hanesan ho sira hetan moris foun. Maibee sira nia moris foun nee, laos hanesan ema partus oan. I laos hanesan mane ida nebee hakarak hetan jerasaun. Sira sai Maromak nia oan, tanba Maromak mak foo ba sira moris foun nee.

João 1:34

Hau haree buat sira nee ho hau nia matan rasik. Nunee, hau foo hatene ba imi dehan, ‘Ema ida mai nee, Nia mak Nai Maromak nia Oan!’ ”

João 3:28

Imi rasik rona tiha ona hau hatete ba imi dehan, ‘Hau laos Kristu nebee ita hein. Maibee Maromak haruka ona hau mai uluk, hodi loke dalan ba Kristu.’

Apostolu sira nia Istoria 10:33

Nee mak hau haruka kedas ema baa bolu ita. Ami agradese teb-tebes tanba ita mai duni. Agora ami halibur hamutuk iha Nai Maromak nia oin hodi rona saida mak Nia haruka ita foo sai mai ami.”

Roma 9:23

Nia pasiensia lai ho sira nunee para hatudu ba ema hotu-hotu katak, Nia laran diak teb-tebes ba ita nebee mak Nia hadomi; ita nee mak Nia prepara antes tiha ona atu aban-bainrua Nia sei foti aas ita.

Kolose 1:12

Ami harohan para imi foo agradese bebeik ba Aman Maromak ho laran haksolok. Nia mak loke dalan para imi bele simu bensaun nebee Nia prepara tiha ona ba Nia povu santu iha lalehan. Nia hasai tiha ita hosi forsa nakukun nia ukun, hodi hatama ita ba iha Nia Oan doben Jesus Kristu nia reinu naroman.

2 Timóteo 2:21

Nunee mos ho ema. See mak hadook aan hosi buat nebee aat, nia hanesan sasaan diak sira nee, i Maromak sei uza nia ba serbisu nebee diak. Tanba nia laran moos ona, serve para nia nain bele uza, i prontu halo buat diak saida deit.

1 Pedro 2:9

Maibee imi laos nunee. Imi Nai Maromak hili tiha ona hodi sai Nia povu. Imi hanesan nai-lulik nebee mak serbii liurai. Imi hanesan nasaun ida nebee moris loos. Imi Maromak nia povu. Maromak hili imi nunee para imi bele konta sai buat diak nebee mak Maromak halo tiha ona ba imi. Tanba Nia mak bolu imi sai hosi nakukun hodi tama ba iha Nia naroman ida nebee furak teb-tebes.

1 João 2:28

Nee duni, oan doben sira, imi tenki moris laran ida ho Jesus Kristu nafatin, para aban-bainrua Jesus fila fali mai hosi lalehan, ita la tauk i la moe hamriik iha Nia oin.

Apokalipse 20:4

Depois hau haree kadeira ukun barak ho ema tuur hela iha kadeira ida-idak. Nai Maromak foo ona kbiit ba ema sira nee hodi foo justisa. Uluk sira sei moris iha mundu, ema tesi tiha sira nia kakorok tanba sira foo sasin kona ba Jesus Kristu i foo sai Nai Maromak nia liafuan. Sira nee nunka adora animal siak ho nia estatua, i lakohi simu animal nee nia marka iha sira nia reen toos ka iha sira nia liman. Maski ema oho tiha ona sira, maibee Nai Maromak halo moris fali sira, i sira ukun hamutuk ho Kristu too tinan rihun ida.