Lucas 1:1 - Biblia Tetun Dili

¹ Senhor Teófilo mak hau respeita. Iha ema barak mak hakerek ona kona ba buat nebee mak Nai Maromak halo ona iha ami nia leet.

Lucas 1:1 Iomraidhean Croise

Marcos 16:20

Nee liu tiha, Nia eskolanti sira halo tuir Nia orden. Sira baa iha mundu tomak, hodi foo hatene kona ba Jesus nia Novidade Diak. I Nai Maromak foo kbiit ba sira, para sira bele halo milagre, tuir Jesus hatete ona. Nunee ema barak fiar ba Jesus, tanba sira hatene katak Novidade Diak nee, loos duni.

João 20:31

Maibee, buat sira nebee hau hakerek ona iha livru nee, hau hakerek para imi bele fiar dehan, Jesus mak Kristu nebee Nai Maromak promete ona atu haruka mai. Jesus mos Nai Maromak nia Oan. I bainhira imi fiar ba Nia, imi hetan moris rohan laek, tanba imi sai ona Nia ema.

Roma 14:5

Nunee mos, iha ema balu konsidera katak, loron balu boot liu loron seluk. Maibee iha ema seluk dehan, loron hotu-hotu hanesan deit iha Maromak nia oin. Ema ida-idak tenki desidi rasik kona ba loron boot nee.

Roma 4:21

Nia laran metin katak Maromak iha kbiit atu halo saida mak Nia promete tiha ona.

Kolose 2:2

Hau hakaas aan nunee atu hametin imi hotu nia laran para imi hadomi malu ho neon ida laran ida. Ho nunee imi bele komprende loloos Maromak nia planu nebee uluk segredu hela, i bele laran metin katak planu nee loos duni. Maromak nia segredu mak nee: Kristu rasik.

Kolose 4:12

Kumprimentus mos hosi Epafras. Nia rai ida ho imi i serbii Kristu Jesus. Nia sempre halo orasaun makaas ba imi, hodi husu Nai Maromak foo forsa ba imi para hamriik metin, i halo imi komprende didiak Nia hakarak.

1 Tesalonika 1:5

Tanba uluk, ami baa foo sai Nai Maromak nia Novidade Diak ba imi, laos ho liafuan deit, maibee ho poder hosi Espiritu Santu, i ami fiar metin katak Novidade Diak nee loos duni. Imi mos hatene katak ami moris iha imi nia leet so hodi halo diak ba imi.

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.

2 Timóteo 4:17

Bele nunee mos, Nai Jesus hamriik iha hau nia sorin hodi foo forsa mai hau, para hau bele foo sai Novidade Diak hotu. Nunee sira nebee laos ema Judeu mos bele rona. I Maromak mos hasai hau hosi liaun nia ibun.

Ebreu 10:22

Tanba nee mai ita hakbesik aan ba Nai Maromak ho laran moos i fiar metin ba Nia. Tanba Jesus hamoos tiha ona ita nia laran, too ita la hanoin tan sala nebee uluk ita halo. Nee hanesan Nia fasi ita nia isin lolon hodi bee nebee moos.

Ebreu 6:11

Ami hakarak atu imi ida-idak hatudu nafatin imi nia domin nee too rohan, atu nunee imi bele laran metin katak, imi sei hetan buat nebee mak Nai Maromak promete tiha ona atu foo ba imi.