Kolose 4:8 - Biblia Tetun Dili

⁸ Hau haruka nia ba imi para imi bele hatene kona ba hau nia situasaun, i para nia bele hametin imi nia laran.

Kolose 4:8 Iomraidhean Croise

1 Korintu 4:17

Tanba nee hau haruka Timóteo baa ajuda imi. Hau hadomi nia hanesan hau nia oan rasik, nia mos ema ida nebee foo laran ba ita nia Nai. Timóteo sei foo hanoin ba imi kona ba hau nia lalaok moris nudar ema nebee tuir Kristu Jesus. Iha hau nia moris nee, hau sempre halo tuir buat nebee mak hau hanorin ba sarani sira iha fatin ba fatin.

2 Korintu 1:4

Iha susar saida deit, Nia sempre foo ksolok mai ita, atu nunee, ksolok nebee ita simu hosi Nia, ita mos bele foo tutan ba ema seluk nebee hetan susar saida deit.

2 Korintu 12:18

Uluk hau husu ba Tito atu baa vizita imi, i haruka mos ita nia maluk sarani ida tan hodi akompanha nia. Durante Tito iha nebaa, nia manobra tiha imi nia osan balu ka? Lae! Ami nain rua nia hanoin ho ami nia hahalok hanesan.

2 Korintu 2:7

Agora imi tenki foo perdaun ba nia i hametin fali nia laran, atu nia la bele tristi demais too lakon esperansa.

Efezu 6:22

Hau haruka nia ba imi, atu nia bele konta kona ba ami nia moris iha nee, i bele hametin imi nia laran.

Filipi 2:28

Tanba nee mak hau hakarak liu tan haruka Epafroditu fila fali ba imi, para imi haree nia, imi sei haksolok, i hau mos laran hakmatek.

Kolose 2:2

Hau hakaas aan nunee atu hametin imi hotu nia laran para imi hadomi malu ho neon ida laran ida. Ho nunee imi bele komprende loloos Maromak nia planu nebee uluk segredu hela, i bele laran metin katak planu nee loos duni. Maromak nia segredu mak nee: Kristu rasik.

1 Tesalonika 2:11

Imi hatene katak ami tau matan ba imi ida-idak, hanesan aman ida tau matan ba nia oan rasik.

1 Tesalonika 3:5

Iha tempu nebaa, hau hakarak duni atu hatene, imi sei fiar nafatin ba Jesus ka lae. Nunee bainhira hau la aguenta tan ona, hau haruka Timóteo ba imi hodi buka hatene loloos. Tan hau preokupa, keta halo be Satanás intenta ona imi atu fila kotuk ba Nai Jesus. Se nunee, serbisu boot nebee uluk ami halo nee saugati deit.

1 Tesalonika 4:18

Nee duni, foo hanoin ba malu kona ba Nai Jesus nia Liafuan sira nee, hodi hametin imi ida-idak nia laran.

1 Tesalonika 5:11

Tanba nee, tulun malu atu fiar liu tan, ho hametin nafatin imi ida-idak nia laran, hanesan agora imi halo dadauk.

1 Tesalonika 5:14

Maun-alin sira, ami husu para imi foo hanoin ba ema baruk-teen sira para sira tenki serbisu. Foo aten brani ba sira nebee tauk. Ajuda sira nebee fraku. I pasiensia ba ema hotu-hotu.