Kolose 4:6 - Biblia Tetun Dili

⁶ Bainhira imi koalia, sempre uza liafuan midar nebee monu ba ema nia laran. Nunee se ema ruma husu pergunta ba imi, imi bele hataan ho diak.

Kolose 4:6 Iomraidhean Croise

Mateus 5:13

“Imi hanesan masin ba mundu. Maibee se masin nee sai miis ona, ita la bele halo meer fila fali, la iha folin tan ona. Ita soe tiha deit i ema sama baa-mai.

Marcos 9:50

Masin nee diak duni, tanba halo hahaan furak. Maibee se masin nee, nia meer la iha tan ona, nia la iha folin. Soe tiha deit! Imi mos tenki hanesan masin. Imi tenki moris paz ho ema hotu-hotu. Nee duni, para ona ho imi nia haksesuk kona ba see mak boot, see mak kiik.”

Lucas 4:22

Ema hotu komesa gaba Jesus. Sira admira tanba buat nebee Nia koalia nee loos duni. Maibee sira mos husu ba malu, “Nia nee laos José nia oan?”

Efezu 4:29

Bainhira imi koalia, la bele koalia liafuan tolok no aat. Maibee koalia deit liafuan diak nebee ema presiza rona, para hametin sira nia laran. Liafuan hanesan nee sei ajuda sira.

Kolose 3:16

Kristu nia liafuan tenki domina imi nia laran, tanba Nia liafuan nee folin teb-tebes i foo matenek mai ita. Uza Nia liafuan nee hodi hanorin malu i foo hanoin ba malu. Hananu kanta oi-oin, hanesan hosi livru Salmus, kanta espiritual, ho hananu seluk nebee hodi adora Maromak. Hananu hodi agradese ba Maromak ho laran tomak.

1 Pedro 3:15

Respeita ho hamtauk Kristu nudar Nai iha imi nia laran. Se ema ruma husu imi, tanba saa mak imi laran metin ba Nai Maromak, imi tenki prontu hataan ho razaun ba ita nia esperansa ho liafuan mamar no haraik aan.