Kolose 4:5 - Biblia Tetun Dili

⁵ Bainhira imi hamutuk ho ema nebee seidauk fiar ba Kristu, hatudu hahalok diak ba sira. Iha oportunidade saida deit, uza didiak baa.

Kolose 4:5 Iomraidhean Croise

Mateus 10:16

“Rona didiak, Hau haruka imi baa hanesan bibi malae baa tama iha asu fuik nia leet. Imi tenki matenek hanesan samea. I imi nia laran tenki moos hanesan manu pombu.

Marcos 4:11

Jesus hataan, “Tanba imi buka atu hatene duni Nai Maromak nia hakarak, Hau sei foo sai ba imi. Maibee, ba ema seluk, Hau hanorin deit ho komparasaun.

Roma 16:19

Ema hotu-hotu rona ona dehan imi moris tuir Maromak nia hakarak. Nee halo hau nia laran haksolok. Maibee Hau hakarak atu imi mos matenek halo buat nebee mak diak, i lalika halo buat aat.

Kolose 3:16

Kristu nia liafuan tenki domina imi nia laran, tanba Nia liafuan nee folin teb-tebes i foo matenek mai ita. Uza Nia liafuan nee hodi hanorin malu i foo hanoin ba malu. Hananu kanta oi-oin, hanesan hosi livru Salmus, kanta espiritual, ho hananu seluk nebee hodi adora Maromak. Hananu hodi agradese ba Maromak ho laran tomak.

1 Tesalonika 4:12

Se imi moris nunee, imi sei la tane liman ba ema seluk, i ema nebee la fiar ba Kristu sei respeita imi.

1 Timóteo 3:7

Lideransa tenki naran diak iha komunidade nia leet. Tanba se ema nebee laos sarani la respeita nia, sira bele hatete aat nia, too nia mos monu ba Satanás nia lasu.

Tiago 1:5

Se iha imi ruma presiza matenek, husu ba Maromak maka Nia sei foo. Tan Maromak sei foo ba ema hotu-hotu ho laran luak.

Tiago 3:13

Se imi balu matenek hodi hatene dalan nebee loos, i komprende saida mak diak, saida mak aat, imi tenki moris loos i halo buat diak ho haraik aan, hodi hatudu katak matenek nee mai hosi Nai Maromak.

Tiago 3:17

Maibee matenek nebee mai hosi Maromak mak nee: moos, lori dame, laran maus, konsidera ema seluk, laran diak, foo fuan diak, gosta ajuda ema, la haree ba ema boot ka kiik, i la finjidu.

1 Pedro 3:1

Hanesan ita hotu tenki hakruuk ba ita nia ukun nain sira, nunee mos imi feen sira tenki hakruuk ba imi nia laen. Nunee se imi nia laen sira la fiar ba Maromak nia liafuan karik, sira bele haree imi nia moris nebee hatudu laran diak ho respeitu. Too ikus sira mos bele fiar, laos hosi imi nia liafuan, maibee hosi imi nia hahalok nee.