Kolose 4:3 - Biblia Tetun Dili

³ Keta haluha harohan mos mai ami. Husu atu Nai Maromak loke dalan para ami bele foo sai ba ema, buat nebee uluk segredu hela kona ba Kristu. Tanba hau foo hatene segredu nee mak hau agora dadur hela iha komarka.

Kolose 4:3 Iomraidhean Croise

Mateus 13:11

Jesus hataan, “Uluk ema seidauk hatene, oinsaa mak Maromak ukun nudar Liurai. Agora Hau foo sai segredu Reinu lalehan nian ba imi, maibee ba ema sira nee lae.

Apostolu sira nia Istoria 14:27

Too iha Antiokia, Paulo ho Barnabé halibur sarani sira hodi konta buat hotu-hotu nebee Maromak halo ona liu hosi sira. Sira mos foo hatene dehan Maromak loke ona dalan ba ema sira nebee laos Judeu hodi fiar ba Jesus.

Roma 16:25

Hahii ba Nai Maromak! Nia mak iha kbiit hodi halo ita sai forti, liu hosi Novidade Diak nebee hau foo sai ona kona ba Jesus Kristu. Hori uluk liu, ema la hatene Maromak nia planu kona ba Kristu, tanba sei segredu hela.

1 Korintu 16:9

Tanba odamatan nakloke mai hau atu halao Maromak nia serbisu iha nee ho diak, maski ema barak kontra hau.

1 Korintu 4:1

Nee duni, imi tenki konsidera ami nee Kristu nia atan deit. Maromak foo fiar mai ami atu foo sai Nia planu segredu.

2 Korintu 2:12

Uluk bainhira hau baa iha sidade Troas atu foo sai Novidade Diak kona ba Kristu, Nai Maromak loke dalan ba hau hodi serbisu iha nebaa.

Efezu 3:1

Hau, Paulo, agora dadauk dadur hela iha komarka tanba hau halao serbisu nebee Kristu Jesus foo mai hau. Serbisu nee mak foo sai Nia Novidade Diak ba imi nebee laos ema Judeu.

Efezu 3:3

Nia foo sai ona Nia planu segredu mai hau, hanesan hau hakerek tiha ona ituan iha leten.

Efezu 3:4

Bainhira imi lee ona ida nee, imi bele komprende Nai Maromak nia planu kona ba Jesus Kristu, tuir buat nebee Nia foo sai ona mai hau.

Efezu 3:9

Komesa hosi Nai Maromak halo mundu, Maromak nia planu nee segredu hela. Maibee agora Nia haruka hau esplika ba ema hotu-hotu kona ba oinsaa mak Nia atu halao Nia planu.

Efezu 4:1

Hau dadur hela tanba serbii ita nia Nai. Nunee hau husu boot atu imi bele moris tuir Maromak nia hakarak, tanba Nia bolu ona imi sai Nia ema.

Filipi 1:19

tanba hau hatene katak, ho imi nia orasaun mai hau, i Jesus Kristu nia Espiritu nia tulun, iha ikus Maromak sei liberta hau.

Filipi 1:7

Hau senti nunee, tanba imi iha hau nia fuan-laran. Maromak foo fiar ba imi atu serbisu hamutuk ho hau. Bainhira Hau defende Nia Novidade Diak hodi hatudu ba ema katak Liafuan nee loos, imi sempre halo parte iha serbisu nee. Bainhira hau iha komarka laran mos, imi halo parte nafatin.

Kolose 1:26

Hori uluk liu, Maromak nia planu nee sei taka hela ba ita ema. Maibee agora, Maromak loke ona Nia planu ba Nia povu.

Kolose 4:18

Hau rasik mak hakerek liafuan tuir mai nee: Kumprimentus hosi hau, Paulo. La bele haluha katak, hau dadur hela. Hau harohan para Nai Maromak hatudu Nia grasa ba imi.

1 Tesalonika 5:25

Maun-alin sira, halo orasaun mai ami.

2 Timóteo 1:16

Maibee Onesiforu lae. Nunee hau harohan ba Nai Maromak para hatudu Nia laran diak ba Onesiforu ho nia familia tomak. Tanba nia mai vizita hau bebeik iha kadeia, hodi hametin hau nia laran. Nia la moe maski hau ema dadur.

2 Timóteo 2:9

Tanba hau foo sai Novidade Diak nee mak hau hetan terus, too ema kesi tan hau ho korenti hanesan fali ema nebee halo krimi. Maibee Nai Maromak nia liafuan, ema ida la bele kesi.

2 Timóteo 4:2

foo sai Nai Maromak nia liafuan; iha tempu diak ka la diak, o tenki prontu. Koriji ema nebee halo sala, i bandu sira para la bele halo sala tan. Hametin ema nia laran. Halo buat sira nee hotu ho pasiensia, liu hosi hanorin Nai Maromak nia liafuan.

Filemon 1:22

Iha tan buat ida. Prepara fatin ida mai hau, tanba hau hein katak Maromak sei rona imi nia orasaun hodi loke dalan atu hau bele baa fali haree imi.