Kolose 4:2 - Biblia Tetun Dili

² Imi tenki badinas nafatin halo orasaun ho matan moris neon nain, i sempre agradese ba Nai Maromak.

Kolose 4:2 Iomraidhean Croise

Mateus 26:41

Hakaas aan i halo orasaun para imi la bele monu ba tentasaun. Imi nia laran prontu atu halo buat diak, maibee imi nia aan fraku.”

Marcos 13:33

Nee duni, imi tenki neon moris matan moris! Tanba imi la hatene loron nebee mak Hau sei fila mai.

Lucas 18:1

Depois Jesus halo komparasaun ida ba Nia eskolanti sira hodi hanorin para sira tenki halo orasaun nafatin i la bele lakon esperansa.

Lucas 21:36

Nee duni, matan moris neon nain nafatin. Halo orasaun bebeik atu imi bele liu hosi susar nee ho diak. Nunee too ikus imi sei la tauk hamriik metin iha Ema Oan nia oin.”

Apostolu sira nia Istoria 1:14

Sira halibur hamutuk bebeik hodi halo orasaun ho neon ida laran ida. Sira halo orasaun nee hamutuk ho Jesus nia inan Maria, ho feto balu tan, ho mos Jesus nia alin sira.

Roma 12:12

Imi tenki haksolok tanba imi laran metin ba Maromak. Aguenta ho pasiensia iha terus laran. Halo orasaun bebeik.

Efezu 6:18

Halo orasaun loron-kalan ho Espiritu Santu nia tulun. Iha situasaun saida deit, husu Maromak nia tulun. Matan moris neon nain nafatin, husu Maromak nia tulun, i sempre halo orasaun ba Maromak nia povu hotu-hotu.

Filipi 4:6

La bele preokupa kona ba saida deit. Maibee iha situasaun saida deit, halo orasaun husu Nai Maromak nia tulun. I bainhira imi husu, keta haluha foo agradese ba Nia.

Kolose 1:9

Tanba nee, hahuu hosi loron primeiru nebee ami rona kona ba imi, ami halo orasaun bebeik ba imi. Ami husu ba Nai Maromak atu foo ba imi matenek espiritual no konhesimentu kompletu nebee loos tuir Maromak nia hakarak.

Kolose 2:7

Fiar metin nafatin ba Nia, hanesan ai huun nebee abut tama klean ba rai, i hanesan uma nebee ema harii dadauk ho riin nebee forti. Kaer metin nafatin hanorin nebee imi simu ona, i sempre agradese ba Nai Maromak.

Kolose 3:15

Kristu foo paz ba imi. Entaun husik Nia paz nee domina imi nia laran. Tanba imi halo parte hamutuk iha isin lolon ida, i Maromak bolu imi para moris iha dame nia laran. I sempre agradese ba Maromak.

Kolose 3:17

Imi halo saida deit, halo hodi Nai Jesus nia naran. I imi koalia saida deit, koalia hodi Nia naran. Sempre foo agradese ba Aman Maromak liu hosi Nai Jesus.

Kolose 4:12

Kumprimentus mos hosi Epafras. Nia rai ida ho imi i serbii Kristu Jesus. Nia sempre halo orasaun makaas ba imi, hodi husu Nai Maromak foo forsa ba imi para hamriik metin, i halo imi komprende didiak Nia hakarak.

1 Pedro 4:7

Mundu nee besik remata ona. Tanba nee imi tenki hanoin klean i domina aan para bele halo orasaun.