Kolose 3:8 - Biblia Tetun Dili

⁸ Maibee agora, imi tenki husik tiha hahalok aat sira nee. La bele ona hirus, laran nakali, ka odi ema. La bele tan konta aat ema nia vida, tolok,

Kolose 3:8 Iomraidhean Croise

Mateus 5:22

Maibee Hau hatete ba imi, ‘See mak hirus nia maun-alin ida, nia sei hetan kastigu. See mak tolok nia maun-alin ida, nia sei baa hataan iha tribunal. I see mak hirus ema seluk dehan, ‘O beik-teen’, ema nee lao dadauk ona ba iha ahi infernu nebee lakan.

Marcos 7:22

kaan-teen; halo sala seksual ho ema nebee laos o nia kaben; halo buat aat; han-matak ema; tuir deit nia kaan; laran moras; hatete aat ema; foti aan; ukun la iha, i lakohi rona ema seluk.

Roma 13:13

Mai ita moris loos, hanesan ema nebee moris iha naroman. La bele festa hela deit, haan-hemu too lanu arbiru tuun-sae. La bele halo seksu arbiru no nebee la iha moral. La bele istori malu, i la bele laran moras ema.

1 Korintu 3:3

Imi sei hanoin hanesan fali ema mundu nian. Imi laran moras ba malu, i haksesuk to fahe malu. Nee hatudu katak imi tuir nafatin mundu nia hakarak. Nunee imi nia hahalok hanesan fali ema mundu nian.

2 Korintu 12:20

Hau tauk, bainhira hau baa iha nebaa, imi nia hahalok la monu ba hau nia laran, i hau nia hahalok mos la monu ba imi nia laran. Hau tauk imi istori malu hela, laran moras malu, hirusdor, hanoin imi nia aan deit, hatete aat ema, konta aat ema nia vida, foti aan i halo rungu-ranga.

Galasia 5:15

Maibee se imi hatuun malu i haan malu hela deit, mak imi sei haree. La kleur, imi sei rahun hotu.

Galasia 5:20

adora lulik, uza forsa nakukun, odi malu, istori malu, laran moras, hirus door, buka diak deit ba nia aan rasik, kria grupu hodi halo hirus malu no fahe malu,

Galasia 5:26

Ita la bele foti aan, la bele sadik malu, i la bele laran moras malu.

Efezu 4:22

Uluk imi hakarak halo buat aat oi-oin, i imi nia hakarak nee lohi imi, too estraga imi nia aan. Maibee ema nebee hanorin imi kona ba Kristu, sira haruka imi husik tiha imi nia moris uluk nee,

Efezu 4:25

Nee duni, la bele bosok tan. Imi koalia ba malu, tenki koalia loos, tanba ita hotu hanesan isin lolon ida.

Efezu 4:26

Se imi hirus, keta husik hirus nee lori imi ba sala, i la bele rai hirus too loro matan monu,

Efezu 4:29

Bainhira imi koalia, la bele koalia liafuan tolok no aat. Maibee koalia deit liafuan diak nebee ema presiza rona, para hametin sira nia laran. Liafuan hanesan nee sei ajuda sira.

Efezu 5:4

La bele tolok, ka koalia nar-naran, ka konta liafuan aat, tanba buat sira nee la serve atu Maromak nia ema koalia. Maibee foo agradese ba Maromak.

Kolose 3:5

Nee duni, imi tenki hamate tiha buat aat hotu-hotu hosi imi nia moris hanesan: relasaun seksual nebee la loos, hanoin foer kona ba seksual, kaan atu halo seksu arbiru, hakarak atu halo buat aat saida deit, ho kaan sasaan tanba nee hanesan o foti aas sasaan sira nee liu fali Maromak.

Kolose 3:9

ka bosok malu. Tanba imi nia moris ida uluk ho hahalok aat sira nee, imi soe tiha ona. Agora imi troka tiha ona moris tuan nee ho moris foun. Nee hanesan ema soe tiha nia ropa bosan, hodi hatais fali ropa foun. Maromak mak foo moris foun nee ba imi. I agora Nia kontinua hafoun imi nia moris hodi sai hanesan Nia, atu nunee imi bele konhese liu tan Maromak.

1 Timóteo 1:13

Nia foti hau, maski uluk hau hatete aat Nia i halo terus ema nebee tuir Nia. Jesus la kastigu hau, tanba tempu nebaa hau seidauk fiar ba Nia i la hatene saida mak hau halo.

1 Timóteo 1:20

Hosi sira nee, ema nain rua mak Himeneu ho Alexandre. Nee mak hau entrega ona sira ba Satanás, para sira bele aprende atu la bele hatete aat tan Nai Maromak.

Ebreu 12:1

Entaun, oinsaa ho ita agora? Ita hanesan ema nebee halai taru. Ita nia bei-ala sira sai ona sasin kona ba fiar, i agora sira haleu hela ita hodi asisti. Tanba nee mai ita soe tiha naha todan nebee halo ita halai la bele, liu-liu ita nia sala nebee kesi metin ita. Mai ita hakaas aan halai nafatin too rohan tuir dalan nebee Maromak hatudu ona ba ita.

Tiago 2:7

Sira mak hatete aat imi nia Nai Jesus nia naran nebee boot. Nusaa mak imi hakarak buka oin ho sira?

1 Pedro 2:1

Tanba nee, soe tiha hahalok aat hotu-hotu! La bele bosok, la bele koalia oin ida hahalok oin seluk, la bele laran moras ema, i la bele hatete aat ema seluk.

2 Pedro 2:18

Tanba sira tebe rai loos, maibee koalia liafuan mamuk deit. Sira gosta buka ema nebee mak foin komesa husik nia sala, hodi dada ema sira nee para moris tuir fali sala seksual saida deit mak ema nee kaan atu halo.

2 Pedro 2:7

Iha tempu nebaa Maromak salva deit Ló. Ló nee ema ida ke moris loos, i nia laran tristi teb-tebes tanba povu kontra buat nebee mak loos hodi moris iha sala foer nia laran.

Judas 1:13

Sira hatudu hahalok nebee halo moe deit ita, hanesan laloran boot nebee baku hasai nia furin iha bee leten. Sira hanesan fitun nebee lao la tuir dalan. Maromak prepara tiha ona fatin ida nakukun liu ba sira, para sira hela iha nebaa too tinan ba tinan nafatin.

Judas 1:8

Nunee mos ho ema aat sira nebee tama iha imi nia leet nee. Sira halo sala hodi hafoer sira nia aan rasik, i dehan mehi mak foo sai ba sira para halo nunee. Sira lakohi rona see-see deit mak kaer ukun iha lalehan ka iha rai, too hatete aat forsa sira iha lalehan.

Apokalipse 16:9

Loro manas makaas halo sira nia isin kanek, i sira hatete aat Nai Maromak nia naran, tanba Nia mak iha kbiit hodi foo terus boot nee ba sira. Maski nunee, sira la hakribit sira nia sala, i lakohi foti aas Nai Maromak nia naran.