Kolose 3:3 - Biblia Tetun Dili

³ Tanba imi mate ona hamutuk ho Kristu. I agora imi mos moris hamutuk ho Nia iha Nai Maromak nia oin, maski ema seluk seidauk haree.

Kolose 3:3 Iomraidhean Croise

Mateus 11:25

Iha tempu nee, Jesus agradese ba Maromak dehan, “Hau nia Aman, lalehan ho rai nia Nain, Hau agradese ba Ita Boot, tanba Ita Boot taka buat sira nee ba ema matenek ho ema eskola boot, maibee Ita Boot hatudu fali ba ema nebee kiik.

João 14:19

La kleur tan, ema iha mundu nee la haree tan Hau ona, maibee imi haree Hau. Tanba Hau moris fali, imi mos hetan moris loloos.

João 3:16

Tanba Nai Maromak hadomi teb-tebes ema hotu-hotu iha mundu nee, nee mak Nia haruka Nia Oan mane mesak, para ema hotu nebee fiar ba Nia, Nai Maromak la husik sira lakon, maibee Nia foo ba sira moris rohan laek.

João 4:14

Maibee ema nebee hemu bee nebee Hau foo nee, sei la hamrook tan ona. Tanba bee nebee Hau foo nee, hanesan bee matan ida iha nia laran, nebee fakar sai mai. Bee nee, lori moris loloos nebee rohan laek.”

João 5:21

Hau nia Aman halo moris fila fali ema mate. Nunee mos, Hau sei foo moris loloos ba see-see deit, tuir Hau nia hakarak.

João 5:24

Tebes duni! Hau foo hatene ba imi. Ema nebee rona Hau nia liafuan no fiar ba Nai Maromak, nebee haruka Hau mai, hetan moris rohan laek. Maromak la kastigu mate tan ema nee ona, tanba ema nee husik ona mate hodi tama ba moris hamutuk ho Maromak tinan ba tinan.

João 5:40

Maibee imi lakohi mai iha Hau, i sai Hau nia ema, para imi bele hetan moris rohan laek.

Roma 5:10

Uluk, bainhira ita sei inimigu ho Maromak, Nia halo ita dame malu ho Nia liu hosi Nia Oan nia mate. Saa tan agora ita dame malu ona, konserteza ita sei hetan salvasaun tanba Nia Oan moris fila fali.

Roma 5:21

Bainhira sala domina ema hotu-hotu, konsekuensia mak lori sira ba mate. Maibee agora Maromak nia grasa domina ita, too Maromak mos simu fali ita, i lori ita ba moris rohan-laek liu hosi ita nia Nai Jesus Kristu.

Roma 6:11

Imi mos tenki konsidera imi nia aan nunee: imi hanesan mate tiha ona ba sala, nee mak sala la domina imi nia aan ona. Nunee, agora imi tenki moris hodi foti aas Maromak, tanba imi laran ida ho Jesus Kristu.

Roma 6:2

Nee la loos! Tanba kona ba sala, ita hanesan mate tiha ona, i ema nebee mate la halo tan sala ona.

Roma 8:2

Tanba uluk sala ukun ita, lori ita ba mate, maibee agora liu hosi Kristu Jesus, Maromak nia Espiritu hasai tiha ona ita hosi sala nia ukun hodi lori ita ba moris.

1 Korintu 15:45

Iha Livru Sagradu hakerek dehan, “Ema primeiru nebee Maromak foo iis mak Adão. Ikus mai iha tan Adão seluk, nee mak Kristu. Adão ida ikus nee Ema lalehan nian, i Nia mak huun ba moris rohan-laek.”

1 Korintu 2:14

Maibee se Maromak nia Espiritu la hela iha ema ida nia laran, ema nee sei la simu saida mak Maromak nia Espiritu koalia. Nia la bele komprende, nia hanoin liafuan nee buat beik ida, tanba so ho Espiritu nia tulun mak ema bele komprende.

2 Korintu 5:14

Bele halo nusaa mos Kristu nia domin ukun nafatin ami nia moris. Tanba ami fiar katak Kristu mate tiha ona iha ema hotu nia fatin. Nunee bele dehan ita hotu mos mate hotu ona ho nia.

2 Korintu 5:7

Ita moris laos liu hosi buat nebee mak ita bele haree ho matan, maibee liu hosi ita nia fiar ba Maromak.

Galasia 2:20

Bele dehan, hanesan hau mate tiha ona iha krus hamutuk ho Kristu. Agora laos hau mak moris tan, maibee Kristu mak moris iha hau. I hau moris iha mundu nee, hau fiar deit ba Nai Maromak nia Oan. Nia hadomi teb-tebes hau, too foo nia Aan ba mate iha hau nia fatin.

Efezu 3:9

Komesa hosi Nai Maromak halo mundu, Maromak nia planu nee segredu hela. Maibee agora Nia haruka hau esplika ba ema hotu-hotu kona ba oinsaa mak Nia atu halao Nia planu.

Filipi 4:7

Bainhira imi halo nunee, mak Maromak sei halo imi nia laran hakmatek. Hakmatek nebee Nia foo nee, ita ema sukat la too. Ho hakmatek nee, Maromak sei kuidadu imi nia neon ho laran para imi la bele preokupa ona, tanba imi Kristu Jesus nia ema.

Kolose 1:5

Imi nia fiar ho imi nia domin nee buras tanba imi hein ho laran metin atu simu bensaun nebee Maromak prepara tiha ona ba imi iha lalehan. Imi fofoun rona kona ba bensaun nee bainhira imi rona Maromak nia Novidade Diak. Liafuan nee loos

Kolose 2:20

Imi mate tiha ona hamutuk ho Kristu. Nunee imi livre ona hosi espiritu aat mundu nian nebee la domina ona imi. Entaun, nusaa mak imi tuir nafatin sira nia regra sira nee? Hanesan:

Kolose 2:3

Kristu deit mak bele halo ita sai matenek hodi komprende Maromak nia dalan. Tanba matenek nee hanesan rikusoin nebee subar hela iha Nia.

Kolose 3:4

Kristu foo ona moris foun ba imi. I aban-bainrua Nia fila fali mai, imi mos mosu hamutuk ho Nia, ho naroman nabilan nian.

Ebreu 7:25

Tanba nee Jesus iha kbiit hodi salva see deit mak baa iha Maromak liu hosi Nia. Nia bele salva sira agora i too tinan ba tinan, tanba Nia moris nafatin hodi harohan ba Nai Maromak atu tulun sira.

1 Pedro 3:4

Maibee buat nebee mak halo imi feto sira sai furak mak imi nia laran. Feto nebee laran maus ho kalma, sira nee mak furak ba nafatin, i Maromak mos foo folin boot ba sira nia hahalok nee.

1 Pedro 4:2

Nunee, agora ba oin imi nia moris iha mundu nee sei tuir deit Nai Maromak nia hakarak, imi nia hakarak rasik imi la tuir tan ona.

1 João 3:2

Maluk doben sira, ita sai ona Maromak nia oan. Maibee Maromak seidauk foo sai ba ita, aban-bainrua ita sei sai oinsaa. Maski nunee ita sei hatene, bainhira Jesus Kristu fila fali mai hosi lalehan, ita sei sai hanesan Nia, tanba ita sei haree Nia momoos.

Apokalipse 2:17

Imi nebee iha tilun, rona didiak saida mak Maromak nia Espiritu hatete ba sarani sira. See mak manaan, Hau sei foo ai haan manaa. Ai haan nee agora sei subar hela. Hau mos sei foo fatuk mutin ba sira ida-idak. Iha fatuk nee hakerek naran foun, naran nee ema ida sei la hatene, so ema nebee simu fatuk nee deit mak hatene.’ ”