Kolose 3:16 - Biblia Tetun Dili

¹⁶ Kristu nia liafuan tenki domina imi nia laran, tanba Nia liafuan nee folin teb-tebes i foo matenek mai ita. Uza Nia liafuan nee hodi hanorin malu i foo hanoin ba malu. Hananu kanta oi-oin, hanesan hosi livru Salmus, kanta espiritual, ho hananu seluk nebee hodi adora Maromak. Hananu hodi agradese ba Maromak ho laran tomak.

Kolose 3:16 Iomraidhean Croise

Mateus 26:30

Hotu tiha Jesus ho Nia eskolanti sira kanta hamutuk hodi hahii Maromak. Depois sira sai hodi baa iha foho Oliveira.

Lucas 2:51

Depois Jesus fila ho sira ba Nazaré, i halo tuir sira nia hakarak. Nia inan rai buat sira nee hotu iha nia laran.

João 15:7

Maibee se imi metin nafatin ho Hau, i Hau nia Liafuan mos hela metin iha imi nia laran, maka imi bele husu saida deit ba Nai Maromak, Nia sei foo ba imi.

Roma 10:17

Nunee, ema bele fiar deit liu hosi rona Novidade Diak kona ba Kristu. I para rona, tenki iha ema ruma mai foo sai ba sira.

Roma 15:14

Maun-alin sira, hau fiar katak imi nia laran diak teb-tebes, imi komprende ona buat barak, i imi bele ona hanorin malu.

1 Korintu 14:15

Entaun diak liu oinsaa? Hau sei uza hau nia espiritu ho kakutak hotu hodi halo orasaun. Hau sei harohan ho hau nia espiritu, i hau mos harohan ho liafuan nebee mak hau hatene. Hau sei kanta ba Maromak ho hau nia espiritu, i hau mos kanta uza hau nia kakutak.

1 Korintu 14:26

Entaun maun-alin sira, diak liu oinsaa? Bainhira imi sarani sira halibur hamutuk, imi ida-idak tenki uza kbiit nebee Maromak foo. Balu kanta, balu hanorin, balu hatoo buat nebee Maromak foo sai ba sira, balu koalia lian nebee la iha ema ida hatene, i balu tan sai durbasa. Buat sira nee hotu imi tenki halo hodi hametin sarani sira nia fiar.

Efezu 1:17

ba Maromak. Nia mak ita nia Nai Jesus Kristu nia Aman Maromak. Nia mak ita nia Aman, i Nia boot teb-tebes. Hau husu atu Nia haraik Nia Espiritu ba imi, para loke imi nia neon i hatudu Maromak ba imi para imi bele konhese Nia diak liu tan.

Efezu 5:17

Keta beik-teen, maibee hakaas aan atu komprende saida mak Nai Jesus hakarak.

Efezu 5:19

Bainhira imi koalia ba malu, imi temi liafuan hosi livru Salmus, kanta muzika espiritual sira, no kanta sira seluk nebee hodi adora Maromak. Bainhira imi hananu, kanta ho fuan-laran tomak ba Nai Maromak.

Efezu 5:26

para halo sira moris ho laran moos. Kristu halo nunee para sira sai moos iha Maromak nia futar oin, tanba sira rona Nia liafuan, nebee hanesan bee hodi fasi halo moos.

Kolose 1:28

Ami sempre foo hatene ba ema iha fatin-fatin kona ba Kristu. Ho matenek hotu nebee Maromak foo, ami hanorin sira i foo hanoin ba sira. Ami halo nunee, para ema hotu-hotu nebee fiar ba Kristu bele sai forti liu tan i moris loos, atu aban-bainrua sira bele hamriik iha Maromak nia futar oin.

Kolose 1:9

Tanba nee, hahuu hosi loron primeiru nebee ami rona kona ba imi, ami halo orasaun bebeik ba imi. Ami husu ba Nai Maromak atu foo ba imi matenek espiritual no konhesimentu kompletu nebee loos tuir Maromak nia hakarak.

Kolose 4:6

Bainhira imi koalia, sempre uza liafuan midar nebee monu ba ema nia laran. Nunee se ema ruma husu pergunta ba imi, imi bele hataan ho diak.

1 Tesalonika 1:8

Tan Maromak nia Novidade Diak namkari ona hosi imi iha Tesalónika too iha Masedónia ho Akaia. Laos nee deit. Maibee ema iha fatin-fatin mos hatene ona kona ba imi nia fiar ba Nai Maromak. Nunee ami la presiza konta tan.

1 Tesalonika 4:18

Nee duni, foo hanoin ba malu kona ba Nai Jesus nia Liafuan sira nee, hodi hametin imi ida-idak nia laran.

2 Tesalonika 3:15

Mas la bele konsidera nia hanesan inimigu, maibee foo hanoin ba nia hanesan imi nia maun-alin rasik.

1 Timóteo 6:17

Hatete ba ema riku sira iha mundu nee para sira la bele foti aan, i la bele laran metin ba sira nia rikusoin. Tan rikusoin sira nee hotu loron ida sei mohu. Hatete ba sira para laran metin ba Nai Maromak. Tan Nia mak foo buat hotu-hotu mai ita too res-resin, atu ita bele moris haksolok.

2 Timóteo 3:15

Komesa o sei kiik, o hatene ona Livru Sagradu. Liu hosi Maromak nia liafuan, ita hatene katak, Maromak salva ita bainhira ita fiar ba Kristu Jesus.

Tito 3:6

Tanba Jesus Kristu salva ona ita, Nai Maromak foo Nia Espiritu Santu hotu mai ita.

Tiago 1:5

Se iha imi ruma presiza matenek, husu ba Maromak maka Nia sei foo. Tan Maromak sei foo ba ema hotu-hotu ho laran luak.

Tiago 3:17

Maibee matenek nebee mai hosi Maromak mak nee: moos, lori dame, laran maus, konsidera ema seluk, laran diak, foo fuan diak, gosta ajuda ema, la haree ba ema boot ka kiik, i la finjidu.

Tiago 5:13

Se hosi imi, ema balu hetan terus oi-oin, sira tenki halo orasaun. Se ema balu haksolok, sira tenki kanta hodi hahii Nai Maromak.

1 João 2:14

Hau nia oan doben sira, hau hakerek ba imi tanba imi konhese ita nia Aman Maromak. Inan-aman sira, hau hakerek ba imi tanba imi konhese ona Ema ida nebee iha hori uluk kedas. Joven sira, hau hakerek ba imi tanba imi forti no moris tuir Nai Maromak nia liafuan, i halakon tiha aat nain.

1 João 2:24

Tanba nee, kaer metin nafatin lia loos nebee imi rona ona hori uluk. Se imi halo nunee, imi neon ida laran ida nafatin ho Aman Maromak ho mos nia Oan.

1 João 2:27

Maibee imi simu ona Nai Maromak nia Espiritu, i Nia Espiritu hela nafatin ho imi. Nunee imi la presiza mestri seluk atu hanorin imi, tanba Nia Espiritu rasik mak hanorin imi kona ba buat hotu-hotu, i saida mak Nia hanorin nee loos hotu, ida mos la sala. Entaun imi tenki moris laran ida nafatin ho Jesus Kristu tuir Nia Espiritu hanorin ona ba imi.

2 João 1:2

Hau hadomi imi tanba lia loos nee moris ona iha ita hotu nia laran, i lia loos nee sei metin nafatin iha ita too tinan ba tinan.

Apokalipse 14:3

Ema rihun atus ida haat-nulu resin haat nee hamriik hela iha Nai Maromak nia kadeira ukun nia oin ho animal moris haat ho katuas lia nain rua-nulu resin haat nee nia oin. Ema sira nee hananu kanta foun ida. Kanta nee ema seluk la hatene, so ema sira nee mak hatene, tanba hosi mundu tomak, sira nee mak Maromak sosa kotu tiha ona.

Apokalipse 15:3

Sira hotu hananu kanta ida hosi Nai Maromak nia atan Moisés ho Bibi Oan nunee: “Nai Maromak Forsa teb-tebes, buat hotu-hotu nebee mak Ita Boot halo makaas teb-tebes, halo ema admira! Ita Boot mak nasaun hotu-hotu nia Liurai, Ita Boot halo saida deit sempre loos.

Apokalipse 19:10

Tuir mai hau hakneak i hakruuk too rai iha anju nee nia oin atu adora nia, maibee nia bandu dehan, “La bele! Adora mak Maromak deit! Tanba hau nee Maromak nia atan hanesan mos o ho o nia maluk sira seluk nebee foo sai nafatin Jesus nia hanorin. Tanba ita hotu hetan kbiit hosi Maromak nia Espiritu para ita foo sasin kona ba Jesus.”

Apokalipse 5:9

Sira hotu hananu kanta foun ida hanesan nee: “Ita Boot mak serve simu livru lulun nee hodi loke nia karimbu fatin, tanba ema oho tiha ona Ita Boot. Hodi Ita Boot nia raan, Ita Boot sosa kotu ona ema sira nee hosi suku, lian, povu ho nasaun hotu-hotu para sai Nai Maromak nia povu.