Kolose 3:12 - Biblia Tetun Dili

¹² Nai Maromak hadomi teb-tebes imi i hili ona imi sai Nia povu hodi entrega imi nia moris tomak ba Nia. Nee duni imi tenki sai ema nebee laran diak, ajuda ema iha susar nia laran, haraik aan, laran maus, no pasiensia.

Kolose 3:12 Iomraidhean Croise

Mateus 24:22

Se Maromak la habadak tempu terus nee, la iha tan ema ida mak moris. Maibee Nai Maromak hadomi ema sira nebee Nia hili tiha ona nee, maka Nia sei habadak tempu terus nee.

Mateus 24:24

Tanba ema sei mai bosok imi dehan sira mak Kristu ka sira Maromak nia profeta. Sira sei hatudu sinal oi-oin no milagre sira nebee halo ema admira. Nunee sira bele lohi ema barak para lao sala dalan. Too ema nebee Maromak hili ona mos sira hakarak bosok hotu.

Mateus 24:31

I Hau sei haruka Hau nia anju sira huu korneta ho lian makaas i sira sei ba halibur ema sira nebee mak Maromak hili tiha ona, hosi lorosae too loromonu, hosi tasi feto too tasi mane.”

Marcos 13:20

Se Nai Maromak mak la halo badak tempu terus nee, la iha tan ema ida atu moris. Maibee tanba Nia hadomi Nia ema sira nebee Nia hili ona, nunee Nia habadak tempu terus nee.

Marcos 13:22

Tanba ema sei mai gaba aan, dehan, ‘Hau mak Kristu!’ Iha seluk tan dehan, ‘Hau Nai Maromak nia profeta nebee tatoli Nia liafuan. Imi rona mai!’ Sira sei halo milagre oi-oin ho diabu nia forsa hodi bosok ema. Sira mos sei tenta Nai Maromak nia ema para sira bele monu.

Marcos 13:27

I Hau sei haruka Nai Maromak nia anju sira hosi lalehan baa halibur ema hotu-hotu nebee Hau hili tiha ona, hosi mundu tomak. Hosi rai ulun too rai ikun, hosi loro-sae too loro-monu, hosi tasi feto too tasi mane.”

Lucas 1:78

tanba ita nia Maromak nee laran diak teb-tebes. Nee mak loro matan sae dadauk, lori naroman hosi lalehan tuun mai ita,

Lucas 18:7

Too ikus, nia tulun duni feto faluk nee. Saa tan Nai Maromak! Ema nebee Maromak hili ona, sira loron-kalan harohan husu tulun ba Nia. Nia sei tesi sira nia lia ho loloos, i sei la demora.

Roma 1:7

Hau haruka surat nee ba imi. Maromak hadomi imi, i hili ona imi sai Nia povu santu. Hau harohan para ita nia Aman Maromak ho mos ita nia Nai Jesus Kristu hatudu Sira nia grasa ba imi, no foo paz ho hakmatek ba imi.

Roma 13:14

Maibee imi tenki moris hanesan Nai Jesus Kristu nia moris. I la bele hanoin tan atu halo tuir imi nia hakarak aat.

Roma 9:11

Molok labarik sira nee moris, sira seidauk halo buat diak ka buat aat, maibee Maromak hatete ona ba Rebeca, “Maun sei serbii ba nia alin.” Nee hatudu katak, bainhira Maromak hili ema ida, Nia la haree ba ema nee nia hahalok, maibee Nia hili tuir Nia planu rasik.

1 Korintu 13:4

Domin nee pasiensia, domin nee laran diak, domin la laran moras ba ema, domin la gaba aan, domin la foti aan.

2 Korintu 6:6

Ami moris ho laran moos, iha matenek hosi Maromak, iha pasiensia, halo diak ba ema, sadere ba Espiritu Santu, i hadomi ema ho laran.

Galasia 5:6

Nunee, se ita laran ida ho Kristu Jesus, ita sunat ka la sunat, nee la importante ida. Importante mak nee: ita fiar ba Kristu, i hatudu fiar nee liu hosi hadomi ema seluk.

Efezu 1:4

Molok Nai Maromak halo mundu, Nia hili tiha ona ita sai Kristu nia ema no Nia hadomi ita. Nia hakarak atu ita moris santu no laran moos iha Nia futar oin, i la iha sala.

Efezu 4:2

Imi tenki moris haraik aan, laran maus, pasiensia ba malu, i hadomi malu. Se ema ruma halo sala hasoru imi, lalika tau moruk nee iha fuan-laran.

Efezu 4:24

Nia halo ona imi sai ema nebee moris foun, tuir Maromak halo ona ita, para imi moris loos ho laran moos.

Efezu 4:32

Maibee imi tenki hadomi malu, i halo diak ba malu. Imi tenki foo perdaun ba malu, hanesan Nai Maromak mos foo ona perdaun ba imi liu hosi Kristu nia mate.

Filipi 1:8

Nai Maromak rasik hatene katak, hau hakarak teb-tebes atu haree imi, i hau hadomi imi hanesan Kristu Jesus hadomi imi.

1 Tesalonika 5:15

La bele selu aat ho aat. Maibee sempre hakaas aan atu halo diak ba ema kristaun sira ho mos ba ema hotu.

2 Timóteo 1:9

Nai Maromak mak salva ona ita, i bolu ona ita sai Nia ema para ita moris ho laran moos. Nia halo hanesan nee, laos tanba ita hatudu hahalok diak ruma. Maibee, Nia salva i bolu ita tuir Nia planu rasik, tanba Nia hakarak hatudu Nia grasa mai ita. Molok Nai Maromak halo mundu nee, Nia desidi ona atu haruka Kristu Jesus mai, para hatudu Nia grasa mai ita.

2 Timóteo 2:10

Tanba nee hau prontu simu terus hotu-hotu, para ema sira nebee Maromak hili ona bele fiar ba Kristu Jesus i hetan salvasaun. I Nai Maromak sei foti aas sira too tinan ba tinan.

Tito 1:1

Tito mak hau hadomi. Surat nee hosi hau, Paulo, Nai Maromak nia atan ho Jesus Kristu nia apostolu. Nai Maromak haruka hau tau matan ba ema sira nebee Nia hili ona hodi sai Nia povu, para sira bele fiar metin liu tan ba Nia. Maromak mos haruka hau hanorin lia loos ba sira atu sira hatene moris tuir Nia hakarak.

2 Pedro 1:10

Nee duni maun-alin sira, sai badinas liu tan para hahalok diak sira nee buras iha imi nia moris. Hahalok nee hatudu katak Maromak hili tiha ona imi i bolu tiha ona imi para sai Nia ema. Se imi moris nunee, imi sei la husik imi nia fiar,

1 João 4:19

Ita hadomi Nai Maromak no ema seluk, tanba Nai Maromak hadomi uluk ita.

2 João 1:13

Nai Maromak mos hili ona senhora nia alin feto nia oan sira iha nee, sira mos hatoo kumprimentus.

Apokalipse 17:14

Sira sei halo funu kontra Bibi Oan. Maibee Bibi Oan ho Nia povu sei manaan, tanba Bibi Oan nee mak nai hotu-hotu nia Nai, ho liurai hotu-hotu nia Liurai. Nia povu nee mak ema nebee Nia hili no Nia bolu tiha ona, i sira foo laran ba Nia.”