Kolose 3:11 - Biblia Tetun Dili

¹¹ Iha moris foun nee, ita la fihir ona ema. Atu ema Judeu ka laos Judeu, sunat ka la sunat, ema lao rai ka ema fuik, atan ka livre, buat sira nee la importante. Maibee importante mak Kristu. I Kristu hela iha ita ida-idak nia laran.

Kolose 3:11 Iomraidhean Croise

João 14:23

Jesus hataan, “Ema nebee hadomi Hau, nia sei halo tuir Hau nia Liafuan. Hau nia Aman mos hadomi nia. I Hau ho Hau nia Aman sei mai moris hamutuk laran ida ho nia.

João 15:5

Hau hanesan ai uvas huun ida. Imi hanesan nia sanak. Ema nebee metin nafatin ho Hau, no Hau mos metin ho nia, nia hanesan sanak nebee foo fuan barak. Tanba, se imi la metin nafatin ho Hau, imi la bele halo buat diak ida.

João 17:23

Hau hamutuk ho sira hanesan Ita Boot hamutuk ho Hau. Sira tenki moris laran ida. Se sira moris laran ida hanesan nee, ema seluk iha mundu nee sei hatene dehan, Aman hadomi sira hanesan Aman hadomi Hau. Nunee sira mos hatene dehan, Aman mak haruka Hau mai.

Apostolu sira nia Istoria 15:17

Ho nunee, ema hosi nasaun sira seluk mos sei mai buka no hasoru Hau nudar sira nia Nai. Hau mos hili ona sira nebee laos judeu hodi sai Hau nia ema. Nee mak Maromak nia liafuan i Nia koalia nunee hori uluk kedas.’ ”

Apostolu sira nia Istoria 28:2

Ema rai nain sira simu ami ho diak. Tanba udan boot ho rai mos malirin teb-tebes, nee mak sira tau ahi iha tasi ibun, ba ami haneruk.

Apostolu sira nia Istoria 28:4

Bainhira ema rai nain sira haree samodok nee tata belit hela iha Paulo nia liman, sira dehan ba malu, “Ema ida nee karik ema oho door ida. Nee mak nia sai ona hosi tasi siak, maibee ita nia maromak ida nebee Justisa nain la husik liu nia.”

Roma 1:14

Hau iha obrigasaun atu foo sai Novidade Diak ba ema hotu-hotu: atu ema gregu ka laos ema gregu, atu ema matenek ka ema beik.

Roma 10:12

Atu ema Judeu ka laos Judeu, hanesan deit. Tanba ita hotu iha Nai ida deit, Nia mak Nai ba ema hotu-hotu, i Nia hatudu Nia laran diak teb-tebes ba see-see deit mak husu tulun ba Nia.

Roma 3:22

Dalan mak nee: See mak fiar ba Jesus Kristu, Maromak simu nia hodi deklara katak nia moris loos ona. Atu nia ema Judeu ka laos Judeu, Maromak la haree ba ida nee.

Roma 3:29

Maromak nee ema Judeu nia Maromak deit ka? Lae! Nia mos nasaun hotu-hotu nia Maromak.

1 Korintu 12:13

Ita hotu Maromak kesi metin ho Espiritu ida. Nee mak bainhira ita sarani, ita sai povu ida deit. Atu ita ema Judeu ka gregu, ema atan ka ema livre, Maromak foo Espiritu ida deit mai ita hotu. Nee hanesan ita hotu hemu bee nebee lori moris hosi bee matan nebee hanesan.

1 Korintu 14:11

Maibee se hau la komprende signifikadu hosi lian nee, ami nain rua sai ema hanesan ema estranjeiru ba malu.

1 Korintu 7:19

Tanba sunat ka la sunat, nee la importante. Importante mak ita halo tuir Maromak nia ukun fuan.

Galasia 2:20

Bele dehan, hanesan hau mate tiha ona iha krus hamutuk ho Kristu. Agora laos hau mak moris tan, maibee Kristu mak moris iha hau. I hau moris iha mundu nee, hau fiar deit ba Nai Maromak nia Oan. Nia hadomi teb-tebes hau, too foo nia Aan ba mate iha hau nia fatin.

Galasia 5:6

Nunee, se ita laran ida ho Kristu Jesus, ita sunat ka la sunat, nee la importante ida. Importante mak nee: ita fiar ba Kristu, i hatudu fiar nee liu hosi hadomi ema seluk.

Efezu 1:23

Kristu mak Ulun, i ita sarani sira hanesan Nia isin lolon. Ita simu ita nia moris tomak hosi Kristu, nunee mos Kristu foo moris ba buat hotu-hotu iha lalehan ho rai.

Efezu 2:14

Uluk ami ema Judeu ho imi nebee laos Judeu odi malu; nee hanesan muru ida haketak ita. Maibee agora Kristu rasik halo ita dame malu ona. Liu hosi Nia mate, Nia halo rahun tiha muru nee hodi halo ita hotu sai povu ida.

Efezu 2:15

Uluk, lei relijiaun Judeu ho nia regra bar-barak haketak ema Judeu hosi ema nebee laos Judeu. Maibee ho Kristu nia mate, Nia hakotu lei no regra sira seluk nee, atu nunee ema Judeu ho ema nebee laos Judeu hamutuk laran ida ho Nia. Ho nunee Kristu halo povu rua nee sai povu ida nebee moris iha dame nia laran.

Efezu 3:17

Hau harohan atu Jesus Kristu hela metin iha imi nia laran, liu hosi fiar ba Nia. Hau mos halo orasaun para imi metin iha Nia domin hanesan ai huun nebee hamriik metin tanba nia abut tama klean ba rai.

Efezu 3:6

Segredu nee mak nee: se ema nebee laos Judeu fiar ba Maromak nia Novidade Diak, entaun sira sei simu bensaun nebee Maromak foo ba Nia oan sira, hanesan mos Nia foo ema Judeu. Sira ho ema Judeu hamutuk sai povu ida. Nee hanesan sira halo parte iha isin lolon ida deit. I sira simu mos buat nebee Maromak promete ona ba Nia povu tanba sira laran ida ho Kristu Jesus.

Efezu 6:8

Keta haluha katak, atu atan ka ema livre, aban-bainrua Nai Maromak sei selu ema nebee halo buat diak.

Kolose 2:10

I tanba imi moris laran ida ho Kristu, entaun imi nia moris espiritual la falta buat ida. Tanba Nia mak boot liu nai ulun ho espiritu boboot sira hotu nebee kaer ukun.

1 João 5:20

Ita hatene katak Maromak nia Oan mai ona, i Nia loke ona ita nia neon para ita bele konhese Ida nebee mak loos. Ita laran ida ona ho Ida nebee mak loos, ita mos laran ida ho Nia Oan Jesus Kristu. Nia mak Maromak loloos, i Nia mak moris rohan-laek.

2 João 1:9

Ema nebee sees ona hosi Kristu nia hanorin, nia la laran ida ona ho Nai Maromak. Maibee ema nebee kaer metin ba Kristu nia hanorin, nia laran ida ho Nai Maromak no ho nia Oan Jesus Kristu.