Kolose 3:1 - Biblia Tetun Dili

¹ Nai Maromak halo imi moris fali ona hamutuk ho Kristu. Agora Kristu tuur iha lalehan, iha Nai Maromak nia sorin loos. Nee duni hanoin bebeik buat lalehan nian.

Kolose 3:1 Iomraidhean Croise

Mateus 22:44

‘Nai Maromak hatete ona ba hau nia Nai, dehan, “Mai tuur iha Hau nia sorin loos, too Hau hamonu O nia inimigu sira iha O nia ain okos.’ ”

Mateus 26:64

Jesus hataan, “Loos duni, hanesan ita dehan nee. Maibee Hau hatete ba imi, aban-bainrua imi sei haree Hau, Ema Oan tuur iha Maromak Forsa Teb-tebes nia sorin loos. I imi sei haree Hau tuun mai hosi lalehan iha kalohan laran.”

Mateus 6:20

Diak liu halibur rikusoin iha lalehan. Iha nebaa, nehek mutin la haan, la ferujen, i naok-teen mos la naok.

Mateus 6:33

Nunee buka uluk reinu Maromak nian no Nia justisa maka buat sira nebee imi presiza, Nai Maromak sei foo ba imi.

Marcos 12:36

Tanba hori uluk Nai Maromak nia Espiritu Santu uza liurai David hodi hakerek nunee: ‘Nai Maromak hatete ona ba hau nia Liurai dehan, “Mai tuur iha Hau nia sorin loos, fatin ema boot nian. Hau sei halo o nia inimigu sira, hakruuk ba o.’ ”

Marcos 14:62

Jesus hataan, “Loos duni! Hau mak Kristu. Imi sei haree Hau, Ema Oan, tuur iha Nai Maromak nia liman loos. Nia kbiit makaas teb-tebes. Tuir mai, Hau sei tuun hosi lalehan ho kalohan.”

Marcos 16:19

Jesus koalia tiha hotu, Nai Maromak hasae Nia ba lalehan. Nia tuur iha Nai Maromak nia liman kuana para Sira nain rua ukun hamutuk.

Lucas 12:33

Entaun, baa faan tiha sasaan nebee imi iha i fahe osan nee ba ema kiak sira. Nunee imi rai fali rikusoin iha lalehan, para bele dura. Iha nebaa, imi nia rikusoin sei la hotu, naok-teen la besik, i barata mos la haan.

Lucas 20:42

uluk liurai David rasik hakerek iha livru Salmus dehan, ‘Nai Maromak hatete ona ba hau nia Nai, dehan, “Mai tuur iha Hau nia sorin loos,

Lucas 22:69

Maibee komesa agora, Hau, Ema Oan tuur ona iha Nai Maromak Forsa Teb-tebes nia sorin loos.”

Apostolu sira nia Istoria 2:34

David rasik la sae ba lalehan, maibee nia hakerek kona ba Jesus dehan, ‘Nai Maromak hatete ba hau nia Nai dehan, “Tuur iha Hau nia sorin loos iha fatin aas,

Apostolu sira nia Istoria 7:55

Maibee Espiritu Santu domina Estevão. I nia foti matan hateke ba lalehan, nia haree Nai Maromak nia naroman nabilan, i Nai Jesus hamriik hela iha Nai Maromak nia liman loos.

Roma 8:34

Entaun see mak foo kastigu mai ita? La iha! Tanba Kristu Jesus mate ona ba ita, maibee laos nee deit, Nia moris fila fali ona, i agora Nia tuur iha Maromak nia sorin loos hodi defende ita.

Roma 8:6

Se o nia hakarak domina o nia hanoin, maka o sei mate tinan ba tinan. Maibee se Maromak nia Espiritu mak domina o nia hanoin, nunee o sei moris i o nia laran sei hakmatek.

2 Korintu 4:18

Nunee ami la hateke ba buat nebee mak ami haree ho matan, tanba buat sira nee sei nabeen hotu. Ami so hateke ba buat nebee ami nia matan la haree, tanba buat sira nee mak la iha rohan.

Efezu 4:10

Ida nebee tuun mai nee, Nia duni mak sae fila fali ba lalehan, iha fatin nebee aas liu hodi ukun buat hotu-hotu iha lalehan ho rai. Nia nee mak Kristu.

Efezu 5:22

Imi feen sira, hakruuk ba imi nia laen, hanesan mos imi hakruuk ba Nai Jesus.

Kolose 2:20

Imi mate tiha ona hamutuk ho Kristu. Nunee imi livre ona hosi espiritu aat mundu nian nebee la domina ona imi. Entaun, nusaa mak imi tuir nafatin sira nia regra sira nee? Hanesan:

Kolose 3:2

Foo atensaun bebeik ba buat lalehan nian, la bele preokupa ho buat nebee iha mundu.

Ebreu 1:13

Nai Maromak dehan tan ba Nia Oan nunee: “Mai tuur iha Hau nia sorin kuana too Hau halo O nia inimigu sira taka rabat iha O nia ain okos.” Maibee Nai Maromak nunka koalia nunee ba Nia anju sira.

Ebreu 1:3

Maromak nia Oan hanesan loloos Maromak, Nia hatudu sai Maromak nia kbiit ho naroman nabilan nian, i Nia liafuan iha kbiit boot. Ho Nia liafuan nee Nia tane nafatin buat hotu-hotu iha lalehan ho iha rai. Nia mak loke dalan para Maromak bele hamoos ema nia sala. Hotu tiha Nia sae ba lalehan hodi tuur iha Maromak Aas Liu nia sorin kuana.

Ebreu 10:12

Maibee Kristu foo Nia Aan sai sakrifisiu dala ida deit hodi hamoos ita nia sala, nebee vale too tinan ba tinan. Hotu tiha, Nia baa tuur iha Nai Maromak nia sorin kuana.

Ebreu 12:2

Ita tenki hateke deit ba Jesus, tanba ita nia fiar mai hosi Nia, i Nia mak halo ita nia fiar sai metin too rohan. Bainhira Jesus terus iha krus, Nia aguenta ho pasiensia i la interese katak mate iha krus nee moe boot ida, tanba Nia hatene katak, Maromak sei halo Nia laran haksolok. I sai nunee duni. Agora Jesus tuur hela iha Nai Maromak nia sorin kuana.

Ebreu 8:1

Buat nebee ohin ita koalia nee, importante liu mak nee: Agora ita iha ona Nai-Lulik Boot nebee diak liu, Nia tuur hela iha Nai Maromak nia sorin kuana iha lalehan hodi kaer ukun.

1 Pedro 3:22

Agora Nia sae tiha ona ba lalehan tuur iha Nai Maromak nia sorin loos. I anju sira ho autoridade sira nebee kaer ukun, hotu-hotu hakruuk ba Nia.