Kolose 2:8 - Biblia Tetun Dili

⁸ Kuidadu! La bele monu tuir ema nebee bosok imi para lao sees fali hosi dalan loos. Tanba sira nia hanorin nee la huun la dikin, so mai deit hosi matenek ema nian ho regra mundu nian, laos mai hosi Kristu.

Kolose 2:8 Iomraidhean Croise

Mateus 10:17

Maibee kuidadu, tanba ema sei mai kaer imi hodi lori imi ba iha tribunal relijiaun nian. Sira sei baku imi ho sikoti iha sira nia uma kreda laran.

Mateus 16:6

Depois Jesus hatete ba sira, “Matan moris neon nain! Hadook aan hosi ema Farizeu ho Saduseu sira nia fermentu.”

Mateus 7:15

“Kuidadu ho ema nebee bosok dehan, sira Maromak nia profeta. Sira finji maus hanesan bibi malae, maibee tuir loloos sira nee hanesan asu fuik.

Apostolu sira nia Istoria 17:18

Paulo mos debate ho matenek nain sira hosi grupu rua, grupu ida naran Epikurus i ida naran Stoa. Bainhira nia koalia kona ba Jesus dehan Nia moris fali ona hosi mate, iha ema balu dehan, “Keta baa rona ema regador nee!” Balu tan hatete, “Nia hakarak obriga ita adora ema rai seluk nia maromak.”

Apostolu sira nia Istoria 17:32

Bainhira sira rona Paulo dehan, ema mate ida moris fila fali, balu goza nia. Maibee iha ema balu hatete ba Paulo, “Loron seluk ami sei hakarak rona tan kona ba buat nee.”

Roma 16:17

Maun-alin sira, hau husu atu imi kuidadu teb-tebes ho ema sira nebee kontra fali hanorin nebee imi simu tiha ona. Sira nee hakarak halo imi sarani sira fahe malu i halo imi nia fiar nakdoko. Nunee hadook aan hosi ema sira hanesan nee.

1 Korintu 10:12

Entaun se imi hanoin dehan imi hamriik metin, kuidadu atu imi la bele monu.

1 Korintu 8:9

Maski nunee, kuidadu. O livre atu haan naan saida deit, maibee keta halo be o uza o nia liberdade nee hodi sai fatuk sidi ba o nia maluk sarani nebee sei laran rurua.

2 Korintu 10:5

Ema nebee foti aan hasoru Maromak, ami sobu rahun tiha sira nia hanorin falsu nebee halo ema la konhese Maromak. Ami halakon tiha hanoin hotu-hotu nebee la loos, para halo tuir deit Kristu nia hakarak.

Galasia 1:14

Hau foo neon ho laran tomak hodi estuda relijiaun Judeu nian i halo tuir, liu fali ema Judeu sira seluk nebee idade hanesan hau. Hau mak badinas liu halo tuir ita nia bei-ala sira nia tradisaun ho lei relijiaun hotu.

Galasia 4:3

Nunee mos ho ita. Bainhira Jesus seidauk mai, ita mos hanesan labarik nee. Ita sei hakruuk ba mundu nia hakarak, hanesan atan.

Galasia 4:9

Maibee agora, imi konhese ona Nai Maromak. (Tuir loloos hau dehan, Nai Maromak mak konhese uluk imi.) Entaun nusaa mak imi hakarak fila fali baa tuir espiritu mundu nian, maski espiritu nee fraku, i la bele salva ita. Imi hakarak hakruuk fali ba buat sira nee hodi sai fali atan ka?

Galasia 5:15

Maibee se imi hatuun malu i haan malu hela deit, mak imi sei haree. La kleur, imi sei rahun hotu.

Efezu 2:2

Iha tempu nebaa imi moris tuir mundu nia hakarak, i tuir mos diabu nia hakarak. Diabu mak ukun espiritu aat sira, i nia mak agora serbisu hela iha ema sira nebee lakohi tuir Nai Maromak.

Efezu 4:20

Maibee bainhira imi aprende kona ba Kristu, imi nunka aprende atu moris aat hanesan nee!

Efezu 5:6

Karik ema ruma bosok imi dehan sala sira nee la iha buat ida, keta fiar. Tanba hahalok aat sira nee halo Maromak hirus teb-tebes hodi kastigu ema nebee la tuir Nia hakarak.

Filipi 3:2

Kuidadu ho asu sira nee. Kuidadu ho ema sira nebee halo buat aat no kuidadu ho ema sira nebee dehan, sunat mak foin Maromak simu ita.

Kolose 2:18

Se ema ruma kritika imi tanba imi la tuir regra nebee sira rasik mak halo, lalika rona. Sira hanorin dehan, ita tenki haraik aan hodi adora fali anju. Keta tuir! Se lae imi sei la simu prémiu nebee Nai Maromak promete tiha ona atu foo ba imi. Ema sira nee hatete, vizaun mak hatudu regra nee ba sira, i sira foti aan dehan, sira diak liu ema seluk. Maibee lae. Sira inventa deit tanba sira nia hanoin tuir deit mundu nia hanoin.

Kolose 2:20

Imi mate tiha ona hamutuk ho Kristu. Nunee imi livre ona hosi espiritu aat mundu nian nebee la domina ona imi. Entaun, nusaa mak imi tuir nafatin sira nia regra sira nee? Hanesan:

Kolose 2:22

Regra sira nee, ema mak halo i ema mak hanorin, maibee so koalia deit kona ba sasaan nebee ita uza i la kleur aat ona.

Kolose 2:23

Se ema bele tuir regra sira nee, sira hanoin dehan ema respeita no konsidera sira nudar ema matenek, badinas adora Maromak, haraik aan no halo terus nia aan rasik. Afinal lae! Regra sira nee la iha kbiit hodi muda ema nia hanoin aat no fuan-laran nebee hakarak buat aat.

1 Timóteo 6:20

Timóteo, kuidadu didiak knaar nebee Nai Maromak tau ona iha o nia kabaas. Hadook aan hosi ema sira nebee koalia la huun la dikin, i kontra Nai Maromak nia Liafuan. Sira gaba aan dehan matenek, maibee tuir loloos lae. Lalika diskuti malu ho sira.

2 Timóteo 3:13

Maibee ema aat ho ema bosok-teen sira sei sai aat ba bebeik. Sira bosok halo ema barak monu, afinal ema mos bosok sira.

Ebreu 13:9

Nunee se ema ruma hanorin buat falsu oi-oin, keta halo tuir hodi sees hosi dalan loos. Atu hametin imi nia laran, imi tenki depende ba Maromak nia grasa. La bele depende fali ba regra kona ba haan-hemu, tanba regra sira nee la iha folin mai ita.

Ebreu 3:12

Nunee maun-alin sira, matan moris neon nain! Kuidadu para imi la halo sala iha imi nia laran i la fiar metin ba Nia too fila kotuk ba Maromak nebee Moris.

1 Pedro 1:18

Uluk imi moris tuir dalan nebee mak imi nia bei-ala sira hatudu hela ba imi, i dalan nee la iha folin. Maibee imi hatene katak Kristu selu kotu ona hodi hasai imi hosi imi nia moris ida uluk nee. Nia laos selu imi nia moris nee ho buat ruma nebee too ikus sei mohu, hanesan osan mean ka osan mutin.

2 Pedro 3:17

Maluk doben sira, imi hatene tiha ona buat sira nee. Nee duni, kuidadu! Mestri falsu sira nee kontra buat nebee mak loos. Kuidadu para sira la bele lori imi ba dalan nebee sala. Tanba imi hamriik metin ona, maibee se imi tuir sira, imi sei monu.

2 João 1:8

Kuidadu didiak, keta rona ema sira nee, maibee kaer metin lia loos, para aban-bainrua Maromak bele foo premiu ba imi. Se lae, ami nia serbisu ba imi mos saugati deit.