Kolose 2:7 - Biblia Tetun Dili

⁷ Fiar metin nafatin ba Nia, hanesan ai huun nebee abut tama klean ba rai, i hanesan uma nebee ema harii dadauk ho riin nebee forti. Kaer metin nafatin hanorin nebee imi simu ona, i sempre agradese ba Nai Maromak.

Kolose 2:7 Iomraidhean Croise

Lucas 6:48

ema nebee harii uma forti ida. Nia kee rai halo klean hodi hatama ai riin ba, i tau tan fatuk hodi halo metin. Nunee bainhira mota boot tama i bee baku makaas mos, uma nee la nakdoko, tanba nia riin metin.

Roma 16:25

Hahii ba Nai Maromak! Nia mak iha kbiit hodi halo ita sai forti, liu hosi Novidade Diak nebee hau foo sai ona kona ba Jesus Kristu. Hori uluk liu, ema la hatene Maromak nia planu kona ba Kristu, tanba sei segredu hela.

1 Korintu 1:8

Maromak sei hametin imi nia fiar too rohan. Nunee, bainhira ita nia Nai Jesus Kristu fila fali mai hodi tesi ema hotu-hotu nia lia, la iha ema ida sei foo sala ba imi.

1 Korintu 15:58

Nunee, maun-alin doben sira, hamriik metin nafatin. La bele nakdoko. Halao nafatin Nai Jesus nia serbisu ho laran tomak. Tanba imi hatene katak, imi nia serbisu makaas ba ita nia Nai la saugati.

2 Korintu 1:21

Maromak mak halo ami ho imi hamriik metin hodi tuir Kristu. Nia foo unsaun mai ita i foti ita sai Nia ema.

Efezu 3:17

Hau harohan atu Jesus Kristu hela metin iha imi nia laran, liu hosi fiar ba Nia. Hau mos halo orasaun para imi metin iha Nia domin hanesan ai huun nebee hamriik metin tanba nia abut tama klean ba rai.

Efezu 4:21

Tanba hau hatene katak, ema nebee uluk hanorin imi kona ba Kristu, hanorin buat nebee mak loos.

Efezu 5:20

Iha situasaun saida deit, sempre agradese ba Aman Maromak ba buat hotu-hotu hodi ita nia Nai Jesus Kristu nia naran.

Kolose 1:23

Naran katak imi hamriik metin hodi fiar nafatin. Keta nakdoko, maibee laran metin nafatin katak Maromak halo tuir duni buat nebee Nia promete ona iha Nia Novidade Diak. Novidade Diak nee, ema foo sai ona iha fatin-fatin deit iha mundu nee. I hau, Paulo, mos simu knaar para foo sai Novidade nee.

Kolose 3:17

Imi halo saida deit, halo hodi Nai Jesus nia naran. I imi koalia saida deit, koalia hodi Nia naran. Sempre foo agradese ba Aman Maromak liu hosi Nai Jesus.

1 Tesalonika 5:18

Iha situasaun saida deit, agradese ba Nai Maromak. Tan Maromak hakarak ema hotu nebee tuir Kristu Jesus halo nunee.

Ebreu 13:15

Tanba nee, mai ita hahii bebeik Nai Maromak i sempre foti aas Nia naran liu hosi Jesus. Ida nee sai hanesan ita nia sakrifisiu ba Nai Maromak, tanba ita foo sai katak Maromak mak ita nia Nai.

Ebreu 13:9

Nunee se ema ruma hanorin buat falsu oi-oin, keta halo tuir hodi sees hosi dalan loos. Atu hametin imi nia laran, imi tenki depende ba Maromak nia grasa. La bele depende fali ba regra kona ba haan-hemu, tanba regra sira nee la iha folin mai ita.

1 Pedro 5:10

Bainhira imi nia terus hotu ona, Nai Maromak rasik sei halo imi diak fila fali. Nia sei foo forsa ba imi, i halo imi hamriik metin hodi aguenta nafatin. Tanba Nia sempre hatudu Nia laran diak ba ita ema i Nia rasik mak bolu imi atu simu Nia kbiit ho naroman nabilan too tinan ba tinan, hamutuk ho Kristu.

Judas 1:12

Bainhira imi sarani sira halibur malu hodi haan-hemu hamutuk, ema sira nee mai haan hamutuk ho imi, maibee sira kaan-teen i la hatene moe. Nunee sira hanesan bibi atan nebee foo haan deit nia aan, i ida nee hanesan buat foer ida iha imi nia klaran. Sira hanesan kalohan nebee anin huu, maibee la foo udan. Sira hanesan ai nebee la foo fuan, maski too ona nia tempu. Ikus mai, ai nee toos nain fokit sai tiha hamutuk ho nia abut too mate tiha.

Judas 1:20

Maibee maluk doben sira, kaer metin ba imi nia fiar nebee loos liu. Halo orasaun ho Espiritu Santu nia tulun.

Judas 1:24

Nai Maromak forsa teb-tebes, Nia mak iha kbiit hodi kuidadu imi para imi la bele monu ba sala. Nia mak bele lori imi ba iha Nia futar oin. Tanba Nia mak halo imi moris loos, no la iha sala ida. Imi sei haksolok boot, iha Nia naroman nabilan.