Kolose 2:6 - Biblia Tetun Dili

⁶ Imi simu ona Kristu Jesus hanesan imi nia Nai. Tanba nee, imi mos tenki moris laran ida ho Nia nafatin.

Kolose 2:6 Iomraidhean Croise

Mateus 10:40

“See mak simu imi, nia simu Hau. See mak simu Hau, nia simu Ida nebee haruka Hau mai.

João 13:20

Hau nia koalia nee loos. See mak simu ho diak ema nebee Hau haruka baa nee, nia mos simu Hau. I see mak simu diak Hau, nia mos simu Ida nebee haruka Hau mai.”

João 14:6

Jesus foo hatene dehan, “Hau mak dalan, lia loos no moris. La iha ema ida mai iha Hau nia Aman, se la liu hosi Hau. Tanba Hau mak dalan mesak hodi baa Maromak, Hau mak lia loos nia huun, no Hau mak foo moris loloos ba ema.

1 Korintu 1:30

Maromak mak halo imi sai laran ida ho Kristu Jesus, i Kristu hatudu Maromak nia matenek mai ita. Nee dehan katak, Kristu halo ita diak malu ho Maromak, Nia halo ita sai ema nebee moris loos no santu, i Nia selu kotu ita nia tusan.

2 Korintu 5:7

Ita moris laos liu hosi buat nebee mak ita bele haree ho matan, maibee liu hosi ita nia fiar ba Maromak.

Galasia 2:20

Bele dehan, hanesan hau mate tiha ona iha krus hamutuk ho Kristu. Agora laos hau mak moris tan, maibee Kristu mak moris iha hau. I hau moris iha mundu nee, hau fiar deit ba Nai Maromak nia Oan. Nia hadomi teb-tebes hau, too foo nia Aan ba mate iha hau nia fatin.

Galasia 3:26

Agora imi hotu-hotu sai ona Nai Maromak nia oan, tanba imi fiar ba Kristu Jesus.

Efezu 4:1

Hau dadur hela tanba serbii ita nia Nai. Nunee hau husu boot atu imi bele moris tuir Maromak nia hakarak, tanba Nia bolu ona imi sai Nia ema.

Filipi 1:27

Bele halo nusaa mos, imi tenki moris tuir loloos Kristu nia Novidade Diak. Nunee, se hau rasik baa vizita fali imi ka rona deit hosi ema mos, hau bele hatene katak, imi hamriik metin ho neon ida laran ida. I hau bele hatene katak, imi hotu serbisu makaas para ema seluk mos fiar Kristu nia Novidade Diak nee.

Kolose 1:10

Ho nunee, imi nia moris foti aas Nai Jesus nia naran, i sempre halo haksolok Nia laran. Imi mos sei foo fuan iha imi nia serbisu nebee diak, i sei buras hodi konhese Maromak diak liu tan.

Kolose 3:17

Imi halo saida deit, halo hodi Nai Jesus nia naran. I imi koalia saida deit, koalia hodi Nia naran. Sempre foo agradese ba Aman Maromak liu hosi Nai Jesus.

1 Tesalonika 4:1

Maun-alin sira, ami husu ba imi atu moris halo haksolok Nai Maromak, tuir ami hanorin ona ba imi. Loos, imi moris tuir ona nunee, maibee tanba ita Nai Jesus nia ema, ami husu atu imi hakaas aan liu tan.

Ebreu 3:14

Ita sai ona laran ida ho Jesus Kristu, naran katak ita kaer metin nafatin ita nia fiar hosi huun too rohan.

1 João 2:6

Ema nebee dehan nia laran ida ho Kristu, nia tenki moris hanesan ho Kristu nia moris.

1 João 5:20

Ita hatene katak Maromak nia Oan mai ona, i Nia loke ona ita nia neon para ita bele konhese Ida nebee mak loos. Ita laran ida ona ho Ida nebee mak loos, ita mos laran ida ho Nia Oan Jesus Kristu. Nia mak Maromak loloos, i Nia mak moris rohan-laek.

Judas 1:3

Maluk doben sira, tuir loloos hau hakarak teb-tebes hakerek ba imi kona ba salvasaun nebee ita hotu simu ona. Maibee agora hau senti katak, hau tenki hakerek fali buat seluk hodi foo hanoin ba imi para imi bele defende fiar hotu nebee Nai Maromak foo dala ida ona ba Nia povu.