Kolose 2:4 - Biblia Tetun Dili

⁴ Hau foo hatene buat sira nee ba imi, atu ema la bele bosok imi ho liafuan midar.

Kolose 2:4 Iomraidhean Croise

Mateus 24:24

Tanba ema sei mai bosok imi dehan sira mak Kristu ka sira Maromak nia profeta. Sira sei hatudu sinal oi-oin no milagre sira nebee halo ema admira. Nunee sira bele lohi ema barak para lao sala dalan. Too ema nebee Maromak hili ona mos sira hakarak bosok hotu.

Mateus 24:4

Jesus hataan, “Matan moris neon nain para ema la bele bosok imi.

Marcos 13:22

Tanba ema sei mai gaba aan, dehan, ‘Hau mak Kristu!’ Iha seluk tan dehan, ‘Hau Nai Maromak nia profeta nebee tatoli Nia liafuan. Imi rona mai!’ Sira sei halo milagre oi-oin ho diabu nia forsa hodi bosok ema. Sira mos sei tenta Nai Maromak nia ema para sira bele monu.

Apostolu sira nia Istoria 20:30

Iha mos balu hosi imi sei hanorin la loos, atu ema husik Jesus hodi tuir deit sira.

1 Korintu 2:4

Hau nia liafuan ho hau nia hanorin simples deit. Hau la uza liafuan ema matenek nian atu dada ema, maibee kbiit Espiritu Santu nian mak hatudu ba imi katak liafuan nee loos.

2 Korintu 11:3

Agora dadaun imi tuir hela Kristu ho laran tomak. Maibee hau tauk, keta halo be ema ruma mai lohi imi para sees tiha hosi Kristu, hanesan iha tempu uluk samea lohidor mai lohi Eva.

Galasia 2:4

Maibee iha tempu nee, iha sarani balu la konkorda tanba sira nia hanorin oin seluk. Ema sira nee finju fiar ba Jesus hodi tama iha sarani sira nia leet. Sira nee obriga kristaun sira nebee laos Judeu hodi halo tuir ema Judeu nia lei relijiaun hotu. Afinal, Jesus Kristu foo ona liberdade mai ita. Nee mak ita la moris tan tuir regra sira nee, hanesan atan ba lei relijiaun Judeu.

Efezu 4:14

Entaun, ita nia fiar la nakdoko ona hanesan laloran nebee anin huu ba-mai. Ema bosok-teen mai inventa tuun-sae hanorin nebee la loos, ita la tuir, ita la monu ba sira nia lia falsu.

Efezu 4:17

Rona didiak saida mak hau hatete agora ba nee, tanba hau koalia hodi Nai Jesus nia naran. Imi la bele moris tan hanesan ema nebee la konhese Nai Maromak. Tanba sira nia hanoin arbiru deit.

Efezu 5:6

Karik ema ruma bosok imi dehan sala sira nee la iha buat ida, keta fiar. Tanba hahalok aat sira nee halo Maromak hirus teb-tebes hodi kastigu ema nebee la tuir Nia hakarak.

Kolose 2:18

Se ema ruma kritika imi tanba imi la tuir regra nebee sira rasik mak halo, lalika rona. Sira hanorin dehan, ita tenki haraik aan hodi adora fali anju. Keta tuir! Se lae imi sei la simu prémiu nebee Nai Maromak promete tiha ona atu foo ba imi. Ema sira nee hatete, vizaun mak hatudu regra nee ba sira, i sira foti aan dehan, sira diak liu ema seluk. Maibee lae. Sira inventa deit tanba sira nia hanoin tuir deit mundu nia hanoin.

Kolose 2:8

Kuidadu! La bele monu tuir ema nebee bosok imi para lao sees fali hosi dalan loos. Tanba sira nia hanorin nee la huun la dikin, so mai deit hosi matenek ema nian ho regra mundu nian, laos mai hosi Kristu.

2 Timóteo 2:16

Hadook aan hosi koalia la huun la dikin nebee kontra Nai Maromak nia liafuan. Tan ema nebee koalia hanesan nee sei dook ba bebeik hosi Maromak.

2 Timóteo 3:13

Maibee ema aat ho ema bosok-teen sira sei sai aat ba bebeik. Sira bosok halo ema barak monu, afinal ema mos bosok sira.

1 João 2:18

Oan doben sira, mundu nee besik remata ona. Uluk ami hatete tiha ona ba imi katak ema ida sei mai kontra Kristu, i agora dadauk ema barak mosu tiha ona hodi kontra Kristu. Tanba nee mak ita hatene katak mundu besik remata ona.

1 João 2:26

Hau hakerek buat sira nee para foo hanoin ba imi kona ba ema nebee hakarak bosok imi.

1 João 4:1

Maluk doben sira, se ema ruma mai dehan, nia iha Nai Maromak nia Espiritu, keta tuir lai. Imi tenki koko uluk para hatene, espiritu nebee sira iha nee mai duni hosi Nai Maromak ka lae. Tanba iha mundu nee iha profeta falsu barak ona.

2 João 1:7

Ohin loron bosok-teen barak lao lemo-lemo lori lia falsu dehan, Jesus Kristu moris iha mundu nee la hanesan ema. See mak koalia nunee, nia bosok-teen, i nia kontra Kristu.

Apokalipse 12:9

Miguel ho nia anju sira soe sai tiha samea ulun hitu nee hosi lalehan. Sira soe tiha samea nee mai mundu hamutuk ho nia anju sira hotu. Samea ulun hitu nee mak ema bolu ꞌdiabuꞌ ka ꞌSatanásꞌ. Hori uluk kedas samea nee lohi ema hotu iha mundu para lao sala dalan.

Apokalipse 13:8

Ema hotu-hotu iha mundu nee sei adora animal siak nee. So ema nebee naran hakerek ona iha lista nebee hakerek iha Livru ema moris rohan-laek nian mak la adora animal nee. Livru nee Maromak hakerek nanis ona molok Nia halo mundu. Livru nee Bibi Oan nian, Ida nebee mak ema oho.

Apokalipse 20:3

Depois anju nee soe nia ba rai kuak klean laran i xavi metin tiha para nia la bele lohi tan ema hosi nasaun hotu-hotu iha mundu. Liu tiha tinan rihun ida mak husik fali nia, maibee husik tempu la kleur.

Apokalipse 20:8

i Satanás sei sai mai lohi nasaun hotu-hotu iha mundu. Nasaun sira nee ema temi dehan, Gog ka Magog. Diabu bosok ema para sira halibur hamutuk hodi halo funu. Ema nebee mak halibur hamutuk nee barak teb-tebes, hanesan rai-henek iha tasi ibun.