Kolose 2:2 - Biblia Tetun Dili

² Hau hakaas aan nunee atu hametin imi hotu nia laran para imi hadomi malu ho neon ida laran ida. Ho nunee imi bele komprende loloos Maromak nia planu nebee uluk segredu hela, i bele laran metin katak planu nee loos duni. Maromak nia segredu mak nee: Kristu rasik.

Kolose 2:2 Iomraidhean Croise

Mateus 11:25

Iha tempu nee, Jesus agradese ba Maromak dehan, “Hau nia Aman, lalehan ho rai nia Nain, Hau agradese ba Ita Boot, tanba Ita Boot taka buat sira nee ba ema matenek ho ema eskola boot, maibee Ita Boot hatudu fali ba ema nebee kiik.

Mateus 11:27

Hotu tiha, Jesus koalia ba ema iha nebaa nunee: “Hau nia Aman foo ona kbiit ho matenek hotu-hotu mai Hau. La iha ema ida konhese diak Hau, so Hau nia Aman deit. I la iha ema ida mak konhese diak Hau nia Aman, so Oan, Hau deit. I Hau mos hili ema seluk hodi hatudu Hau nia Aman ba sira, para sira mos bele konhese Nia.

Mateus 13:11

Jesus hataan, “Uluk ema seidauk hatene, oinsaa mak Maromak ukun nudar Liurai. Agora Hau foo sai segredu Reinu lalehan nian ba imi, maibee ba ema sira nee lae.

Lucas 1:1

Senhor Teófilo mak hau respeita. Iha ema barak mak hakerek ona kona ba buat nebee mak Nai Maromak halo ona iha ami nia leet.

João 10:30

Hau ho Hau nia Aman, Ami ida deit.”

João 10:38

Maibee Hau halao Nia serbisu nafatin. Entaun maski imi la fiar Hau, maibee pelu-menus, imi fiar ba milagre sira nebee Hau halo. Nunee, imi bele komprende katak, Hau nia Aman hamutuk ho Hau, i Hau hamutuk ho Nia.”

João 16:15

Buat hotu-hotu nebee Hau nia Aman ninian, Hau nian mos. Nee mak ohin Hau koalia dehan, Maromak nia Espiritu sei hatudu ba imi buat hotu nebee loos kona ba Hau.”

João 17:3

Dalan hodi hetan moris loloos nebee rohan laek mak nee: Ema tenki konhese Aman, nudar Nai Maromak nebee loos. La iha tan seluk ida. Sira mos tenki konhese Hau, Jesus Kristu, nebee Aman haruka ona mai iha mundu nee.

João 5:17

Maibee Jesus foo hatene ba sira dehan, “Hau nia Aman serbisu nafatin. Nunee, Hau mos serbisu nafatin.”

João 5:23

Hau nia Aman hakarak ema hotu-hotu respeita Hau, hanesan sira respeita ona ba Nia. Tanba ema nebee la respeita Hau, nudar Nia Oan, ema nee mos la respeita Aman nebee haruka Hau mai.

João 6:69

I ami fiar ba Ita Boot. Tanba ami hatene ona dehan, Ita Boot mak Ema Santu hosi Nai Maromak.”

Apostolu sira nia Istoria 4:32

Ema hotu nebee fiar ba Jesus, sira moris neon ida laran ida. La iha ema ida karak-teen, sira sempre foo sasaan ba malu. La iha ema ida mak dehan sasaan nebee nia iha, ninian mesak. Sasaan saida mak nia iha, hotu-hotu bele uza.

Roma 15:13

Maromak rasik mak halo ita laran metin ba Nia. Hau harohan atu Nia halo imi haksolok teb-tebes no foo paz ho hakmatek ba imi, tanba imi fiar ba Nia. Nunee kbiit Espiritu Santu nian sei halo imi laran metin liu tan ba Maromak.

Roma 16:25

Hahii ba Nai Maromak! Nia mak iha kbiit hodi halo ita sai forti, liu hosi Novidade Diak nebee hau foo sai ona kona ba Jesus Kristu. Hori uluk liu, ema la hatene Maromak nia planu kona ba Kristu, tanba sei segredu hela.

Roma 2:4

O hatene katak, Maromak laran diak teb-tebes i Nia aguenta hela ho pasiensia nafatin. Nusaa mak o la respeita Nia laran diak nee? Keta halo be o la komprende katak, Nia hatudu Nia laran diak ba o para o bele husik o nia sala hodi fila fali ba Nia.

1 Korintu 14:31

Nunee imi hotu bele foo tutan Maromak nia lia menon, atu imi hotu bele aprende i bele laran metin liu tan.

1 Korintu 2:12

Ita simu ona Maromak nia Espiritu, laos espiritu mundu nian. Nunee ita bele komprende bensaun boot nebee Maromak foo ona mai ita.

Galasia 3:28

Imi hotu-hotu nebee fiar ba Kristu Jesus sai ona ida ho Nia. Nunee, atu imi ema Judeu ka laos ema Judeu, atan ka ema livre, mane ka feto, imi hotu ida deit iha Kristu Jesus.

Efezu 1:7

Kristu nia raan fakar too mate tanba ita. Liu hosi Nia Oan nia mate, Maromak selu kotu ita nia tusan. Nunee ita livre ona. Ho ida nee Maromak hatudu Nia grasa res-resin mai ita.

Efezu 3:16

Maromak nia kbiit boot teb-tebes, i Nia laran diak teb-tebes. Nunee Hau harohan atu Nia Espiritu foo kbiit ba imi hodi hametin imi nia laran.

Efezu 3:3

Nia foo sai ona Nia planu segredu mai hau, hanesan hau hakerek tiha ona ituan iha leten.

Efezu 6:22

Hau haruka nia ba imi, atu nia bele konta kona ba ami nia moris iha nee, i bele hametin imi nia laran.

Filipi 2:1

Imi laran metin tanba imi sai ona ida ho Kristu. Imi nia laran hakmatek tanba Kristu hadomi imi. Maromak nia Espiritu hamutuk ho imi. Imi laran diak ba malu, i hadomi malu.

Filipi 3:8

Ida nebee hau konsidera folin boot liu mak nee: Hau bele konhese Kristu Jesus hau nia Nai. Buat sira seluk, hau husik tiha ona, i konsidera hanesan lixu deit, para hau bele besik liu Kristu,

Kolose 1:26

Hori uluk liu, Maromak nia planu nee sei taka hela ba ita ema. Maibee agora, Maromak loke ona Nia planu ba Nia povu.

Kolose 1:27

Nia desidi atu hatudu ba sira katak, Nia planu ba imi nebee laos Judeu mos kapaas i boot teb-tebes. Nia planu mak nee: Kristu hela iha imi nia laran. Tanba nee mak imi laran metin katak, aban-bainrua imi sei haksolok ho Maromak nia naroman nabilan iha lalehan.

Kolose 1:9

Tanba nee, hahuu hosi loron primeiru nebee ami rona kona ba imi, ami halo orasaun bebeik ba imi. Ami husu ba Nai Maromak atu foo ba imi matenek espiritual no konhesimentu kompletu nebee loos tuir Maromak nia hakarak.

Kolose 2:19

Ema sira nee haketak aan ona hosi Kristu, maski Nia mak Ulun, i Nia povu hanesan Nia isin lolon. Kristu halo Nia povu hotu hamutuk sai ida deit, hanesan mos ita nia uat sira liga metin ho ita nia ruin iha isin lolon tomak. Nunee Kristu halo ita hotu buras ba bebeik, tuir Maromak nia planu duni.

Kolose 3:14

Laos buat sira nee deit. Maibee importante liu tan mak hadomi malu, tanba domin mak kesi metin imi hotu sai ida deit.

Kolose 4:3

Keta haluha harohan mos mai ami. Husu atu Nai Maromak loke dalan para ami bele foo sai ba ema, buat nebee uluk segredu hela kona ba Kristu. Tanba hau foo hatene segredu nee mak hau agora dadur hela iha komarka.

Kolose 4:8

Hau haruka nia ba imi para imi bele hatene kona ba hau nia situasaun, i para nia bele hametin imi nia laran.

1 Tesalonika 1:5

Tanba uluk, ami baa foo sai Nai Maromak nia Novidade Diak ba imi, laos ho liafuan deit, maibee ho poder hosi Espiritu Santu, i ami fiar metin katak Novidade Diak nee loos duni. Imi mos hatene katak ami moris iha imi nia leet so hodi halo diak ba imi.

1 Tesalonika 5:14

Maun-alin sira, ami husu para imi foo hanoin ba ema baruk-teen sira para sira tenki serbisu. Foo aten brani ba sira nebee tauk. Ajuda sira nebee fraku. I pasiensia ba ema hotu-hotu.

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.

Ebreu 10:22

Tanba nee mai ita hakbesik aan ba Nai Maromak ho laran moos i fiar metin ba Nia. Tanba Jesus hamoos tiha ona ita nia laran, too ita la hanoin tan sala nebee uluk ita halo. Nee hanesan Nia fasi ita nia isin lolon hodi bee nebee moos.

Ebreu 6:11

Ami hakarak atu imi ida-idak hatudu nafatin imi nia domin nee too rohan, atu nunee imi bele laran metin katak, imi sei hetan buat nebee mak Nai Maromak promete tiha ona atu foo ba imi.

2 Pedro 1:10

Nee duni maun-alin sira, sai badinas liu tan para hahalok diak sira nee buras iha imi nia moris. Hahalok nee hatudu katak Maromak hili tiha ona imi i bolu tiha ona imi para sai Nia ema. Se imi moris nunee, imi sei la husik imi nia fiar,

2 Pedro 1:3

Ita konhese ona Nai Maromak. Tanba nee, hosi Nia kbiit rasik Nia foo mai ita saida deit mak ita presiza atu ita bele moris loos tuir Nia hakarak. Nia mos bolu ona ita sai Nia ema, tanba Nia mak Maromak forsa teb-tebes i diak duni.

2 Pedro 3:18

Hakaas aan para loron ba loron konhese diak liu Nai Jesus Kristu ita nia Salvador, i hatene liu tan Nia laran diak. Mai ita foti aas Nia naran agora i too tinan ba tinan. Amen.

1 João 3:19

Se ita hadomi duni ema seluk, nee hatudu katak ita moris tuir lia loos. Nunee ita nia laran bele hakmatek iha Maromak nia oin.

1 João 5:7

Iha buat tolu mak foo sasin iha mundu nee: