Kolose 2:18 - Biblia Tetun Dili

¹⁸ Se ema ruma kritika imi tanba imi la tuir regra nebee sira rasik mak halo, lalika rona. Sira hanorin dehan, ita tenki haraik aan hodi adora fali anju. Keta tuir! Se lae imi sei la simu prémiu nebee Nai Maromak promete tiha ona atu foo ba imi. Ema sira nee hatete, vizaun mak hatudu regra nee ba sira, i sira foti aan dehan, sira diak liu ema seluk. Maibee lae. Sira inventa deit tanba sira nia hanoin tuir deit mundu nia hanoin.

Kolose 2:18 Iomraidhean Croise

Jenesis 3:13

I NAI Maromak husu ba feto, “Nusaa mak o halo nunee?” Feto nee hataan, “Samea mak bosok hau. Nee mak hau haan tiha ona ai fuan nee.”

Mateus 24:24

Tanba ema sei mai bosok imi dehan sira mak Kristu ka sira Maromak nia profeta. Sira sei hatudu sinal oi-oin no milagre sira nebee halo ema admira. Nunee sira bele lohi ema barak para lao sala dalan. Too ema nebee Maromak hili ona mos sira hakarak bosok hotu.

Roma 1:25

Sira troka tiha lia loos hosi Maromak ho buat nebee falsu. Sira la adora Maromak Kriador nebee halo buat hotu-hotu, maibee sira adora fali Maromak nia kriasaun. Tuir loloos Maromak nee mak ita tenki hahii too tinan ba tinan. Amen.

Roma 16:18

Tanba ema hanesan nee laos serbii Kristu ita nia Nai, maibee serbii deit sira nia aan rasik. Sira uza liafuan midar no promete buat oin-oin, ho nunee sira konsege bosok ema nebee simples.

1 Korintu 13:4

Domin nee pasiensia, domin nee laran diak, domin la laran moras ba ema, domin la gaba aan, domin la foti aan.

1 Korintu 3:3

Imi sei hanoin hanesan fali ema mundu nian. Imi laran moras ba malu, i haksesuk to fahe malu. Nee hatudu katak imi tuir nafatin mundu nia hakarak. Nunee imi nia hahalok hanesan fali ema mundu nian.

1 Korintu 4:18

Iha imi balu foti aan dehan hau la baa vizita imi.

1 Korintu 4:6

Maun-alin sira, iha hau nia liafuan ohin nee, hau temi hau nia aan ho Apolo hanesan ezemplu, para imi bele komprende liafuan nebee dehan, “Halo tuir saida mak hakerek iha Livru Sagradu, la bele halo liu ida nee.” Se imi halo tuir liafuan nee, imi sei la foti aas responsavel ida i hatuun fali ida seluk.

1 Korintu 8:1

Agora hau hakarak koalia kona ba naan nebee ema hamulak tiha ona ba lulik. Ita sarani sira senti aan dehan ita hotu hatene ona kona ba buat nee. Ema nebee hatene buat ruma, nia foti aan, maibee ema nebee iha domin, hametin ema nia fiar.

1 Korintu 9:24

Bainhira ema barak halai taru, maibee ida deit mak manaan premiu. Tanba nee imi tenki halai makaas atu imi bele hetan premiu nee.

2 Korintu 11:3

Agora dadaun imi tuir hela Kristu ho laran tomak. Maibee hau tauk, keta halo be ema ruma mai lohi imi para sees tiha hosi Kristu, hanesan iha tempu uluk samea lohidor mai lohi Eva.

2 Korintu 12:20

Hau tauk, bainhira hau baa iha nebaa, imi nia hahalok la monu ba hau nia laran, i hau nia hahalok mos la monu ba imi nia laran. Hau tauk imi istori malu hela, laran moras malu, hirusdor, hanoin imi nia aan deit, hatete aat ema, konta aat ema nia vida, foti aan i halo rungu-ranga.

Efezu 4:17

Rona didiak saida mak hau hatete agora ba nee, tanba hau koalia hodi Nai Jesus nia naran. Imi la bele moris tan hanesan ema nebee la konhese Nai Maromak. Tanba sira nia hanoin arbiru deit.

Efezu 5:6

Karik ema ruma bosok imi dehan sala sira nee la iha buat ida, keta fiar. Tanba hahalok aat sira nee halo Maromak hirus teb-tebes hodi kastigu ema nebee la tuir Nia hakarak.

Filipi 3:14

Hau hakaas aan ba oin nafatin too rohan para manaan premiu. Hau nia premiu mak nee: Nai Maromak bolu hau tama iha lalehan, tanba Kristu Jesus mate mai hau.

Kolose 2:23

Se ema bele tuir regra sira nee, sira hanoin dehan ema respeita no konsidera sira nudar ema matenek, badinas adora Maromak, haraik aan no halo terus nia aan rasik. Afinal lae! Regra sira nee la iha kbiit hodi muda ema nia hanoin aat no fuan-laran nebee hakarak buat aat.

Kolose 2:4

Hau foo hatene buat sira nee ba imi, atu ema la bele bosok imi ho liafuan midar.

Kolose 2:8

Kuidadu! La bele monu tuir ema nebee bosok imi para lao sees fali hosi dalan loos. Tanba sira nia hanorin nee la huun la dikin, so mai deit hosi matenek ema nian ho regra mundu nian, laos mai hosi Kristu.

1 Timóteo 1:7

Sira hatudu aan dehan sira matenek nain kona ba lei nebee Nai Maromak foo ba avoo Moisés, maibee sira la komprende buat nebee sira hanorin.

1 Timóteo 4:1

Maromak nia Espiritu foo hatene momoos mai ita katak, iha loron ikus, sarani balu sei husik tiha sira nia fiar ba Kristu, hodi tuir fali espiritu aat sira no espiritu bosok-teen sira nia hanorin.

2 Pedro 2:14

Sira nia matan halai tuun-sae hodi buka feto para hodi halo sala foer ho sira. Sira sempre kaan atu halo sala. Sira buka ema nebee mak fiar seidauk metin hodi lohi ema nee para lao sala dalan. Sira ema karak-teen. Nee mak Nai Maromak foo ona malisan ba sira!

1 João 2:26

Hau hakerek buat sira nee para foo hanoin ba imi kona ba ema nebee hakarak bosok imi.

Apokalipse 12:9

Miguel ho nia anju sira soe sai tiha samea ulun hitu nee hosi lalehan. Sira soe tiha samea nee mai mundu hamutuk ho nia anju sira hotu. Samea ulun hitu nee mak ema bolu ꞌdiabuꞌ ka ꞌSatanásꞌ. Hori uluk kedas samea nee lohi ema hotu iha mundu para lao sala dalan.

Apokalipse 13:14

Ho milagre nebee nia halo hodi animal siak primeiru nia naran nee, nia lohi ema hotu iha mundu. Nia haruka ema harii estatua animal primeiru nian para foti aas animal primeiru nee, ida nebee uluk ema halo kanek ho surik, maibee sei moris hela.

Apokalipse 13:8

Ema hotu-hotu iha mundu nee sei adora animal siak nee. So ema nebee naran hakerek ona iha lista nebee hakerek iha Livru ema moris rohan-laek nian mak la adora animal nee. Livru nee Maromak hakerek nanis ona molok Nia halo mundu. Livru nee Bibi Oan nian, Ida nebee mak ema oho.

Apokalipse 19:10

Tuir mai hau hakneak i hakruuk too rai iha anju nee nia oin atu adora nia, maibee nia bandu dehan, “La bele! Adora mak Maromak deit! Tanba hau nee Maromak nia atan hanesan mos o ho o nia maluk sira seluk nebee foo sai nafatin Jesus nia hanorin. Tanba ita hotu hetan kbiit hosi Maromak nia Espiritu para ita foo sasin kona ba Jesus.”

Apokalipse 3:11

Hau besik atu mai ona. Nee duni kaer metin imi nia fiar para ema seluk la bele hadau prémiu nebee prepara tiha ona ba imi.