Kolose 2:16 - Biblia Tetun Dili

¹⁶ Nee duni, se ema ruma atu kritika imi kona ba regra haan-hemu, lalika rona. I se ema ruma halo problema ho imi tanba imi la tuir sira nia regulamentu ba loron boot, ka festa fulan foin mosu, ka deskansa iha loron Sabadu, lalika rona.

Kolose 2:16 Iomraidhean Croise

Mateus 15:11

Buat nebee tama ba ema nia ibun, nee la halo foer nia iha Maromak nia oin. Maibee buat nebee sai hosi ema nia ibun, nee mak halo foer nia.”

Apostolu sira nia Istoria 15:20

Ita tenki hakerek surat ida ba sira, para sira lalika tuir ita nia lei hotu. Ita foo hanoin deit ba sira dehan, sira la bele haan naan nebee mak hamulak tiha ona ba lulik. Sira la bele halo relasaun seksual ho ema nebee laos nia feen ka laen. Sira la bele haan naan raan. I la bele haan naan animal nebee la koa kakorok halo raan sai.

Roma 14:10

Se nunee nusaa mak imi foo sala ba imi nia maluk sarani? Nusaa mak imi hatuun sira? Afinal ita hotu-hotu sei hamriik iha Maromak nia futar oin para Nia tesi ita nia lia,

Galasia 4:10

Imi halao serimonia tuir loron, fulan, loron boot, no tinan, ho objetivu atu Nai Maromak simu imi.

Kolose 2:20

Imi mate tiha ona hamutuk ho Kristu. Nunee imi livre ona hosi espiritu aat mundu nian nebee la domina ona imi. Entaun, nusaa mak imi tuir nafatin sira nia regra sira nee? Hanesan:

Ebreu 13:9

Nunee se ema ruma hanorin buat falsu oi-oin, keta halo tuir hodi sees hosi dalan loos. Atu hametin imi nia laran, imi tenki depende ba Maromak nia grasa. La bele depende fali ba regra kona ba haan-hemu, tanba regra sira nee la iha folin mai ita.

Ebreu 9:10

Tanba regra kona ba oferta ho sakrifisiu so koalia kona ba isin lolon nian deit, hanesan haan-hemu ho serimonia hamoos aan. Maski nunee maibee regra sira nee lao nafatin too Nai Maromak hatuun Nia aliansa foun.

Tiago 4:11

Maun-alin sira, la bele hatete aat ema. Se o hatete aat o nia maluk sarani ida, i foo sala bebeik ba nia, entaun o hatete aat Nai Maromak nia lei nebee haruka ita hadomi malu, hodi dehan lei nee la diak. Se o foo sala ba Nai Maromak nia lei nunee, entaun o laos ona ema nebee tuir Nia lei, maibee o foti aan hanesan fali juis hodi tesi lia ba lei nee.