Kolose 2:14 - Biblia Tetun Dili

¹⁴ Nia kansela tiha dokumentu nebee hakerek ita nia sala hotu-hotu hodi prega dokumentu nee ba iha krus hamutuk ho Kristu.

Kolose 2:14 Iomraidhean Croise

Ester 3:12

Nunee iha loron 17 fulan Abril, Amaan halibur liurai nia ema sira nebee hakerek surat. Sira hakerek surat dekretu ida tuir loloos saida mak Amaan haruka. Sira hakerek foo ba governador ida-idak iha provinsia ida-idak. Sira foo mos ba povu ida-idak no ba katuas lia nain sira iha suku-suku. Sira hakerek tuir povu iha provinsia ida-idak nia lian ho sira nia maneira hakerek rasik. Surat nebee atu haruka uza liurai Ahasuweros nia naran, i tau karimbu hosi liurai nia kadeli rasik nebee nia entrega ona ba Amaan.

Lucas 1:6

Sira nain rua nee ema nebee moris loos iha Maromak nai futar oin, i halo tuir Maromak nia lei no Nia ukun fuan sira.

Apostolu sira nia Istoria 3:19

Tanba nee, imi tenki husik ona imi nia sala i fila ba Nai Maromak, atu Nia bele hamoos imi nia sala hotu.

Kolose 2:20

Imi mate tiha ona hamutuk ho Kristu. Nunee imi livre ona hosi espiritu aat mundu nian nebee la domina ona imi. Entaun, nusaa mak imi tuir nafatin sira nia regra sira nee? Hanesan:

2 Tesalonika 2:7

Agora forsa nakukun nian serbisu sub-subar hela, halo ema kontra Maromak nia lei, tanba sei iha ida nebee tahan netik. Maibee iha loron ida, ema ida nebee tahan forsa nakukun nee sei husik liman hodi foo livre ba nia.

Ebreu 7:18

Ho nunee Maromak kansela tiha lei relijiaun ida tuan, tanba lei nee fraku i la iha kbiit atu tulun ema,

Ebreu 8:13

Bainhira Maromak koalia kona ba Nia aliansa foun, nee dehan katak, Nia aliansa tuan la vale ona. I buat nebee tuan i la vale ona, la kleur tan sei lakon.

1 Pedro 2:24

Kristu rasik mak lori ita nia sala iha ai krus leten para ita nebee mate ba sala bele moris iha lia loos. Nia kanek sira nee mak kura ona imi.